Скопје
Традиционалните игри се враќаат во градинките
Воспитниот тим на градинката „Срничка“ неодамна учествуваше на стручна конференција за воспитувачи, што беше одржана на планината Тара, Република Србија, со презентација на теоретско-емпирискиот истражувачки проект „Tрадиционалните игри како метод на учење во раниот детски развој“.
Покрај презентацијата на реализираните активности на тема „Мојот дом е омилено место“, присутните учесници на сесијата имаа можност да се запознаат со убавините на македонското фолклорно и културно богатство, како и со начинот на примена на традиционалните игри во воспитно-образовниот процес.
Во текот на работниот дел од конференцијата, присутните воспитувачи поделени во групи ги изиграа детските традиционални игри и имаа можност да даваат предлози за тие да најдат примена и во нивните градинки. На крајот од сесијата сите учесници на конференцијата ја вкусија традиционалната македонска храна./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Неколку скопски општини утре ќе останат без струја
Без електрична енергија утре од 07:00 до 16:00 часот ќе останат дел од корисниците во населените места Волково и Кучково, општина Ѓорче Петров.
Како што соопшти РЦУК – Скопје, прекинот е поради технички зафати во електро дистрибутивната мрежа.
Скопје
Дел од Карпош без струја
ЕВН Македонија АД и Регионалниот центар за управување со кризи-Град Скопје, ги известува граѓаните дека, поради планирани технички зафати во електро дистрибутивната мрежа, без електрична енергија ќе останат:
· Во период од 09:00 – 12:00ч дел од корисниците во с. Бардовци ( о.Карпош);
· Од 09:30-14:00ч корисниците од ул.Дрезденска (о.Карпош).
Скопје
Муцунски: Аеродром го заслужува најдоброто, започнува реализацијата на голем капитален проект
Градоначалникот на Општина Аеродром, заедно со претседателот на советот, Дејан Митески и директорката на основното училиште „Блаже Конески“ утрово на работен состанок ја утврдија динамиката по која до крајот на оваа школска година треба да започне реконструкцијата и доградбата на основното училиште „Блаже Конески“.
„Станува збор за важен инфраструктурен проект, онаков каков што заслужуваат граѓаните на Аеродром. По неговото финализирање, Аеродром ќе добие модерно и современо училиште, направено согласно сите европски стандарди, училиште кое ќе биде пример за квалитетна градба, одржливост и енергетска ефикасност“, истакна градоначалникот Муцунски во својата објавата на Фејсбук.
Тој додаде дека најважно од се е што реконструкцијата и доградбата нема да го наруши нормалното функционирање на училишните активности, а нивната организација ќе биде направена во консултација и согласно барањата на родителите, со кои утрово Муцунски одржа состанок.