Европа
Лавров го отфрла митот за руската закана во Европа
Рускиот министер за надворешни работи Сергеј Лавров на конференцијата на Организацијата за безбедност и соработка во Европа во четвртокот во германски Хамбург го отфрли „митот за руската закана“ и ги обвини западните сили за дестабилизација на Европа.
Шефот на руската дипломатија Сергеј Лавров ги повика сите страни „да ја земат мапата на континентот и заедно да погледнат каде што се наоѓа и кому му припаѓа“, алудирајќи на проширувањето на НАТО во источна Европа од крајот на Студената војна, што Русија повеќепати го оцени како закана за нејзината безбедност и ја критикуваше Алијансата за не придржување до договорот.
„Сигурни сме дека тоа сосема уверливо би го урнало митот за руската закана и ќе покаже од каде доаѓаат вистинските ризици“, рече Лавров на годишната министерска средба во рамките на Советот на министрите за надворешни работи на земјите членки на Организацијата за безбедност и соработка во Европа, или OSCE.
„Еуфоријата на Западот по крајот на Студената војна не водеше кон создавање безбедносна архитектура за сите во евроатлантскиот простор“, рече Лавров додавајќи дека „одлуката е донесена само за оние кои се собрани околу НАТО“.
Лавров оцени дека западните воени интервенции во Ирак и во Либија го дестабилизирале регионот и ги предизвикале масовните миграции, до мера којашто ѝ се заканува на безбедноста на Европа.
„Мораме искрено да разговараме за причините за мигрантската криза во Европа која е резултат на лошото вмешување во внатрешните работи на земјите на Блиските исток и на северна Африка, што доведе до хаосот и тероризмот“, истакна Лавров.
Германија, којашто во моментов претседава со ОБСЕ, предупреди претходно на драматично влошување на односите внатре во организацијата.
„Столбовите ОБСЕ се уриваат, тонот кој разговараат Истокот и Западот е сé поостар“, изјави германскиот министер за надворешни работи Франк-Валтер Штајнмаер.
Повика на „заеднички одговори на новите глобални предизвици на тероризмот, екстремизмот и кибернетичките напади“. „Најмногу од сé, мораме повторно да изградиме доверба, таму каде што го загубивме“, истакна Штајнамер./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Босфор затворен, се насука украински брод
Теснецот Босфор, кој го поврзува Црното Море со Средоземното Море, е затворен за бродови откако денеска таму се насука товарен брод од Украина, соопштија турските власти за дпа.
Бродот Алексис превезува прехранбени производи од Украина до Египет. Дефект на моторот се случил во близина на излезот од пловниот пат, изјави портпаролот на Управата за безбедност на крајбрежјето за дпа.
Спасувачките напори се веќе во тек, додаде изворот. Босфорот служи како излез за украинското жито на светските пазари во екот на руската инвазија. Речиси 40.000 бродови поминале низ Босфорот во 2023 година, според турското Министерство за транспорт.
Европа
Руски хеликоптери уништија дронови на украинската морнарица, следуваше одговор, пишува „Форбс“
Украински експлозивни автономни пловни објекти или поморски беспилотни летала напаѓаат и потонуваат руски воени бродови во Црното Море од минатата есен, а сега руската Црноморска флота одлучи да возврати, и тоа од воздух, пишува „Форбс“.
Руски бомбардери, летечки бродови и хеликоптери патролираа на рутите до пристаништата, каде што е закотвена Црноморската флота, барајќи знаци за приближување на автономните бродови, кои ги гаѓаа со ракети и куршуми. Меѓутоа, во војната – како и во физиката – секоја акција има своја реакција. И, така, сега украинските автономни бродови добија проектили „земја-воздух“, кои можеби веќе ги лансираат руските авиони.
Снимките од Црното Море направени во неделата или понеделникот покажуваат како хеликоптер „камов Ка-29“ кружи околу украинскиот брод и пука во него. Можно е овој напад да е поврзан со украинскиот напад на Црноморската флота на Крим овој викенд. Пловилата наводно потопиле руски патролен брод.
Ова не е првпат руско летало да уништи украински автономен брод (УСВ). Но, тој конкретен УСВ се издвојуваше затоа што беше опремен со ракетни фрлачи и инфрацрвена ракета „Р-73“. Се чини дека некои украински бродови сега имаат свои противвоздушни ракети.
Рускиот канал Fighterbomber на „Телеграм“ беше изненаден од ова: „Украинците некако успеаја да ја поврзат ракетата со системите за далечинско управување на УСВ“.
Проектилот „Р-73“ е чувствителен на извори на топлина како што се моторите на леталата. Не бара телеметрија за водење. Сепак, каналот Fighterbomber не греши кога се прашува како војниците што управуваат со УСВ може од далечина да ги нишанат и лансираат тие проектили.
Fighterbomber шпекулира дека украинските автономни пловила сè уште не ги лансирале своите проектили, но вреди да се напомене дека УСВ, што екипажот Камов го уништи во неделата или понеделникот, имал два ракетни фрлача, но само еден проектил.
Со опремувањето на УСВ со ракети „Р-73“ украинските сили додадоа уште една улога на нивните сè повеќе разновидни автономни пловила. Повеќето од нив се еднонасочни: тие се натоварени со експлозиви и удираат во руски воени бродови. Постои и верзија на поморскиот дрон Sea Baby, кој може да лансира ненаведувани проектили за напади со долг дострел, а можно е и најголемите УСВ во Украина да имаат и радиопопречувачи.
Постои шанса дека овие нови УСВ сепак веќе ги лансирале своите проектили. Најмалку еден, а можеби и два руски хеликоптера наидоа на неволја над Црното Море на 9 и 10 април. Портпаролот на украинската морнарица, Дмитро Плетенчук, тврди дека рускиот „камов ка-27“ бил соборен на 9 април, а повеќе извори потврдуваат дека еден ден подоцна бил соборен уште еден хеликоптер „мил ми-24“.
Падот на „камов“ не е потврден, но интересно е тврдењето на Плетенчук дека руското летало „барало нешто“ и „го нашло“. Ако Русите навистина го загубија „ка-27“ на 9 април и ако тој хеликоптер навистина бараше УСВ, дали е можно дека пронашол УСВ вооружен со ракети „земја-воздух“?
Европа
Бебе почина по операција на крајниците: имало интервенција пред само една недела, се истражува причината за смртта
Седуммесечно бебе од Милано било пронајдено починато во креветчето само една недела по тонзилектомија.
Италијанската полиција веднаш почна да утврдува дали операцијата на крајниците, на која бебето било подложено непосредно пред смртта, има врска со смртоносниот исход.
Родителите на 6 мај го пронашле бебето во своето креветче и веднаш повикале помош, но веќе било доцна.
Медицинскиот персоналнал направил сѐ за да го реанимира бебето, дури го пренеле и во најблиската болница „Форнароли“ во Магента, но не можеле ништо да направат за да го спасат детето.
Момчето починало во истата болница во која било оперирано пред една недела, а обдукцијата ќе ја покаже вистинската причина за неговата смрт, пренесуваат локалните медиуми.