Свет
Трамп ѝ одговори на Мишел Обама дека за САД има надеж
Избраниот американски претседател Доналд Трамп тврдеше во саботата дека Америка има многу надеж по неговиот избор, како одговор на првата дама Мишел Обама која оцени претходно дека на земјата особено ѝ недостига надеж.
„Мишел Обама изјави во петокот дека нема надеж, но мислам дека зборуваше за минатото а не за иднината“, изјави Доналд Трамп на собир на неговите приврзаници во Мобиле, во сојузната американска држава Аризона.
„Убеден сум дека постојат огромни надежи, а покрај надеждта имаме и огромен потенција, ќе видете нешта кои не сте ги виделе веќе со децении“, додаде Трамп.
Во интервјуто со Опра Винфри, емитувано во петокот на телевизиската мрежа CBS, Мишел Обама јасно порача оти мисли дека САД влегле во „мрачна фаза“ со изборот на Доналд Трамп.
„Сега гледаме што значи да се нема надеж“, изјави Мишел Обама одговарајќи на прашањето за двата мандата на Брак Обама избран со пораката „надежи и промени“.
„Надежите се неопходен концепт. Барак не говореше за надежите, бидејќи мислеше дека тоа е добар слоган за собирање гласови. Што ќе им пружите на своите деца доколку не им пружите надеж:… Имате возрасно лице во Белата куќа која може да ви каже во периодот на криза и турбуленција ‘Еј, се ќе биде добро’“, додаде Мишел Обама.
Релативно дискретна по изборот на Доналд Трамп како наследник во Белата куќа на нејзиниот сопруг, Мишел Обама во текот на кампањата изнесе обвиненија против републиканскиот кандидат и особено против неговиот „застрашувачки“ став кон жените.
„Тоа не е нормално. Не станува збор само за политичка игра. Тоа е срамно. Недозволиво“, изјави во текот на претседателската кампања Мишел Обама за Трамп./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бебе застрелано од мало дете кое во паркиран автомобил посегнало по наполнет пиштол во САД
Бебе било застрелано и убиено од мало дете кое додека биле во паркиран автомобил посегнал0 по наполнет пиштол и го повлекло чкрапалото, соопшти полицијата.
Пукањето се случило на паркинг во близина на медицински центар во Сан Антонио, Тексас.
Во возилото имало три деца и една жена, изјави началникот на полицијата на Сан Антонио, Вилијам Мекманус.
„Деца на возраст од 3, 2 години и 10 или 11 месеци биле во задниот дел на возилото“, рече тој.
Едно од постарите деца се фатило за наполнет долг пиштол што бил во задниот дел на возилото и „случајно го повлекол чкрапалото“, пукајќи во најмалото дете, рече началникот.
„Ова што го имаме денес овде е ужасна, страшна трагедија“, рече Мекманус на брифинг со новинарите.
Свет
Бразилскиот претседател Лула е стабилен по повредата на главата
Бразилскиот претседател Луис Инасио Лула да Силва се чувствува добро денеска откако се здоби со повреда на главата во неговиот дом во текот на викендот, кога доживеа мало крварење на мозокот, изјави бразилскиот министер за институционални односи Александре Падиља.
Според лекарите Роберто Калил и Ана Хелена Гермољо, нов контролен преглед ќе биде извршен за 72 часа, пренесува Ројтерс.
Лекарите исто така потврдија дека бразилскиот претседател може да ја продолжи својата нормална работна рутина.
Свет
Ердоган: Турција сака да ја подобри соработката со БРИКС
Турција сака да ја подобри соработката со БРИКС и очекува дека претстојниот самит во Казан ќе даде поттик на овој потфат, изјави денеска турскиот претседател Реџеп Таип Ердоган.
„Искрено сакаме да ја продлабочиме нашата соработка со БРИКС. Верувам дека самитот во Казан значително ќе придонесе за овие напори“, рече Ердоган во Анкара.
Според турската телевизија ТРТ Хабер, Ердоган потврдил дека „на покана на рускиот претседател Владимир Путин утре ќе го посети Казан за да учествува на проширената средба на лидерите на БРИКС“.