Скопје
Хортикултурно уреден уште еден простор околу Зелен пазар
Целосно хортикултурно е уредена јавната зелена површина во строгото централно подрачје, која се наоѓа околу “Зелен пазар” на потегот од булевар „11 Октомври“ до улица “Македонија“.
Локацијата се протега на површина од 8.000 м2 и ги опфаќа зелените површини околу станбените блокови, кои досега беа со уништено зеленило и стари деградирани дрвја.
Се работи за специфичен простор, каде што дневно циркулираат огромен број граѓани, а жителите на околните станбени комплекси имаат потреба од модерно уреден простор за одмор и релаксирање.
„Ова беше единственото место во комлексот Градски ѕид каде што немаше детско игралиште. Граѓаните со децении бараа катче за игра и рекреација за најмладите.
Општина Центар, конечно на површина од 170 метри квадратни, гради ново современо игралиште со модерни дрвени детски рекзвизити. За зголемена безбедност на децата, се поставува гумена антиалергиски и антибактериска подлогата. И со ова игралиште, општината го задржа стандардот и квалитетот за изградба на игралишта за најмладите.
Општина Центар изврши комплетна реконструкција на тревниците. Околу нив, наместо железни огради, засадени се бордури од зимзелени садници како зелени огради. Задржани се дел од постоечките садници кои што се во добра состојба, со обликување на крошните и кастрење на гранките на високите дрвја“, информираат од Општина Центар.
Засадени се околу 2.300 садници, дел од нив зимзелени садници, зимзелени и листопадни грмушки и зимзелени покривачи, групирани во алпинетуми или во бордури како зелени огради покрај патеките. Локацијата ја красат и 2 зимзелени магнолии, со преубави бели цветови.
За поголема разиграност и колоритност на просторот, планирани се неколку алпинетуми со околу 3.000 сезонски цветен расад.
Полевањето се изведува со автоматски систем за полевање, приклучен на хидрантската парковска мрежа. Со системот за полевање ќе се овозможи навремено и комплетно наводнување на тревникот и садниците, а со тоа и нивен повитален раст и развој. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Комунална хигиена-Скопје: Најголемо количество непрописно одложен отпад во февруари, 600 кубни метри, е подигнато во општината Центар
Во текот на месецот февруари 2026 година, екипите на ЈП Комунална хигиена-Скопје подигнаа и транспортираа приближно 11 000 тони мешан комунален отпад од домаќинствата на територијата на градот Скопје, извести ЈП Комунална хигиена-Скопје.
„Отстранети се и 2505 кубни метри отпад од диви депонии лоцирани во сите скопски општини, а најголемо количество непрописно одложен отпад – 600 кубни метри – е подигнато во општината Центар.

Еко-патролата при ЈП Комунална хигиена-Скопје во текот на месец февруари изготви вкупно 100 записници за претставници на стопанските субјекти и физички лица коишто биле затекнати при неправилно одлагање на отпадот. Записниците за прекршителите на Законот за јавна чистота беа врачени во следните општини:
1. Општина Чаир – 54 записници
2. Општина Карпош – 18 записници
3. Општина Аеродром – 11 записници
4. Општина Центар – 9 записници
4. Општина Ѓорче Петров – 6 записници
5. Општина Гази Баба – 2 записника
ЈП Комунална хигиена-Скопје продолжува со реализација на еко-предавања и работилници во скопските основни училишта и предучилишни установи. Преку еко-едукацијата најмладите жители на нашиот град се запознаваат со активностите на Претпријатието, се едуцираат како правилно и совесно да постапуваат со својот комунален отпад, на кој начин се врши примарната селекција на отпадот и како се одвива процесот на рециклирање.

Во текот на минатиот месец, 253 ученици и 64 дечиња од основните училишта и градинките во општините Аеродром, Центар и Чаир имаа можност да ги проследат едукативните предавања за правилно постапување со отпадот и заштита на животната средина. Предавањата се одвиваа на македонски, албански и турски јазик“, соопшти ЈП Комунална хигиена-Скопје.
Македонија
Посебен режим на сообраќај денеска во Скопје
Денеска, во официјална посета на Република Северна Македонија ќе престојува генералниот секретар на НАТО, Н.Е. Марк Руте.
Поради посетата, Единицата за безбедност на патниот сообраќај ќе преземе мерки за воспоставување посебен режим на сообраќај во централното градско подрачје на Град Скопје.
СВР Скопје апелира до сите граѓани учесници во сообраќајот да ги почитуваат наредбите и насоките што ќе ги даваат полициските службеници, со цел безбедно и непречено одвивање на сообраќајот.
Македонија
Без вода делови од Центар и Сарај
Од ЈП Водовод и канализација – Скопје, известуваат дека денеска:
· Поради дефект на водоводна цевка со пречник од Ф-2 цол на улицата Св. Кирил и Методија 38 (на паркингот кај Трготекстил), 09:00 часот до санирање на дефектот, прекинато водоснабдување ќе имаат корисниците на дел од ул. Св. Кирил и Методија, општина Центар;
· Поради чистење и дезинфекција на двете комори во резервоарот за питка вода во село Бојане, во наредните 4 дена (03.03 до 06.03.2026 година) помеѓу 08:00 и 13:00 часот, можно е да има намален притисок и краткотрајни прекини на водоснабдувањето во село Бојане, општина Сарај.

