Политика
Ахмети: ДУИ, заштитник на сите прогонувани заедници
Челникот на ДУИ, Али Ахмети, во општината Маврово-Ростуше во четвртокот се сретна со бројните симпатизери, како и жители од регионот, пред кои порача дека тој, и како што кажа, и неговите содејци, се единствените гаранти на албанското прашање и со тоа и заштитници и старатели на малцинствата што се во соживот со Албанците.
„Ниту историски, ниту по традиција, ние не сме припаѓале на Евроазија, затоа треба уште посилно да се организираме на овие избори за да имаме уште посилни мандати. Што се однесува на македонските партии, како што се ВМРО-ДПМНЕ и СДСМ, кои се прават дека се заштитници, да не заборавиме дека тие ја имаа таа шанса во 90-тите години, за да воспостават демократија во оваа земја, меѓутоа, не го направија тоа. Јас сум тука за да ви кажам дека ние треба да се обединиме, Албанци, Бошњаци и Турци, со цел работите да одат напред“, изави претседателот на ДУИ и носител на листата во Изборна единица број 6, Али Ахмети.
Ахмети, исто така, рече дека се симнал во Ростуше за да им покаже на жителите од оваа страна дека ДУИ никогаш не ги заборавил нив и на систематски начин има пројавено интерес за овој дел од Македонија.
„ДУИ е реална сила во земјава. Без ДУИ, не може да функционира ниту државата, ниту институциите во оваа земја. ДУИ е политичка сила која не ги штити само интересите на Албанците туку интересите на сите заедници во ова земја, заедници што биле прогонувани и оспорувани. Затоа си давам себеси право и морално и национално, да ги барам гласовите на сите во оваа земја затоа што јас не сум мислел да ги штитам преку измена на Уставот само Албанците, туку сите малцински заедници што живеат тука“, рече Ахмети.
Шефот на Централниот изборен штаб, Беким Незири, пред жителите на Ростуше рече дека ДУИ ќе го направи невозможното за да ја подобри економската благосостојба на жителите на овие краеви.
„Вашето присуство јасно покажува дека на оваа општина местото и е во политиките на ДУИ, на чело со лидерот Али Ахмети. Дозволете ми неколку аргументи во оперативниот сегмент. ДУИ, или Централниот штаб, уште од основањето во текот на 2015 година е организиран во над 33 општински штабови и 277 локални штабови коишто чекаат задачи од нас. Ова јасно покажува дека ДУИ има добро организирана структура, структура која ќе излезе победник на изборите од 11-ти декември. За да бидеме победници, тоа не се дискутира, ова јасно го покажуваат и анкетите организирани од нашите политички опоненти. Ние треба да испратиме порака да бидеме што е можно пообединети, за да собереме што повеќе гласови за на нашиот лидер, Али Ахмети да му биде полесно да ги води ‘битките4 при водењето полтика“, рече Незири.
Ахмети, заедно со претставниците од ДУИ, исто така, ги потсетија присутните на средбата за битноста на нерасцепкувањето на албанскиот глас и на сите други заедници. Граѓаните треба да бидат будни и да не придонесат во зајакнувањето на сомнителните антиалбански кругови./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.