Црна хроника
Возел во спротивна насока на автопатот Скопје-Велес, седум повредени
Седум лица, повредени во сообраќајна несреќа која се случила на автопатот Скопје Велес пренесени се на лекување во велешката болница, јави проталот Лисица.мк.
Според првичните информации во несреќата учествувале две патнички возила. Мерцедес со велешки регистарски таблици и Голф со косовски ознаки.
Од велешката болница, информираат дека едно лице, (сопатникот во мерцедесот) поради сериозноста на повредите веќе е пренесено на лекување на Скопските клиники.
Бројот на повредени кои своето лекување ќе го продолжат на Клиника во Скопје се очекува да се зголеми.
Од увидот кој што го направи полицијата ќе се добие одговор на прашањето зошто автомобилот со странски регистарски таблички се движел во обратна насока по автопатската делница. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Петгодишно дете исчезна во Сарај, МВР го најде по два часа
Петгодишно девојче исчезнало денес околу 16.20 часот во паркот Сарај.
Како што објави МВР, веднаш презеле мерки, па околу 18.15 часот детето било пронјадено.
Претходно, од полицијата информираа дека се трага по девојче со руса долга коса, облечено во розово фустанче и розови чевли
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.
Црна хроника
Во куќарка на паркинг во Центар пронајдено починато лице
Во 06.10 часот во СВР Скопје било пријавено дека на подрачјето на Центар, во куќарка на паркинг, додека бил на неговото работно место, бил пронајден починат Д.С.(63) од Скопје.
Од страна на лекар од Итна медицинска помош констатирана била смрт без видливи траги на насилство.
Извршен бил увид од увидна екипа од СВР Скопје, а по наредба на Јавен обвинител телото на починатиот било дадено за обдукција.