Регион
Близнашки: Техничката влада ќе се придржува кон законот
Резултатите од избори минатата година го потврдија несовпаѓањето на силите во Народното собрание и општественото расположение, изјавил новоименуваниот бугарски премиер Георги Близнашки во својот говор, откако во вторникот беше назначен на оваа функција од претседателот Росен Плевнелиев, пренесуваат бугарските медиуми.
Политичките партии постигнаа договор за предвремени избори на 5-ти октомври, а на овој начин владата остана без поддршка, така што оставката на владиниот кабинет беше неизбежна и парламентарната криза прерасна во владина, потенцирал Близнашки.
„Целта на техничката влада ќе биде поголема стабилност, дијалог и транспарентност во управувањето. Ова бара повеќе од кога и да се придржуваме кон законите на земјата и Уставот. Таа е основата врз која се гради нашата држава во услови на политичка криза. Уставот мора да е почетна точка за враќање на довербата на граѓаните кон институциите“, додал Близнашки.
Во однос на изборите, новиот бугарски премиер Близнашки рекол дека организирањето на фер избори може и треба да биде отворено и транспарентно.
„Техничката влада ќе работи за фер избори и ќе се спротивстави на секакви обиди за уништување на изборниот процес, ќе го направиме неопходното за да им се овозможи на сите граѓани дома и во странство да го направат својот избор. Одговорноста за овој избор е државнички долг на секој еден од нас. Бугарските државјани ја демонстрираа својата цврста волја во текот на 400-те дена на арогантните обиди на олигархијата да го наметне својот диктат над земјата. Ние сме мудар и горд народ, кој може сам да управува и да решава за сопствената судбина. Сите сфаќаат дека нашата земја има потреба од силна влада, потпирајќи се на мнозинство во Народното собрание, за да продолжиме по патот на реформите “, порачал Близнашки./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Силен земјотрес го погоди Крит
Земјотрес со јачина од 4,1 го погоди денеска грчкиот остров Крит, соопшти Европскиот медитерански сеизмолошки институт (EMSC).
Земјотресот бил на длабочина од 8 километри, додава EMSC.
Епицентарот на земјотресот бил на 64 километри југоисточно од најголемиот град на Крит, Ираклион.
Засега нема информации за евентуална материјална штета.
Регион
Завршено сослушувањето на новите сведоци во истрагата за убиството на малата Данка
Денеска, заврши сослушувањето на новите сведоци во истрагата за убиството на двегодишното девојче Данка Илиќ кога на прашања пред Вишото јавно обвинителство во Заечар, покрај брачниот пар Трајковиќ од Бањско Поле, одговараше Далибор Јовиќ.
Пред обвинителот вкупно три часа зборуваа тројца сведоци, а цело време беа присутни осомничениот и родителите на убиеното девојче.
Имено, веднаш по излегувањето од рочиштето, Јовиќ на насобраните новинари им порача дека не смее да каже ништо за да не ја загрози истрагата.
„За целта на истрагата не смееме да кажеме што му кажавме на јавниот обвинител. Останувам на мојот исказ што го дадов во полиција“, нагласи Јовиќ пред медиумите пред зградата на Обвинителството во Заечар.
Јовиќ рече и дека првпат се среќава лице в лице со осомничените за убиството на Данка, Срѓан Јанковиќ и Дејан Драгијевиќ, но дека и претходно бил сослушан во полициска станица.
„Пред неколку месеци веќе бев сослушан во полициска станица, а сега го кажав истото како и тогаш, џогирав, но ништо конкретно не видов“, изјави овој сведок.
Покрај него, сослушана е и брачната двојка Трајковиќ, кои истакнаа дека сè уште стојат зад зборовите што ги кажале претходно кога станува збор за страшното злосторство.
Тие во еден глас, како што пренесуваат српските медиуми, кажале дека остануваат на првичните изјави – дека во тој момент биле зад куќата и дека ништо ниту виделе ниту слушнале.
Регион
Експлозија во Загреб, разбојници разнеле банкомат
Непознати разбојници разнеле банкомат во загрепски Бузин. Полицијата го блокирала патот.
„Утрово, поминував покрај бензинската пумпа и видов дежурна полиција во близина на банкоматот. Некој го разнел во текот на ноќта“, изјавил жител на Загреб за „24 сата.хр“.
Станува збор за банкомат што се наоѓа во непосредна близина на бензинската пумпа на аголот на авенијата Вечеслава Хољевац и улицата Бани.
Полицијата веднаш излегла на терен со четири возила.
Отпадоци имало насекаде, а засега нема информации колку пари успеале да украдат.