Свет
Столтенберг смета дека интервенцијата на НАТО би ја влошила ситуацијата во Сирија
Вмешувањето на силите на НАТО во сирискиот конфликт „само би ја влошила состојбата“, истакнува генералниот секретар на Алијансата, Јенс Столтенберг во интервјуто за германскиот магазин Bild am Sontag објавено во неделата.
Сите 28 земји членки на Северноатлантскиот сојуз се членки на меѓународната коалиција којашто ја предводат САД во нападите врз ултрарадикалната сунитска организација Исламска држава во Сирија и во Ирак, но директно не се вмешаа во сириската војна.
„Сведочиме на страшната хуманитарна риза. Понекогаш е добро да имате распоредени воени сили, како во Авганистан“, вели генералниот секретар на НАТО, Јенс Столтенберг во интервјуто во неделното издание на Bild.
„Меѓутоа, понекогаш трошоците на овената операција се поголеми од нејзината полза. По анализата на ситуацијата во Сирија, членките на НАТО дојдоа до заклучокот дека таквата операција би ја влошила и онака веќе лошата состојба“, додава Столтенберг.
„Постои опасност тоа да прерасне во уште поголем регионален судир во кој ќе има уште повеќе невини жртви. Распоредувањето на војниците не е секогаш решение. Доколку би реагирале на секој проблем, на секоја хуманитарна криза со користење на воени средства, во светот би имало уште повеќе војни и страдања.“, истакнува челникот на НАТО.
Западот, чиишто иницијативи очигледно се безуспешни да ја сопрат сириската војна која започна во март 2011 година, често е обвинуван за пасивност во овој судир и некои од сојузниците велат дека тој им се заканува на нивната безбедност и веродостојноста на сојузот.
Од друга страна, Русија воено е присутна во Сирија и воено ја поддржува владата на сирискиот претседател Башар ал-Асад, чиешто заминување од власта го бараат Западот и неговите сунитски сојузници во регионот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бебе застрелано од мало дете кое во паркиран автомобил посегнало по наполнет пиштол во САД
Бебе било застрелано и убиено од мало дете кое додека биле во паркиран автомобил посегнал0 по наполнет пиштол и го повлекло чкрапалото, соопшти полицијата.
Пукањето се случило на паркинг во близина на медицински центар во Сан Антонио, Тексас.
Во возилото имало три деца и една жена, изјави началникот на полицијата на Сан Антонио, Вилијам Мекманус.
„Деца на возраст од 3, 2 години и 10 или 11 месеци биле во задниот дел на возилото“, рече тој.
Едно од постарите деца се фатило за наполнет долг пиштол што бил во задниот дел на возилото и „случајно го повлекол чкрапалото“, пукајќи во најмалото дете, рече началникот.
„Ова што го имаме денес овде е ужасна, страшна трагедија“, рече Мекманус на брифинг со новинарите.
Свет
Бразилскиот претседател Лула е стабилен по повредата на главата
Бразилскиот претседател Луис Инасио Лула да Силва се чувствува добро денеска откако се здоби со повреда на главата во неговиот дом во текот на викендот, кога доживеа мало крварење на мозокот, изјави бразилскиот министер за институционални односи Александре Падиља.
Според лекарите Роберто Калил и Ана Хелена Гермољо, нов контролен преглед ќе биде извршен за 72 часа, пренесува Ројтерс.
Лекарите исто така потврдија дека бразилскиот претседател може да ја продолжи својата нормална работна рутина.
Свет
Ердоган: Турција сака да ја подобри соработката со БРИКС
Турција сака да ја подобри соработката со БРИКС и очекува дека претстојниот самит во Казан ќе даде поттик на овој потфат, изјави денеска турскиот претседател Реџеп Таип Ердоган.
„Искрено сакаме да ја продлабочиме нашата соработка со БРИКС. Верувам дека самитот во Казан значително ќе придонесе за овие напори“, рече Ердоган во Анкара.
Според турската телевизија ТРТ Хабер, Ердоган потврдил дека „на покана на рускиот претседател Владимир Путин утре ќе го посети Казан за да учествува на проширената средба на лидерите на БРИКС“.