Забава
Побарале `грепки` место цвеќе за свадбата, добиле „Пасат“
Даниел и Ивана Сизовски, на својата свадбена покана напишале дека претпочитаат грепки наместо цвеќе. На свадбата, на 26-ти ноември добиле 78 инстант лозови од различни гости.
Три дена по свадбената прослава ги изгребале и од сите добитни имале точно 1.200 денари кои решиле да ги заменат на среќното место на Државна лотарија на Македонија во Капитол мол, за нови 24 инстант лозови од играта Среќни тркала. Даниел и Ивана едновремено гребеле, секој по 12 инстанти и токму еден од 12-те кои ги изгребал Даниел носел четири среќни тркала што им го донеле атрактивниот бел Фолксваген Пасат.
Оваа убава приказна е уште еден доказ дека среќата сама си го наоѓа патот, само треба да и ја отвориме вратата и да и дадеме шанса да не израдува нас, или да израдува некој кого го сакаме.
Во петок на ден пред Нова година, Даниел и Ивана ќе го добијат свадбениот подарок автомобил пред нивното среќно место во трговскиот центар Капитол мол.
Доделувањето е планирано во 12:00 часот, во предновогодишна атмосфера со Марјана и Викса.По доделувањето ќе продолжи промоцијата за празничните кола на играта на среќа НовоЛото 7/34.
По повод Нова Година и Божиќ, Државна лотарија на Македонија подготви празнични кола на 31ви декември 2016та и 7ми јануари 2017та, во кои ќе се реализираат до три извлекувања за 7ка!. Во случај седумката да се постигне во првото коло нема да се извлекува понатаму, но во случај да не се постигне седука во првото се оди на второ извлекување кога се извлекуваат и другите непостигнати категории добивки во првото коло, а доколку не се постигне 7ка и во второто извлекување, се продолжува со трето извлекување во кое се извлекуваат и другите категории добивки кои не биле постигнати во второто извлекување.
„Со надеж дека ќе влеземе во новата година со два нови милионера, Државна лотарија на Македонија приредува две празнични кола со – ДО ТРИ ШАНСИ ЗА 7КА!“, велат од Државната лотарија/крај/со
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.