Регион
Милан Бандиќ, омилен поради работливоста, омразен поради аферите
Загрепскиот градоначалник, Милан Бандиќ, кој беше приведен во неделата, во својата долгогодишна политичка кариера постојано го привлекуваше вниманието на јавноста, некои го поддржуваа како работлив градски татко, а некои го критикуваа поради бројните афери поврзани со неговото име.
Политичката кариера ја започнал како млад член на Сојузот на комунисти, а ја зацврсти по осамостојувањето на Хрватска како еден од основачите на СДП од којашто беше исфрлен во 2009 година поради неговите амбиции да стане претседател на Републиката против волјата на партијата.Во својата кариера нанижа многу корупциски афери со кои успешно се справуваше, дури и кога ослабе политички, поради губењето на претседателските и парламентарните избори. За себе секогаш зборуваше дека е социјалдемократ, но во последните години се повеќе ја привлекуваше наклонетоста на десно ориентираното избирачко тело. Својата политичка сила ја потврди на последните локални избори на коишто освои петти градоначалнички мандат, прв без поддршка СДП, при што неговата листа освои најмногу места во Градското собрание. Медиумите го обвинуваа за корупциски афери, од прескапо WC на Чрномерец, изменет Детален урбанистички план, спорни набавки на градски автобуси и екопаркот „Крашоград“ до сомнителни претседателски кампањи, замена на градски земјишта и градежни малверзации.Сепак Бандиќ сите овие афери ги отфрлаше, одмавнувајќи со раката и повторувајќи „институциите нека си ја работат својата работа“. Но, дел од јавноста го фалеше како вреден градоначалник кој работи од утро до мрак „ровари“ на терен и ги посетува и најзапуштените квартови. Настапот на следните парламентарни избори го најавуваше под слоганот „градоначалник на Хрватска“, а од неговите изјави можеше да се заклучи и дека повторно има амбиции да се кандидира за претседател на државата.Неговата политичка моќ привремено беше нарушена кога градоначалничката позиција мораше да ја замени и да биде заменик откако избега од местото на сообраќајната несреќа којашто ја предизвика под дејство на алкохол.Надлежните институции најблиску му пријдоа кога ги истражуваа неговите најблиски соработници. Јавноста дозна дека и Бандиќ е под „тајни мерки“ во јули оваа година.Претресот на домот на Бандиќ траел седум часа, а градоначалникот ноќта ја поминал во полиција. Се бараа докази и документи коишто би го поврзале со коруптивните дела,, злоупотреба на службената положба и овластувањата и тргување со влијание за кои го сомничи УСКОК./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Регион
Не ги навредив Бугарите, туку ја критикував нашата влада, објасни хрватскиот претседател по изјавата на која реагираше Софија
Хрватскиот претседател Зоран Милановиќ изјави дека со изјавата дека Хрватска е „на дното на ЕУ по повлекувањето на европските пари, а само Бугарија е полоша“, не ги навредил Бугарите, туку ја исмејува хрватската влада која прави „будали и социјални случаи“ од нејзините граѓани.
Милановиќ претходно рече дека „Хрватска е дното на Европската унија и дека само Бугарија е полоша“, па секој ден се молат на Бога, Бугарија да остане последна и ништо да не и се случи, бидејќи во спротивно би била Хрватска“. По изјавата, според хрватските медиуми, Бугарите ја повикале хрватската амбасадорка во Софија, Јасна Огњеновац и изразиле незадоволство, пренесува порталот „Индекс“.
Бугарското Министерство за надворешни работи на хрватскиот амбасадор му пренело „длабоко разочарување од изјавата на претседателот Милановиќ“, каде што истакнале „дека изјавата е неприфатлива за Бугарија и не е во согласност со одличните билатерални односи меѓу Хрватска и Бугарија“.
Тие истакнаа и дека се надеваат дека „хрватската влада ќе се огради од таа изјава“.
„Не ги навредив Бугарите, туку исмевав некои елементи на хрватската влада кои не’ прават будали и социјален случај“, рече шефот на хрватската држава и додаде дека претходно ја критикувал земјата на тема повлекување европски пари.
„Дали можеме да кажеме дека Хрватска се моли Сингапур последен да подигне пари? Дали тоа звучи подобро? Но, Сингапур не е европска земја. Значи некој мора да биде последен. Тоа е Бугарија, а Хрватска е претпоследна“, рече Милановиќ и потсети дека тоа се статистички податоци и дека тоа досега го кажал десет пати.
„Тоа е потсмев, за жал, на сметка на некои во Хрватска кои не прават социјален случај, кои не можат да земат доволно европски средства, па затоа сме претпоследни. Нормално, гледаш кој е последен. Бугарија е последна, секогаш е последна (…) Хрватска е претпоследна“, рече Милановиќ.
„И тоа е факт за кој зборував десет пати. Алелуја (…) Тоа се факти за кои мора да се разговара во политиката бидејќи се многу релевантни податоци. Зошто Хрватска е претпоследна? Зошто не е петата одоздола, или петта одозгора. Зошто не е? Веројатно некој е одговорен за тоа“, додаде тој.
На крајот, како што додаде, никој не се моли Бугарија да пропадне, туку дека неговата изјава е верзија на американската шега за сојузната држава Арканзас, која „се моли на Бога Мисисипи, кој е најсиромашниот, да биде здрав и добро“, бидејќи во спротивно тоа би бил Арканзас.
„За да го знаете тоа, треба да прочитате нешто во животот, а не да се занимавате со селски скандали“, рече Милановиќ.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.