Европа
Француските социјалисти ги привлекуваат центристите и радикалната левица
Француската социјалистичка партија ги повика поранешниот министер за економија Емануел Макон и челникот на радикалната левица Жан-Лук Меленшон да ѝ се придружат, два дена откако од кандидатурата за претседателските избори следната година се откажа актуелниот претседател Франсоа Оланд.
Состанокот во саботата во Париз, на кој не присуствувале ниту премиерот Мануел Валс, ниту неколку кандидатите кои се пријавени за предизборите кај социјалистите, личел на величење на претседателот на заминување, испрекинат со повиците за спротиставување на „реакционерната“ програма на десницата, забележува AFP.
„Предизборите се средство за наметнување на единството, овозможување собирање на раздвоените семејства. Уште еднаш ги повикувам оние коишто не сфатиле дека во современото време народот одлучува. Ги повикувам Емануел Макрон и Жан-Лук Меленшон да ни се придружат во предизборите на левицата“, изјави генералниот секретар на социјалистичката партија Жан-Кристоф Камбадели пред околу 2.500 присутни членови.
Досега надвладуваше впечатокот дека Социјалистичката партија сака одржување на мали предизбори на 22-ри и на 29-ти јануари, за да го истакне како кандидат Франсоа Оланд. Тој, пак, долго не се изјаснуваше за своите намери за претседателските избори. Конечно во четвртокот го прекина молкот со цел да се избегне распадот на левицата пред мобилизираната десница. Оваа одлука му го отвори патот на премиерот Мануел Валс, кој во октомври изјави дека ќ се кандидира доколку актуелниот претседател се откаже./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.