Скопје
Скопјани се запознаваа со богатата кинеска култура
Манифестацијата „Кинески пролетен фестивал во Скопје”, се одржа во сабота во Градскиот трговски центар, каде на сцена и голем број на штандови скопјани имаа можност да се запознаат со дел од богатата кинеска култура.
Оваа манифестација е дел од настаните со кои се одбележува 30 годиинината од збратимувањето на Градот Скопје и Нанчанг (Народна Република Кина).
На сцената настапија голем број на танчери и музичари од културниот ансамбл од Нанчанг, кои и вчера во Македонскиот народен театар ја изведоа претстава „Среќна Кинеска Нова Година, неверојатен Нанчанг”.
На поставените штандови присутните имаа можност да добијат разни сувенири, книги и предмети кои се типични за кинеската култура, а на дел од штандовите пред жителите на Скопје се презентираа поголем број на кинески компании.
„Кинески пролетен фестивал во Скопје” го посетија и градоначалникот на Град Скопје, Коце Трајановски и Претседателот на Советот на Град Скопје, Ирена Мишева, амбасадор на Народна Република Кина, Зеншун Вен и Жоу Шулинг, заменик-претседавач на Постојаниот комитет на Народниот конгрес на Нанчанг.
Град Скопје и Нанчанг се збратимени од 1985 година и тоа е единствениот град од Азија со кој Скопје има соработка на ова ниво.
Нанчанг е главен град на провинцијата Џиангџи (Jiangxi) во југоисточниот дел на Кина. Се наоѓа на 60 километри од реката Јангце и се протега на бреговите на реката Ган. Градот Нанчанг е познат по Народниот плоштад кој е втор по големина јавен плоштад во Кина, веднаш зад плоштадот Тианамен во Пекинг. Нанчанг има популација од околу 5 милиони жители. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Реконструирана училишната спортска сала во основното училиште „Мирче Ацев“
Општина Ѓорче Петров финишира со реконструирањето на училишната сала во основното училиште „Мирче Ацев“, која е веќе пуштена во употреба.
При реконструкцијата изведен е менување на подот во салата, каде што беше поставен нов гумиран под, бојадисување, молерисување на ходникот и кабинетот на наставникот по физичко образование, целосно нова вентилација и опремување со нови спортски реквизити, извести Општина Ѓорче Петров.
Овој проект беше неопходен за нормално одвивање на часовите по физичко образование на основците. Со неговото завршување направен е чекор плус во создавањето добри услови за настава во една од шесте образовни институции во Ѓорче Петров.
Проектот е реализиран во соработка со Министерството за образование и наука, се додава во соопштението на Општина Ѓорче Петров.
Скопје
Вежбалница на отворено првпат во општина Илинден
Комплетно опремена спортска вежбалница на отворено првпат добија жителите на општина Илинден, која се наоѓа кај пешачко-велосипедската патека во Марино.
Градоначалникот на општина Илинден, Александар Георгиевски, истакна дека во рамките на ова фитнес-катче, каде што младите, па и повозрасните жители на општината, ќе можае да се рекреираат и вежбаат, поставени се повеќе најсовремени фитнес-справи.
Досегашната пракса на инвестирање и создавање услови за спортување постојано се докажува како највредна инвестиција за сите генерации, па затоа Општина Илинден од сопствениот буџет оддвои средства за реализација на спортскиот терен за вежбање на отворено, а во наредниот период продолжува и понатаму со инвестиции во спортот и спортските терени на нејзина територија, соопштуваат од Општината.
Скопје
Санкционирани 191 непрописно паркирано возило на територијата на општина Центар
ЈП Паркинзи на Општина Центар и Општина Центар во соработка со Сообраќајната полиција-Скопје санкционираа 191 непрописно паркирано возило кои го попречувале нормалното и безбедно одвивање на сообраќајот.
„Во периодот од 13.05. до 19.05.2024 година, со помош на специјалните возила „Пајак“ на ЈП ПОЦ отстранети се 102 непрописно паркирани возила, а со поставување на механичко средство „Блокатор“ санкционирани се 89 возила кои биле затекнати на резидентни паркиралишта, а не биле корисници-резиденти на секторот во којшто биле паркирани“, велат од ПОЦ.
За трајно решение на сообраќајниот метеж и проблемот со неправилното паркирање неопходна е поголема сообраќајна култура, затоа ЈП ПОЦ и СВР Скопје во наредниот период ќе продолжат со секојдневно отстранување на сите непрописно и несовесно паркирани автомобили во општина Центар со цел да се подигне сообраќајната свест на повисоко ниво и да се зголеми безбедноста во сообраќајот, се додава во соопштението на ПОЦ.