Европа
Смртта на Елизабета II по грешка објавена на Twitter-от на BBC
Британскиот јавен сервис BBC во средата покрена интерна истрага и се извини откако на профилот на неговата новинарка на Twitter во текот на симулацијата на вежба во случај на смрт на кралицата погрешно била објавена веста за смртта на Кралицата Елизабета Втора, која има 89 години.
„ИТНО: кралицата Елизабета примена во Болницата крал Едвард VII во Лондон. Наскоро следува соопштение: @BBCWorld“, беше објавено во средата наутро на микроблогот на Twitter на новинарката Амен Хаваџа, од сервисот кој објавува вести на урду јазикот.
И додека информацијата набрзо ја преземаa американската телевизиска мрежа CNN и германскиот дневен весник Bild и индискиот Hindustan Times, истата новинарка објавува друга порака – „Кралицата Елизабета почина“.
Штом се крена медиумска бука, Каваџа ги отстрани двете пораки. Потоа напиша „Лажна тревога, ги избришав двете претходни пораки“ и вели дека се сомнева оти нејзиниот телефон е прислушуван. „Го оставив телефонот дома без контрола. Тоа е несолена шега. Се извинувам“, напиша на Twitter по што повторно ја избриша пораката.
Лажната тревога се случила токму во моментот кога британската кралица Елизабета Втора била на годишен систематски преглед. За да ги сопре натамошните шпекулации, портпаролот на Бакингемската палата набрзо издаде соопштение, што инаку не го прави често, истакнувајќи дека станува збор за „рутински преглед“ и дека кралицата веќе ја напуштила болницата.
Додека многу британски медиуми ја преземаа информацијата, BBC појасни дека инцидентот се случил „во рамките на техничкиот тест во врска со објавата на смрт“. „Пораките на Twitter кои говорат за болест на член на кралското семејство по грешка се пратени од профилот на една новинарка на BBC. Пораките набрзо се отстранети и се извинуваме поради непријатностите“, истакна британскиот јавен сервис во соопштението.
Од BBC кој ужива светско реноме, соопштија дека во рамките на „дисциплинската постапка“ се води истрага со којашто ќе се утврдат околностите за објавувањето на лажната информација./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Холандија и подари на Украина 24 авиони Ф-16: „Употребата не е ограничена“
Холандија дава 24 ловци Ф-16 на украинските воздухопловни сили што ќе може да ги користи и против цели во Русија.
„Ограничувањата за тоа каде Украина може да ги користи никогаш не беа дискутирани“, рече холандската министерка за надворешни работи Ханке Бруинс СлотБруинс Слот, додавајќи дека употребата не е ограничена ни на границата во близина на Харков.
Министерката во заминување ги негира претходните извештаи дека САД треба да ја одобрат испораката на овие ловци.
Украина очекува да добие 30 белгиски Ф-16, но може да ги користи само против цели во Украина, бидејќи тоа се услови поставени од Белгија.
Европа
(Видео) Зеленски во Шведска: Само заедно можеме да го запреме лудилото од Москва
Украинскиот претседател Володимир Зеленски денеска потпиша билатерален безбедносен договор со Шведска, еден од трите планирани со нордиските земји, бидејќи бара дополнителна воена поддршка од Западот во војната против Русија.
Соопштението доаѓа додека западните земји дебатираат дали да и дозволат на Украина да користи западно оружје за да нападне воени цели во Русија, поддржувајќи офанзива врз североисточниот украински град Харков.
„Можете да видите дека Русија се обидува да ја прошири војната… Само заедно можеме да го запреме лудилото од Москва“, рече Зеленски на потпишувањето на договорот, 13-ти таков договор што Киев го потпиша со западна земја.
Зеленски рече дека ќе потпише билатерални договори и со Норвешка и Исланд.
Воздушната одбрана, производството на муниција и заедничкото производство на оружје се на врвот на агендата на петочниот самит меѓу Зеленски и премиерите на Шведска, Норвешка, Данска и Исланд и претседателот на Финска.
Сите нордиски земји, кои цврсто ја поддржуваат Украина, се членки на НАТО.
„Постојано се повторува, вие буквално не се борите само за сопствената слобода, туку и за нашата слобода и нашата безбедност“, рече шведскиот премиер Улф Кристерсон.
„Ова е причината зошто поддршката на Украина е толку фундаментална, егзистенцијална задача за Шведска и за сите други нордиски земји“, додаде тој.
Претходно овој месец, Шведска соопшти дека се согласила за дополнителна воена помош за Украина во вкупна вредност од 7 милијарди долари во текот на три години, додека во последните недели Норвешка преговараше за билатерален безбедносен договор со Киев.
Данска и Финска веќе потпишаа 10-годишни безбедносни договори со Украина во февруари и април, соодветно.
Европа
Едногодишно бебе паднало низ прозорец во Австрија: „Се обиде да се држи за саксија“
Едногодишно Ддтенце паднало од прозорец на станбена зграда во Отакринг, Австрија и се здобило со сериозни повреди на главата.
18-месечното бебе паднало од прозорец во четвртокот околу 20 часот додека родителите биле во другата соба, зафатени со другото бебе, јавуваат австриските медиуми.
„Се качи преку трпезариската маса на прозорецот од кујната и се лизна надолу“, раскажува сведок.
Како што објаснил, детето се обидело да се потпре на саксија што стоела на прозорецот.
Меѓутоа, бидејќи саксијата не била соодветно потпрена, се превртела и паднала, а момчето паднало по неа.
Малото момче се здобило со сериозни повреди на главата поради што е хоспитализирано и сместено на одделението за интензивна нега.
Според првичните информации, неговиот живот не е во животна опасност.
Австриската полиција ги приведе родителите поради сомнение дека од небрежност му нанеле телесни повреди на нивниот син.