Политика
Заев: Бараме поддршка за стабилна влада
Не бараме 63 пратеници, бараме стабилна влада за да донесеме закони и одлуки кои вие ги заслужувате. Барам поддршка, барам глас за да може Македоснија да биде земја со која ќе се гордееме, рече челникот на СДСМ Зоран Заев во петокот носителот на кандидатската листа на опозициската коалиција во Изборната единица 4.
„Навистина сме до крајот на ова владеење. Гевгелија заборави да се смее како и остатокот на Македонија. Во овие десет години имаме злосторничка власт. Затоа ние веќе победивме. Готово е“, порача Заев, на митингот во Гевгелија на СДСМ и Коалицијата „За живот во Македонија“.
Посочи дека и на последниот дуел на кој бил покане лидерот на ВМРО-ДПМНЕ, Груевски не дошол. „ Ако е кукавица и не доаѓа на дуели нека го напушти своето место… Да разговараме за тоа што го интересира нашиот народ. Зошто бегаш? Прифати дуел зошто тоа им го должиш на граѓаните кои те издржаа десет години. Но тој не прифаќа дуел зашпто сé се знае и сé е јасно. Секој знае само прашање е како ќе се гласа“, Заев.
„Треба да знаете дека вие не сте само приматели на субвенции и социјална помош. Но вие сте и родители на вашите деца и сте деца на родители. Ве повикувам заедно да ја вратиме слободата, правдата, животот во нашата земја“, им се обрати Заев на неопределените.
„Ги мавав во чело сé додека не ги клекнав, заедно со вас на колена. Ми велат било ризично, но се работи за нашата татковина и нашата земја и ние немаме друга татковина и друг народ, и тоа е наша обврска“, рече Заев.
Според него власта можела да се урне уште во мај, но не се одлучил за таков потег, бидејќи не сакал кровпроелвање.
„Ние се одлучивме да преговаравме и преговаравме, бидејќи верувавме дека ќе падне режимот без капка крв. А зошто ќе падне? Бидејќи имам докази, Груевски се шегуваше. Заминаа сите перјаници на оваа власт: Јанакиески, Мијалков, Јанкуловска, Ставрески сите тие заминаа.И Протуѓер заминал, но не признаваат. Кога реков дека ќе даде оставка и Груевски, тој се смееше. А сега еве го веќе една година е во оставка“, рече Заев.
Во Гевгелија лидерот на социјалдемократите ја презентираш изборната Програма, за којашто рече дека е „идниот буквар“, според кој ќе работи новата влада, „по кој ќе се врати животот во Мекедонија“.
Заев ги повтори проекциите за минималната плата, за враќањето на парите кај граѓаните, за враќањето на данокот на додадена вредност и оти институциите ќе бидат вистински сервис на граѓаните.
„Најавувам ново време нова иднина на Македонија.Ќе бидеме сервис за граѓаните“, рече Заев, и додаде дека „ќе има правда во државата, но нема Заев да ги поставува граѓаните, туку тоа ќе биде според стручноста“.
Заев говореше и за идните промени во здравството, образованието и земјоделството. Вети дека ќе се формира соцет за доминантна политика кој ќе мери колку треба да се зголемат пензиите. „Ако се зголемат цените за30 отсто, и пензиите ќе се зголемат“, појасни лидерот на СДСМ.
„Ако може Груевски да потроши милијарда за споменици, ние ќе потрошиме за работни места за вработување на младите. Ќе ја потрошиме сета сила за младите. Да не заминуваат, де не ги гледаат нашите мајки само преку интернет. Да живеат до нив“, рече Заев./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.
Македонија
Димитриевски од Куманово упати порака до „загржените“: Ние не менуваме страни, ние едноставно за разлика од сите нив имаме став
Преседателот на Движењето ЗНАМ – За наша Македонија, Максим Димитриевски денеска, заедно со носителот на листата на кандидати за пратеници во ИЕ 2, Даниел Стојчевски и останатите кандидати имаше средби со граѓаните во Куманово.
Во изјавата за медиумите Димитриевски упати неколку прашања до поранешниот премиер Ковачевски и, како што рече, луѓето коишто ја узурпирале социјалдемократијата во Македонија.
„Сакам да го прашам Ковачевски каде беше додека режимот на Груевски ја газеше Македонија, додека пратеници беа исфрлани од Собрание, додека луѓе маршираа по улици и се бореа за демократија и праведно општество? Каде беше Ковачевски кога крвави излеговме од Собрание? Дали беше во друштво на Мијалков и Груевски во свечената ложа на Македонската филхармонија и уживаше во концертите? Дали тогаш беше вистински социјалдемократ, како што денеска глуми загрижен
социјаладемократ? Воедно да го прашам дали таа социјалдемократија за којашто тој се бори е всушност истата којашто се откажа од Гоце Делчев, ги избриша АСНОМ-ските повелби од Уставот на Македонија, дополнително ги прогласи за админстратори, а не за бугарски окупатори. Учествуваше во менувањето на македонската историја и погубното потпишување на меѓудржавни договори со коишто се нанесе долгорочно зло на Македонија и на следните генерации“. Димитриевски истакна дека патот на ЗНАМ е јасен.
„Ние продолжуваме заедно со граѓаните напред. Нашата цел е да бидеме со граѓаните и без рзлика кој со каква иделогија
е да ги застапуваме соодветно во идниот парламентарен состав. Повеќе од убеден сум дека витинските социјалдемократи денеска се во ЗНАМ. Ние не менуваме страни, ние едноставно за разлика од сите нив имаме став. А тие решија да ја уништат социјалдемократијата во целост грижејќи се за сопствените функции и позиции со тоа што се ставија самите себе си на
добитни места на пратеничките листи, кои се всушност листи за обезбедување на имунитет на сите оние коишто учествуваа во тешки кривични дела во државата за коишто треба да сносат одговорност, а воедно со тоа даваат еден лош пример на реалните социјалдемократи“.
Тој ги повика сите социјалдемократи, сите слободоумни граѓани да дојдат и да се приклучат во ЗНАМ.
„Во ЗНАМ има место за сите. ЗНАМ е граѓанска партија којашто не прави разлика помеѓу граѓаните ниту на верска, ниту на етничка,ниту на било која друга основа. ЗНАМ е место за сите, мместо кадешто сите Македонци и сите останати граѓани на Македоннија можат да се обединат“, рече Димитриевски и упати честитка за претстојниот празник.
„Во оваа прилика сакам да им го честитам претстојниот празник на сите христијани од православна исповед и да посакам здравје и среќа. Воедно ве повикувам заедно да се бориме против црно-сивиот свет којшто е изграден во овие изминати 33 години“, рече Димитриевски во изјавата за медиумите денеска во Куманово.