Македонија
СДСМ: Македонското образование е меѓу најлошите во Европа
Реформите на Никола Груевски и ВМРО-ДПМНЕ, во образованието, наместо со напредок, резултираа со колапс на целиот образовен процес, тврдат од СДСМ.
„Груевски, со помош на (заменик министерот за образование Спиро)Ристовски и останатите извршители не може да овозможи квалитетно образование од кое би биле задоволни и учениците и родителите и професорите. Потребна е промена на власта за образование кое ќе пренесува знаење. Експериментите на Груевски и послушниците резултираа со последно место на сите релевантни листи. Македонското образование под власта на ВМРО-ДПМНЕ влезе во листата на Организацијата за економска соработка и развој помеѓу најлошите во Европа. Македонското образование го допре дното“, велат од СДСМ.
Потсетуваат дека Македонија листата се најде на 65-то место од вкупно 76 земји. Македонија е зад сите земји од соседството. Србија е на 42-то место, Црна Гора е на 56-то место, додека Хрватска има подобар успех и се наоѓа на 34 место. Словенија е земјата со најдобар образовен систем на Балканот и се наоѓа на 18-то место на листата.
Затоа ни се потребни темелни промени. Потребно е образование кое едуцира.
„Ќе вложуваме во образованието и ќе се фокусираме кон вештини и критичко размислување кои им се потребни на младите за да ги реализираат своите желби. Целта ни е создавање задоволни и исполнети граѓани, а не несреќни и немотивирани експерти. Ќе го намалиме бројот на предмети и ќе го укинеме екстерното тестирање! Наставниците нема да бидат казнувани, туку најдобрите училишта и наставници ќе бидат јавно наградувани“, додаваат од СДСМ./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.