Свет
Полска бара ЕУ да се жали до СТО поради руското ембарго

Полска побарала од Европската комисија (ЕК) да упати формална жалба до Светската трговска организација (СТО) за руското ембарго за увоз на прехранбени производи од ЕУ, соопштиле од полското министерство за економија, пренесува EurActiv.
Полска побарала од Европската комисија (ЕК) да упати формална жалба до Светската трговска организација (СТО) за руското ембарго за увоз на прехранбени производи од ЕУ, соопштиле од полското министерство за економија, пренесува EurActiv.
Досега Комисијата беше внимателна околу одлуката да се жали поради ембаргото до СТО, бидејќи според правните совети кои биле упатени до Брисел, состојбата би можела да доведе до трговска војна со Русија поради Украина.
На 7-ми август Русија воведе забрана за увоз на прехранбени производи од ЕУ, вклучувајќи и овошје и зеленчук од Полска. Извозот на Полска кон Русија годишно вреди околу 1,13 милијарди евра, а како втор најголем произведувач на јаболка во Унијата, на Полска сега и’ останаа околу 700 илјади тони јаболка, планирани за продажба на Русија. Забраната од страна на Русија беше изречена како одговор на западните економски санкции кон Русија поради присоединувањето на полуостровот Крим , што Западот го смета за анексија на украинска територија.
Од полското министерство за економија за Reuters изјавиле дека испратиле барање до еврокомесарот за трговија Карел де Гухт, кој ја преставува ЕУ во сите случаи кои се водат во СТО.
По состанокот со Де Гухт во вторникот, полскиот министер за земјоделство Марек Савицки изјави дека во моментов се водат прелиминарни консултации меѓу земјите членки на ЕУ и дека првичните одлуки околу тужбата би требало да се донесат до 12-ти септември.
„Мислењата на САД, Австралија и Канада, исто така, ќе бидат важни. Вицепремиерот Јануш Пиехочински ќе разговара со овие земји“, изјавил Савицки.
Доколу СТО пресуди во корист на жалбата на Европската комисија, тогаш би можела да ја казни Русија поради прекршување на правилата на слободниот пазар./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Пресврт во трговската војна – САД побараа разговори со Кина

Соединетите Американски Држави се обратија до Кина за да побараат разговори за царините од 145 проценти што ги воведе претседателот Доналд Трамп, а вратата на Пекинг е отворена за разговори, соопшти утрово кинеското Министерство за трговија сигнализирајќи потенцијално ублажување на трговската војна.
„САД треба да бидат подготвени да преземат мерки за да ги исправат погрешните практики и да ги откажат едностраните царини“, соопшти Министерството за трговија додавајќи дека Вашингтон мора да покаже искреност во преговорите.
„Обидот да се искористи разговорот како изговор за принуда и изнуда нема да функционира“, соопшти Министерството за трговија.
Пекинг отворено го изрази својот гнев поради царините за кои вели дека не може да го запрат подемот на втората по големина економија во светот. Тој го фокусира својот гнев на поттикнување на јавната и глобалната осуда на американските ограничувања за увоз.
„Кина сака да се сретне и да разговара за трговија, а разговорите ќе следуваат набргу“, изјави синоќа американскиот државен секретар Марко Рубио за „Фокс њуз“.
„Нашиот министер за финансии Скот Бесент е вклучен во овие напори и нивните дискусии ќе следуваат набргу“, рече тој додавајќи дека прашањето е колку САД треба да купуваат од Кина во иднина.
Трамп завчера изјави дека верува оти постои многу голема шанса неговата администрација да постигне договор со Кина.
Тој го изјави ова неколку часа откога кинескиот претседател Шји Џјинпинг ги повика официјалните лица да преземат мерки за приспособување кон промените во меѓународната средина, без конкретно да ги спомене САД.
Економија
Скок на берзите по објавата на Трамп за стопирање на царините

Берзите силно растат по објавата на претседателот на САД, Доналд Трамп, за стопирање на царините.
Брз поглед на тоа како некои клучни индекси на Волстрит пораснале:
Dow Jones порасна за 5,76 отсто
S&P 500 порасна за 6,46 отсто
Nasdaq порасна за 8,04 отсто
Од вчерашното затворање на пазарот, омпаниите од S&P 500 изгубија пазарна вредност од 5,8 трилиони долари од објавувањето на тарифите на Трамп минатата среда. Тоа е најдлабоката загуба од четири дена од основањето на индексот во 1950-тите, според податоците на „ЛСЕГ“.
Економија
Германија тврди дека трговската војна би била штетна и за САД

Италијанската премиерка, Џорџа Мелони, предупреди на опасностите од трговската војна со Соединетите Американски Држави, а сега слично предупредување доаѓа и од Германија.
Германија, најголемата европска економија и трета по големина во светот според податоците на Светската банка, предупредува дека реципрочните тарифи ќе бидат штетни за сите инволвирани страни пред објавувањето на новите царини подоцна денеска од страна на Трамп.
„Трошоците за трговска војна не паѓаат само на едната страна, туку може да станат скапи за двете страни“, рече владиниот портпарол Штефен Хебестрајт.
Тој додаде дека Берлин е „подготвен да преговара на европско ниво со Соединетите Американски Држави“ за да не биде вовлечен во трговска војна.
Германската економија е многу зависна од извозот, особено од возилата и автоделовите. Според податоците на германската влада, минатата година биле извезени приближно 3,4 милиони нови автомобили, од кои околу 13 проценти биле увезени во САД.