Регион
Србија подготвува остри казни за своите државјани на странските боишта
Српскиот вицепремиер Расим Љајиќ во интервју за Радио-телевизија Србија најави дека владата во Белград наскоро ќе предложи построги казнени мерки за државјаните на Србија коишто како платеници војуваат низ светот.
Љајиќ интервјуто потсети дека Социјалдемократската партија (СДП) чиј претседател е, од порано предложи измени на Кривичниот закон со кој се заоструваат казнените мерки за да се овозможи казнување на лицата кои од Србија заминуваат да се борат во други земји. Според овој предлог, на организаторите на заминувањето на странските боишта им се заканува до 12 години затвор, а 5 години за лицата кои ќе се решат да војуваат како платеници или од верски убедување.
Вицепремиерот Расим Љајиќ изјави дека во таквите случаи државата не може да ја преземе образовната улога на семејството, па поострите казни би требало да имаат двојна намена, да дејствуваат превентивно, како и оние што заминуваат на странските боишта да знаат дека ќе бидат кривично санкционирани. „Државата не може да ја преземе улогата на семејството. Тие луѓе застраниле со верата“, оцени Лајиќ коментирајќи ги изјавите на припадниците вахабитското движење и додаде дека државата не ја интересира дали некој заминува од верски побуди или затоа што за тоа е платен.
Според Љајиќ, ниедна државна институција, освен процени, нема точни податоци колку во моментов државјани на Србија се борат некаде во светото, на боиштата од Сирија до Украина. Тврдејќи дека ниту другите земји немаат прецизни податоци за своите државјани, Љајиќ истакна дека само во Сирија на двете завојувани страни се борат лица од 74 земји во светот, а повеќе до 500 доброволци во Сирија се од земјите членки на Европската унија.
Љајиќ укажа и дека многу земји во светот, како Јордан, Кувајт, Германија или Австралија, имаат слична закони се казнува заминувањето на странските боишта. Според локалните медиуми, српски државјани војуваат во Украина и во Сирија, како и во земјите на централна Африка во француската Легија на честа. Припадници на радикалните исламистички движења од регионот Санџак и Албанци од јужна Србија заминуваат во Сирија, а Србите заминуваат и во Украина, и тоа и во редовите на проруските бунтовници и во паравоените единици коишто ги плаќаат прозападните власти во Киев.
Од повеќе извори медиумите во Србија изинатите дренови пишуваа дека Србите учествуваат на страната на проруските бунтовници во Украина. Поранешниот руски доброволец во војната во Босна, Алескандар Кравченко за српските медиуми тврди дека Србите се борат на страната на проруските бунтовници, додека Албанците и Унгарците од Србија се борат на страна на киевските власти.
Српските борци кои учествуваат во судирите во Украина, според пишувањето на белградски Блиц „не станува збор за никакви патриоти на руска или на украинска страна, туку за платеници кои месечно добиваат по околу 10.000 долари“, а според податоците на српската Безбедносно-разузнавачка агенција (БИА), во граѓанската војна во Украина учествуваат 30 државјани на Србија. Блиц наведува дека од нив дваесетина се борат на страната на проруските бунтовници и им е ветена плата од околу 2.000 долари неделно, додека десетина државјани на Србија се борат на страната на паравоените формации под контрола на Киев за неделна плата до 3.000 долари.
Српскиот премиер Александар Вучиќ оцени минатиот вторник дека ангажирањето борци од Србија во Украина ѝ нанесува штета на државата, како и дека Србија „не учествува во тие судири“. „Србија води одговорна политика. Не сме во можноста законски да реагираме, но сѐ повеќе водиме сметка за лицата кои се враќаат од сириската и од ирачката територија и за оние кои во Украина учествуваат во судирите. Го следиме нивното делување во земјата“, рече Вучиќ по повод извештаите дека на боиштата во Украина војуваат и доброволци од Србија.
Вучиќ истакна дека за Србија „војните се завршени“ и ги повика сите кои војуваат на територијата на Украина да се вратат во земјата и „да се грижат за своите семејства“, бидејќи „не е нивно да војуваат во туѓа земја, ниту за 6.000, ниту за 1.200 долари, зависно од тоа колку кој ги плаќа“. Српскиот премиер тврди дека станува збор за лица кои во 90 отсто се платеници, но дека „ѝ нанесуваат голема штета на Србија“.
„За Србија и за српскиот народ војните одамна се завршени. Ние гледаме во мирна иднина, во која размислуваме како во 2016 година да бидеме економски најнапредната земја во регионот“, порача премиерот Вучиќ./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.