Регион
Двајца убиени во нападот со автомобил бомба во турска Адана
Најмалку две лица загинале а 33 се ранети во четвртокот во напад со автомобил бомба на југот од Турција, изјави гувернерот на Адана, Махмут Демитрас кој потврди дека минираното возило било паркирано во близна на влезот од неговата канцеларија.
Експлозијата на автомобилот се случила во 6,05 часот утрото по локално време, а според гувернерот Махмут Демитрас првичните информации говорат дека за нападот е одговорна жена, додавајќи дека биле идентификувани регистарските таблички на возилото.
Според министерот за енергетика Барат Албајркак, во експлозијата се повредени уште 33 лица, а оштетени се и повеќе други возила и зградата на седиштето на гувернерот.
Турскиот министер за европски работи, Омер Челик, исто така пратеник од Адана, на Twitter објави дека станува збор за „проклет терористички напад“. „Во името на човештвото, ќе се бориме до крајот против тероризмот“, порачува Челик.
Адана, градот со повеќе од милион жители, се наоѓа на стотина километри од сириската граница. Во неговата близина се наоѓа воздухопловната база „Инџирлик“ која ја користат авионите на меѓународната коалиција која ги бомбардира позициите на џихадистите од Исламската држава во Сирија и во Ирак./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Невреме во Хрватска: гром запали куќа, летаа покриви, автомобили заглавени во вода
Пожар избувна во семејната куќа во Борлин по удар на гром по силното невреме.
Со тешки телесни повреди се здобил и 52-годишен пожарникар кој е пренесен на лекување, јавува „ Нова ТВ“.
Командирот на Јавната противпожарна служба во Карловац, откри детали за повредениот пожарникар.
„За време на гаснењето имаше неколку експлозии, најголемата беше при нашето пристигнување, за време на гаснењето имаше неколку секундарни експлозии, не знаеме точно што ги предизвикало експлозиите, можеме да претпоставиме дека се работи за остатоци од мини-експлозивни направи од Татковинската војна“, рече тој.
Додаде дека пожарникарот има сериозни повреди, пренесува „Индекс“.
„Ќе биде опериран, сакаме да закрепне што е можно поскоро“, изјави тој за РТЛ.
Соседите во предградието на Карловац, опишаа дека гром прво удрил во куќата, по што следеле поголеми и помали експлозии, од кои стотици. Плочки летаа и до 80 метри, а на улица можеше да се најдат и чаури.
Силно невреме попладнево зафати делови од Хрватска. Најтешка беше ситуацијата во Карловац.
Големо количество врнежи за кратко време предизвикаа поплави на бројни патишта во Карловац. Поплавени се подвозници и паркинзи, автомобили останаа заглавени во водата.
Итните служби се на терен.
Во повеќе делови од градот паѓаше град. Засега се уште нема информации за штети.
Карловачките пожарникари примиле околу 20 повици за интервенции, потврди градоначалникот Дамир Мандиќ.
Регион
(Видео) Протести во Тирана: експлозии пред влезот на собранието; молотови коктели врз полицајци
Граѓаните повторно се собраа пред собранието на град Тирана, каде се одржа нов протест со барање за оставка од градоначалникот Ерион Велиај, јавува „Vox News“.
Тензиите се зголемија по говорите на претставници и активисти на опозицијата.
The opposition in #Albania is protesting for the second month in front of the Municipality of #Tirana. They demand the resignation of the Mayor #ErionVeliaj as they accuse him of corruption on at least 3 occasions. pic.twitter.com/cNQmqwX0IB
— Isa Myzyraj (@IsamyzyrajAlb) May 28, 2024
Овој протест, според написите, започна со факели и молотови коктели.
Демонстрантите фрлаа молотови коктели кон влезот на градското собрание во Тирана, додека десетици полицајци стоеја пред нив.
Медиумот пренесува дека молотовите коктели не ги погодиле полицајците, туку експлодирале на влезните скали на Градското собрание.
Регион
Притвор за малолетникот осомничен за убиството на братот на вицепремиерот на Босна и Херцеговина во Белград: ќе одговара за тешко убиство
Судијата за малолетници на Вишиот суд во Белград му одреди притвор до 30 дена на малолетникот Ф. Б. (16), кој е осомничен за тешкото убиство на Ѓорѓе Мијатовиќ (40), брат на Војин Мијатовиќ, министер во владата на Федерацијата на Босна и Херцеговина.
Неговиот притвор е одреден за да не влијае на сведоците и да не го повтори кривичното дело за краток временски период, објавија српските медиуми.
Денеска, се предаде и уште еден малолетник осомничен за убиството.
Двајцата се осомничени за кривично дело тешко убиство.
Српското МВР вчера соопшти дека припадниците на полицијата во Белград интензивно работат на пронаоѓање две лица, кои се осомничени дека претепале четириесетгодишен маж, кој починал на Ургентниот центар.
Како што е наведено, полицијата во неделата во 18.20 часот добила пријава дека две лица претепале четириесетгодишен маж во парк во Вождовац.