Свет
Коалицијата призна 173 цивилни жртви во воздушните удари во Ирак и Сирија
Коалицијата за борбата против ултрадикалната сунитска групација Исламска држава предводена од САД дошла до сознанијата дека во текот на спроведувањето на операциите во воздушните удари врз позициите на џихадистите од 2014 година настрадале 173 цивили, се наведува во соопштението на коалицијата од четвртокот.
„Во овој момент, според достапните информации, штабот на операцијата смета дека е веројатно оди од почетокот на операцијата ’Непоколеблива решителност’ во ударите на коалицијата ненамерно биле убиени 173 цивили. Жалиме за случајните жртви, кои се резултат на напорите на коалицијата за поразување на Исламската држава во Ирак и во Сирија, и изразуваме длабоко сочувство до семејствата погодени од овие напади“, се наведува во соопштението, кое го цитира Reuters.
Агенцијата притоа вели дека оваа бројка е „значително помала од процената на другите групи“ за бројот на цивилните жртви.
Во октомври годинава, на пример, Amnesty International наведе дека коалицијата предводена од САД против Исламската држава не спроведува доволно мерки за внимателност за да ги избегне цивилните жртви во Сирија. Amnesty International тогаш објави дека во коалициските напади се убиени најмалку 300 цивили во 11 напади од септември 2014 година во Сирија.
Во извештајот од четвртокот особено се опишуваат седум случаи во периодот од 21-ви март до 22-ри октомври октомври 2016 година, во кои биле убиени 54 цивили. На пример, на 18-ти јули во сирискиот град Манбиџ загинале 24 цивили, кои биле во исто место со џихадистите. Во овој напад, исто така, биле убиени околу 100 милитанти. Покрај тоа, на 28-ти јули во друг регион на Сирија биле убиени 15-цивили, при гаѓање на наводен автомобил на бунтовниците.
Опозициската Сириска опсерваторија за човекови права (SOHR, со седиште во Лондон, пак, тврди дека во нападот во Манби смртно настрадале 56 цивили.
Истовремено коалицијата истражувала уште 12 информации за загинувања на цивили и дошла до заклучок дека тие не се веродостојни, бидејќи во тие области или во тоа време немало напади на нејзината авијација., Уште три напади и натаму се истражуваат и засега нема конкретен заклучок.
Во коалицијата предводена од САД влегуваат 66 земји, но во воздушните удари во Ирак и во Сирија од септември 2014 година, учествуваат само неколку претежно западни држави./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Американски разузнавачи со предупредување: Русија и Кина подготвуваат заедничка инвазија
Американското разузнавање има информации кои укажуваат дека Русија и Кина тесно соработуваат за голем број воени прашања, вклучително и потенцијална инвазија на Тајван.
Такво нешто ја поттикна американската администрација да планира како да спречи такво сценарио, пренесува „Блумберг“.
„Ова е првпат Кина и Русија да соработуваат за прашањето на Тајван. Кина дефинитивно сака да соработува со Русија во оваа насока“, рече шефицата на Националната разузнавачка служба Аврил Хејнс за време на нејзиното сведочење пред Конгресот.
Републиканскиот сенатор Мајк Раунд од Јужна Дакота ја праша Хејнс за такво сценарио за време на сослушувањето на Комитетот за вооружени служби во Сенатот. Тој праша и дали Пентагон планира одговор на таквата можност, бидејќи големи се шансите во случај на конфликт со една земја да биде отворен потенцијален конфликт со една или повеќе од нив. Тоа би влијаело на многу работи.
„Секако дека постои можност да се случи такво нешто. Одговорот на тоа прашање зависи од сценариото што би се развило“, рече Хејнс, додавајќи дека разузнавачките проценки укажуваат дека постои зголемена соработка во партнерството „без забрани“ меѓу Русија и Кина во секој општествен сектор – политички, економски, воени, технолошки“, пренесува медиумот.
Нејзините изјави, според написите ги потврдил и генерал-полковник Џефри Круз и нагласил дека ситуацијата внимателно се следи и дека „тие се подготвени доколку се случи несакано сценарио“.
Медиумот анализира дека треба да се знае дека Русија, Кина и Иран во средината на март одржаа заеднички воени вежби наречени „Поморски безбедносен појас – 2024“ во Оманскиот Залив и Арапското Море.
Свет
Медведев до Швајцарија: Ти благодарам, земјо на сирењето и часовниците
Дмитриј Медведев, поранешен руски претседател и актуелен заменик на Советот за безбедност, рече дека конференцијата за прекин на огнот во Украина ќе биде уште еден доказ за пропаѓањето на „мировниот план“ на украинскиот претседател Володимир Зеленски.
Швајцарската влада претходно објави дека Русија во моментов не е меѓу десетиците поканети земји, додавајќи дека е отворена за нејзино учество, но дека Москва не е заинтересирана. Берн го најави собирот во јануари, велејќи дека го организирал на барање на украинскиот претседател Володимир Зеленски.
Медведев објави денеска на Телеграм. „Која е користа за Русија од швајцарската „мировна конференција“? Придобивката е трикратна. Прво, тоа ќе биде уште еден доказ за пропаѓањето на таканаречениот мировен план на идиотот Зеленски.
Второ, тоа ќе стане видлив доказ за целосната немоќ на сегашните западни елити, кои извршија болна самокастрација на нивната способност да го прекинат воениот конфликт. Згора на тоа, по директна наредба на група сенилни лекари од Вашингтон.
Трето, тоа ќе им овозможи на нашите вооружени сили да продолжат да ја чистат територијата на Мала Русија од неонацистите без мешање или сметка за нечии глупави „мировни иницијативи“ и сите ние да извршиме скрупулозна работа во насока на конечниот колапс на политичкиот режим на Украина и брзото враќање на нашите оригинални територии во Руската Федерација. Ти благодарам, земјо на сирењето и часовниците“, напиша Медведев.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.