Европа
Брисел: 16 уапсени, но не и главниот осомничен за париските атентати
Белгиската полицијата за време на големата антитерористичка операција спроведена ноќта во неделата уапсила вкупно 16 лица, но не успеала да го пронајде главниот осомничен за париските терористички напади од 13-ти ноември, Салах Абделсам, изјави портпаролот на канцеларијата на Федералното обвинителство.
Белгиските медиуми објавија во саботата дека Салах Абдеслам, кој се смета за еден од организаторите и извршителите на париските напади и по кој е распишана меѓународна потерница, дошол од Париз во бриселскиот кварт Лаекен, ден по нападите, минатата сабота на 14-ти ноември. Со автомобил го пренеле двајца негови пријатели од квартот Моленбек, 21-годишниот Хамза Атух и 27-годишниот Мухамед Амри, коишто беа уапсени во рацијата во оваа приградска населба на бриселската престолнина изведена во минатиот понеделник, а подоцна ослободени.Како што објави читајќи го соопштението за медиумите портпаролот на белгискиот Федерален обвинител, претресите на домови и трагањето по осомничени и безбедносно опасни лица биле извршени во бриселските општини Моленбек-Сен-Жан, Андерлехт, Жет, Скарбек, Волува-сен-Ламбер и Форе, како и во градот Шерлроа.„Не е пронајдено ниту оружје, ниту експлозиви. Салах Абдеслам не е уапсени за време на претресите“, изјави портпаролот. Додаде дека шеснаесет лица се уапсени за време на рациите во неделата вечерта во Брисел и во Шарлроа, без да даде поединости. Ги потврди, исто така, наводите на некои медиуми дека во операцијата во која покрај специјалните полициски сили беа вклучени и војници и хеликоптери, било рането едно лице.
Едно лице е повредено во инцидентот кој се случил во Молнебек, каде лицето со автомобил се забило во полициско возило, а полицијата потоа отворила оган. Другите акции минале без инциденти.„Шеснаесет лица се лишени од слобода.. Утре судските иследници ќе одлучуваат дали ќе им биде одреден притвор“, според претставникот на белгиското обвинителство.Во неделата вечерта и до доцна ноќа кон понеделникот во Брисел беше спроведена најголемата во историјата на Белгија антитерористичка операција, насочена во неколку централни квартови, како и во доселеничките предградија главниот град, Моленбек и Етербек.Целите на операцијата, според медиумите, биле одредени во подготовките изминатите неколку дена и во соработка на странски служби, покрај во Брисел и Шарлроа, бил спроведена и во градот Лиеж. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.