Здравје
Улогата на хијалуронот за здрава кожа и за ремоделирање
Повеќето од функциите на кожата можат да му се припишат на молекуларниот состав на нејзиниот екстрацелуларен матрикс, а особено на биолошките особини на една од нејзините главни компоненти – хијалуронската киселина.
Речиси половината од хијалуронот во нашето тело е распореден во епидермисот и дермисот каде фибробластите, кератиноцитите, ендотелните клетки го синтетизираат во различни молекуларни тежини 50.000 до 2.000.000 kD. Различните класи на хијалурон покреваат различни клеточни одговори и метаболички реакции вклучувајќи ги и адхезијата на кератиноцитите во епидермот.
Во епидермисот, хијалуронот кој има негативно полнење, е локализиран во екстрацелуларниот матрикс каде формира хидрофилна мрежа која врши функција на транспортирање и дистрибуција на нутритиенти и метаболити до кератиноцитите, меланоцитите, Лангхансовите клетки. Овие функции припаѓаат на нискомолекуларната класа на хијалурон и допринесуваат за одржување на кутаната хомеостаза ули ткн хидро ефект.
На сличен начин, во дермисот, високо-молекуларниот хијалурон преку комплексна интеракција со главните молекули на екстрацелуларниот матрикс (протеогликани, гликопротеини, седум различни типови на колаген) играат централна улога во одржување на структурната стабилност.
Хијалуронот ја конзервира и ја сортира водата и метаболитите на целиот матрикс, а со самото тоа регулира пластичност, деформабилност на клетките на матриксот функционирјќи како физиолошки експандер кој овозможува лифтиноф ефект на кожата. Нормалниот механизам одговорен за стареење потенциран од егзогени фактори (радијација, УВ зрачење, стрес) и од ендогени фактори (лекови, хемискиагенси, услови врзани за метаболички дисфункции како дијабет) низ времето го менува присуството и соодносот на хијалурон во кожата.
Врвна естетика со нехируршки техники
Оттука е идејата за употреба на филерите кои содржат хијалурон како основа за реѓуванс и ремоделирање на лице, врат, раце, со инфилтрација на раствори на хијалурон кои го регенерираат трофичкиот ефект на епидермисот и го моделираат дермисот на сигурен и природен начин.
Производите кои содржат хијалурон сé повеќе се со различна намена: оние кои се наменети за површинско хидрирање, а процедурата е позната како мезотерапија, потоа пополнување брчки и длабоко пополнување односно биомоделирање.
Филерите најчесто се користат за корекција на назолабилајни брчки, глабела, околу очи, а при последните две индикации може да се изведе процедура со ботокс, а потоа докорегирање со филери. Многу често филерите се користат за реѓуванс на врат, пополнување уста и длабоко ремоделирање односно кутано-субкутана апликација на филерот со која се постигнува ефект на нехируршки лифтинг на регии како јаболкници, образна регија, субментална регија.
Филерите имаат многугодишен развој во кој се вклучени тимови на експерти на полето на медицинската естетика. Создадени се меки крос линк гелови за корекција на брчки и посебни формулации на стабилна крос – линк хијалуронска киселина обвиткана дополнително со партикли на хијалурон која има за функција да постигне волумен со исклучителни естетски резултати. Ефектот трае од 12 до 18 месеци. Нон крос-линк геловите се наменети за кожна рејувенација и мезотераписки третмани.
„Овие процедури секогаш треба да ги изведува лекар специјалист од областа на дерматологијата, кој добил сертификат за ракување со филери, ботокс, мезотерапија. Лекарот дерматолог е најдобро да изготви индивидуална шема според состојбата на лицето на секој пациент посебно“, порачува Д-р Анета Кокалевска Петрушевска, специјалист дерматолог од „Ординација Д-р Анчевски“.
Пристапот на рејувенација дава најдобри резулатати со користење на комбинации на техники, согласно возраста, состојбата на лицето и длабочината на брчките.
Меѓу 20 и 30 години луѓето имаат малку брчки кои најчесто се резултат на сончево оштетување. Третманите може да вклучат, мезотерапија, јонтофореза, ласерски третмани. Меѓу 30 и 40 години брчките стануваат динамички и се видливи кога луѓето се смеат или гестикулираат. Поктрај употреба на горенаведените процедури овие брчки се корегираат со ботокс или филери.
Во 50-те години, пак, брчките се статички, односно се видливи и без гестикулации. Комбинациите на третмани вклучуваат редовно односно еднаш месечно употреба на пилинзи, мезотерапија и пакет ласерски третман. Ботоксот се аплицира на чело, околу очи и глабеларно но понекогаш е потребна докорекција со филери. Филерите покрај назолабијално се аплицираат и длабоко субдермално со контекст на ремоделирање и добивање волумен.
Кај лица со повеќе од 60 години, лицето веќе не е мазно, односно се појавуваат и брчки на образниот дел. Во опција е и хируршки лифтинг или ремоделирање и волумизирање со длабоки филери со три до пет процедури и редовна апликација на ботокс. Многу е важно, додава др Кокалевска Петрушевска, да не се прекинат пилинзите, ласерските третмани и мезотерапија, за да се одржува лицето во тонус.
Според неа, трендот во последно време е да се задржи младешкиот изглед на кожата, а тоа да изгледа природно и да не е пренагласено. За постигнување на ваков изглед грижата за кожата и нејзините потреби да биде во согласност со возраста и потребите.
Не може да се очекува ефектот од филерите, ботоксот и другите процедури да биде совршен ако со нивна употреба се започнало кога брчките се видливи и во мир односно без мимика. Хијалуронот е природна компонента на кожата и нејзиното навремено надополнување со пратење на индувидуални потреби и протоколи го дава ефектот кој сите го посакуваат забавено стареење, младешки и природен изглед и после 50-та година. За врвни резултати при употреба на филери, ботокс и други комбинации на техники потребно е: стручен тим кој поминал екстензивни тренинзи, искуство и познавање на лицевата анатомија; правилен избор на пациенти; анализа на пациентот, кои се неговите очекувања, желби, мотивација; внимателна анализа на проблемот односно индивидуалната лицева проблематика; избор на соодветен филер.
„На тој начин сме обезбедиле, брз, сигурен, лесен, ефикасен метод за разубавување и здрав изглед во исто време“, заклучува др Кокалевска Петрушевска./крај/мф/би
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Жени, внимавајте: популарната фризура може да предизвика опаѓање на косата
Бројни секојдневни навики би можеле да имаат прилично негативно влијание врз вашата кожа и коса, а една специфична фризура може дури и да доведе до опаѓање на косата.
Експертот за нега на кожа и коса, д-р Сухаил Алам, за „Експрес“ изјави дека фризурите што премногу цврсто ја влечат косата можат да предизвикаат здравствен проблем.
„Фризурите што премногу цврсто ја влечат косата, како што се залижаните коњски опашки, можат да предизвикаат тракциона алопеција, форма на опаѓање на косата предизвикана од хроничен стрес врз фоликулите што се јавува како резултат на прекумерно влечење или затегнување на косата.“
„Истражувањето објавено во списанието на Американската академија за дерматологија покажа дека до една од три жени кои редовно носат вакви фризури доживуваат одреден степен на опаѓање на косата“, објасни д-р Сухаил.
Докторот, кој се занимава со трансплантација на коса со години, исто така истакна дека не треба да си легнувате со влажна коса. „Тогаш косата е послаба и посклона кон кршење. Вртењето на главата на перницата предизвикува триење и заплеткување на косата. Оставете ја косата да се исуши природно или нежно исушете ја со фен пред спиење.“
Исто така, памучните навлаки за перници можат да предизвикаат проблеми и за косата и за кожата. Д-р Сухаил предложи да се префрлите на свила и сатен, бидејќи тоа може да помогне во намалувањето на испуканите врвови и идните брчки на лицето.
Прекумерното миење е уште еден проблем што може да ја оштети вашата кожа и коса. Експертот открил дека на повеќето луѓе им е доволно да ја мијат со шампон два или три пати неделно и да го мијат лицето двапати на ден.
Дополнително, топлата вода може да ја уништи заштитната бариера на кожата, што доведува до сувост и чувствителност. За да се спречи ова, експертот советува водата да се одржува млака и да се ограничи туширањето на помалку од десет минути за да се одржи кожата хидрирана.
Забава
Две намирници што најмногу дебелеат кога се консумираат на „празен стомак“
Појадокот е најважниот оброк, но треба да внимавате што јадете на празен стомак. Лекарите велат дека одредени намирници можат да бидат штетни ако се консумираат „на празен стомак“.
Зошто е важен првиот оброк наутро? Појадокот поттикнува многу метаболички процеси, па затоа е важно да знаете од кои состојки е направен и како тие влијаат на телото.
Тоа во голема мера го обликува нашето однесување во исхраната, влијае на здравјето на поединечните органи и на телото како целина. Утринскиот оброк влијае на нашето расположение, па дури и нашата телесна тежина често зависи од тоа што јадеме наутро.
Затоа експертите препорачуваат пиење чаша топла вода секое утро и избор на протеинска храна. А што не се препорачува?
Свежо исцеден сок
Киселите сокови, кои повеќето ги нарекуваме здрави и се направени од цедено овошје, можат да бидат штетни за желудникот. Покрај тоа, соковите се извор на едноставни шеќери кои нема да нè заситат, напротив!
Ако ги пиеме на празен стомак, тоа само ќе го зголеми апетитот и ќе ги зголеми мастите. Сето ова придонесува за дебелина. Нутриционистите велат дека ако претпочитате „течни“ оброци, подобро е да имате зеленчукови смутија за појадок.
Секаков вид печиво
Повеќето луѓе избираат печива за прв оброк наутро, но оваа храна е една од најлошите опции. Големата количина шеќер, масти и пченично брашно само го зголемува нивото на шеќер во крвта, што создава лажно чувство на ситост кое многу брзо поминува. Печивата на празен стомак само придонесуваат за прекумерна тежина.
Забава
Шест чудни начини да согорувате калории без да се заморите
Секако, калорискиот дефицит е главниот метод за губење на тежината, но сигурно е дека добриот метаболизам е подеднакво корисен во равенката.
Да, секако дека помага правилно да се храните, да вежбате во теретана за да градите мускули и да пиете вода, но постојат неколку необични начини да согорите неколку дополнителни калории без многу напор или замор.
Гума за џвакање
Докажано е дека гумата за џвакање ве прави да се чувствувате сити и го намалува внесот на калории со тоа што ве спречува да грицкате.
Но, покрај тоа, истражувањата покажаа дека ако џвакате гума околу 20 минути по секој оброк, согорувате повеќе калории отколку ако не го правите тоа. Ако го практикувате ова, изберете гума за џвакање без шеќер.
Преферирате ладно пред топло
Кафеавите масти се еден од двата вида масти што се наоѓаат во човечкото тело. Она што е фасцинантно е дека кога кафеавите масти се стимулираат, тие можат да согоруваат бели масти или складирани калории.
Според истражувањата, изложеноста на ниски температури може значително да го зголеми согорувањето на калории, во зависност од тоа колку активни кафеави масти имате во вашето тело.
Можете да се обидете да ја намалите температурата во вашиот дом, да се туширате со ладна вода или дури и да прошетате во деновите кога е малку ладно.
Станете дарител на крв
Кога дарувате крв, бројот на калории што ги согорувате се зголемува – барем привремено. Кога дарувате крв, вашето тело ја користи дополнителната енергија за синтеза на нови протеини, црвени крвни зрнца и други компоненти на крвта за да го надомести изгубениот волумен.
Истражувањата исто така покажуваат дека дарувањето крв може да обезбеди многу здравствени придобивки, вклучувајќи намалување на маркерите, зголемување на антиоксидантната активност и намалување на ризикот од срцеви заболувања. Најважно од сè, секако, секој пат кога дарувате крв, спасувате живот.
Смеа
Смеата е најдобриот лек, според клишето, но и според истражувањата, бидејќи помага за меморијата, имунолошкиот систем и функцијата на артериите, а може да ви помогне и да согорите калории.
Во една студија, 45 парови гледале комедии. Кога се смееле за време на смешни сцени, нивниот метаболизам се зголемил за 10–20%.
Плачење
Се смета дека плачењето согорува приближно иста количина калории како и смеењето – 1,3 калории во минута, според една студија. Тоа значи дека за секои 20 минути што плачете, согорувате 26 калории повеќе отколку што би согорувале без солзи.
Движете се кога сте нервозни
Не ја потиснувајте нервозата што ја чувствувате. Продолжете да ја движите ногата под вашата маса, бидејќи истражувањата покажуваат дека тоа му помага на вашиот метаболизам.
Во една студија, луѓето кои се движеле додека седеле согорувале во просек 5 до 6 пати повеќе калории отколку кога седеле или стоеле мирно.
Оваа логика се нарекува термогенеза на активност без вежбање (NEAT) и може значително да го зголеми бројот на калории што ги согорувате секој ден. На пример, еден тим истражувачи сугерираше дека комбинацијата од џогирање, одење и стоење може да согорува до 2.000 дополнителни калории дневно – во зависност од тежината и нивото на активност на лицето.
Алтернативно, можете да ги користите скалите, да стоите наместо да седите на вашата маса или да ја чистите куќата.
Арсовска: Аценце, те чекам на ТВ дуел
Градоначалничката на Град Скопје, Данела Арсовска преку социјалните мрежи го повика градоначалникот на Ѓорче Петров на ТВ дуел. „Во меѓувреме...
(Фото) ДЗС: Пронајдени артилериска граната од 75 mm и рачна бомба од Првата светска војна
Во последното деноноќие, вчера во пределот на преспанскиот дел од Национален парк Галичица, беа пронајдени една артилериска граната 75 mm...
Хронологија на масакрот: Австриецот нишанел во главите на децата, оставил видео-порака за мајката
Првиот училишен ден по долгиот викенд. Потоа започнува ужасот: некои деца се преправаат дека се мртви, други очајно им се...
Словачка се заканува дека ќе ги блокира новите санкции кон Русија
Словачка би можела да го блокира новиот пакет санкции на Европската Унија кон Русија доколку Европската комисија не понуди решение...
Трамп: Нѐ напаѓаат странски непријатели, сакаат да предизвикаат инвазија
Американскиот претседател Доналд Трамп во вторникот изјави дека „странски непријатели“ го напаѓаат Лос Анџелес, каде што беснеат немири од петокот...
Жителите на Грац запалија свеќи во центарот на градот за да оддадат почит на жртвите од нападот
Граѓаните на Грац се собраа на главниот плоштад во градот за да запалат свеќи и да им оддадат почит на...
(Видео) Масовен напад врз Харков, гори станбена зграда: има мртви и многу повредени
Во новите руски напади врз североисточниот украински град Харков во текот на ноќта во вторник загинаа две лица, а повеќе...
Америка до Русија: Веднаш престанете со нападите врз украинските градови
Руските напади врз украинските градови мора веднаш да престанат, изјави денес портпаролот на американскиот Стејт департмент, осудувајќи го еден од...
Трамп: Грета е чудна и бесна; Грета: Искрено, на светот му требаат повеќе бесни жени
Шведската активистка Грета Тунберг му возврати на американскиот претседател Доналд Трамп откако тој ја опиша како „чудна“ и „бесна“ поради...
(Видео) Убиецот оставил писмо пред масакрот во училиштето во Грац: расте бројот на жртвите
Масовниот убиец Артур А. (21) кој денес уби девет лица со пиштол и пушка во училиште во Грац, потоа изврши...
Трамп: Демонстрантите низ САД ќе се соочат со иста или поголема сила отколку во Лос Анџелес
Претседателот на САД, Доналд Трамп, им рече на новинарите во Овалната соба дека ако протестите против имиграциските политики продолжат во...
ЕУ подготвува нов удар врз Путин, објавени се деталите
Европската комисија (ЕК) денес предложи 18-ти пакет санкции против Русија, главно насочени кон руските приходи од енергија и банкарскиот сектор....
Сергеј Попов ги матираше СДММ, извади документ од кој се гледа како лажат, велат од ВМРО-ДПМНЕ
„Се е пријавено дечки, затоа вчера ви рековме два пати да размислите пред да излезете на прес. Ама толку слушате,...
Зеленски за масакрот во Австрија: Длабоко сме потресени
Украинскиот претседател Володимир Зеленски го коментираше денешното пукање во училиште во Грац, во кое беа убиени 10 лица, од кои...
(Видео) „УМС фатени во лага – законот за пиротехника е прекрешен, а Тошковски молчи“, велат од СДММ
„Откако ја предизвикаа згрозеноста кај младите со срамната журка со пиротехника додека Македонија тагува за изгубените млади животи во Кочани,...
(Фото) Кривична против 29-годишен скопјанец: нелегално поседувал автоматска пушка и друго оружје и муниција, а ја истепал и сопругата
СВР Скопје – Единицата за насилен криминал поднесе кривична пријава по брза постапка против А.Р.(29) од Скопје поради постоење основи...
Пониква станува рехабилитациски центар за повредените од пожарот во Кочани
Повредените од пожарот во Кочани ќе бидат испратени на рехабилитација во Пониква. На денешната седница на Владата и официјално се...
(Видео) Кузеска: Власта ги покачи платите на функционерите за 200 евра
Срамно и дрско – народoт едвај преживува, а власта ги покачува само платите на функционерите, обвини Богданка Кузеска, портпаролка на...
(Видео) Објавени снимки од училиштето во Грац: се слушаат истрели, седум ученици убиени
Најмалку девет жртви во пукањето во училиштето во австрискиот град Грац. Потврдени се девет смртни случаи – вклучувајќи го и сторителот....
Студентите ќе добијат по 250 евра за набавка на електронски уреди од септември, најави Мицкоски
Премиерот, Христијан Мицкоски денес изјави дека Владата планира ученички стипендии за наредната година, а во однос на новинарското прашање за...
