Црна хроника
Албански државјанин ги украл моштите на св. Параскева од манастирот во кичевско
Триесет и осумгодишниот А.Д. од албанскиот град Дибер е сторителот на кражбата во манастирот „Св. Богородица Пречиста“ во близина на Кичево, од каде што одзеде три сребрени крстови, манастирски печат и ковчеже со моштите на св. Параскева, соопшти СВР Охрид.
Против него полицијата поднесе кривична пријава за сторено кривично дело „тешка кражба“ и истиот е спроведен во казнено-поправната установа во Тетово каде ќе издржува притвор во траење од 48 часа.
Пријавениот на 11-ти овој месец од манастирот „Св.Богородица Пречиста“ во близина на Кичево украде три сребрени крста кои датираат од 1800 година, еден манастирски печат и едно резбано сребрено ковчеже со мошти од св. Параскева, предмети што претставуваат културно наследство на Република Македонија.
Тешката кражба А.Д. ја извршил околу два часот утрото откако претходно насилно и со подесен алат го скршил цилиндарот од металната решеткаста врата. Тој потоа насилно ја отворил и дрвената врата за влез во олтарот. Оттука ги одзел трите крста, манастирскиот печат, резбаното сребрено ковчеже.
По извршувањето на тешката кражба, А.Д. околу 03 часот е приведен во близина на селото Брждани, на регионалниот пат Кичево-Битола каде се обидел да избега со своето патничко моторно возило марка „голф“ со албански национални ознаки.
Против сега притворениот албански државјанин, полициската станица од Дебар во текот на март 2010 година има поднесено посебен извештај дека заедно со уште едно лице, го сториле кривичното дело криумчарење на икони и други предмети од културно наследство.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Во делчевско Вирче најдена граната
Во делчевското село Вирче пронајдена е стара неексплодирана граната. Случајот е пријавен од жител на селото кој експлозивната направа ја пронашол во својот двор.
Во пoлициската станица Делчево, А.М.(60) од с.Вирче, делчевско, на 17.05.2024 во 19.50 часот пријавил дека при извршување градежни работи во неговиот двор пронашол една стара неексплодирана граната, информираат од полиција.
Гранатата по извршениот увид била подигната од пиротехничар од Дирекцијата за заштита и спасување.
Црна хроника
Во куќа на струмичанец најдена дрога
Струмичката полиција вчера околу пладне во Струмица го лишила од слобода Љ.Ѓ.(46) од овој град. При претрес во неговиот дом, извршен со судска наредба, биле пронајдени и одземени кафеава прашкаста материја, црна прашкаста материја, марихуана, бела прашкаста материја, бела грутчеста материја и други предмети за кои постои сомнение дека потекнуваат од кривично дело..
Како што информираат денеска од МВР, лицето било задржано во полициска станица и по целосно документирање на случајот против него ќе биде поднесена соодветна пријава.
Топ
Еден починат и еден тешко повреден во несреќа во лифт во Штип
Едно лице почина, а друго се бори за живот во Клиничката болница- Штип од повреди добиени во несреќа, што според првичните информации се случила во лифт во угостителски објект во Штип.
Повеќе детали околу несреќата засега нема, но од СВР Штип велат дека во тек е увид од страна на полицијата, јавен обвинител од ОЈО Штип, а на терен се и државни инспектори.
Според првичните информации починатото лице и неговиот колега извршувале работна задача во моментот на несреќата.