Европа
Путин ќе одговара на прашања на над 1.400 новинари на прес конференција
Рускиот претседател Владимир Путин денеска ќе одржи традиционална годишна прес конференција за која се акредитирани повеќе од 1.400 новинари.
Конференцијата првично беше закажана за четврток, но беше одложена поради погребот на рускиот амбасадор Андреј Карлов на кој присуствуваше рускиот претседател. Конференцијата за новинари е презакажана за петок на пладне по локално време.
Одговарајќи на прашање дали се засилени мерките на безбедност поради убиството на рускиот амбасадор во Турција, портпаролот на претседателот Дмитриј Песков рече дека сите настани на кои учествува претседателот „се обезбедени на највисоко ниво“.
Путин за оваа голема конференција обично се подготвува со денови и многу сериозно, пишува Sputnik и додава дека во Кремљ велат во деновите пред овој настан тој речиси не спие бидејќи се подготвува многу сериозно, ги чита материјалите, го обновува знаењето на различни теми од сите области на внатрешната и меѓународната политика, безбедноста, економијата.
Во подготовките е вклучена цела армија луѓе – сите министерства и други државни институции и агенции, кои на Путин му доставуваат релевантни информации и аналитички материјали. Тоа е целосна база на податоци, бројки и сите можни информации.
Во Кремљ се прават и прогнози какви ќе бидат прашањата на новинарите, или поточно кои теми највеќе ќе ги интересираат.
Оваа година за Путиновата прес конференција се акредитирани рекордни 1.437 новинари од целиот свет, 47 новинари повеќе од минатата година.
Разговорот со претставниците на седмата сила во декември 2015 година траеше подолго од три часа и за тоа време Путин одговори на повеќе од 40 прашања. Најдолгата конференција за печат е одржана во 2008 година кога рускиот претседател за четири часа и 40 минути одговори на над 70 прашања. крај/мф/вс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.