Европа
Зеехофер ја заостри реториката за бегалците, Меркел бара нивно побрзо интегрирање
Баварија е за контингент и за горна граница за прифаќање на бегалците и за тоа Христијанско-социјалната унија (CSU) и натаму ќе се бори, порача во саботата партискиот челник и баварски премиер Хорст Зеехофер, на партискиот конгрес во Минхен кој беше одбележан со заострена реторика против бегалската политика што ја спроведува канцеларката од сестринската партија Христијанско-демократската унија (CDU) Ангела Меркел, којашто во саботата во својата редовна видео порака до нацијата порача дека е неопходна што поитна интеграција на доселениците на германскиот пазар на трудот.
По отворениот судир со германската канцеларка Ангела Меркел, Хорст Зеехофер и натаму е упорен на барањето на неговата партија за воведување горна граница за прифаќање на бегалците и продолжување на построгиот режим на контрола на границите.Последните седмици во Германија на дневно ниво влегуваат околу 10.000 имигранти. Баварија е особено на удар на големиот број имигранти кои пристигнуваат преку јужна Европа на Западот. Според податоците на баварскиот министер за внатрешни работи, Јоахим Херман, од почетокот на годината во Германија влегле повеќе од 900.000 имигранти.„Ние не сакаме политика на добредојде, туку политика на разумот. Ние и натаму мораме да дејствуваме врз CDU да ги промени насоките“, порача Зеехофер обраќајќи им се на делегатите на партиската конвенција која во саботата попладнето заврши во Минхен.CSU којашто во Баварија ја претставува демохристијанската опција, а на сојузно ниво со CDU ја сочинува владејачка Унијата CDU/CSU, и натаму заговара ограничување на бегалците.„Ние сме за контингент и горна граница и за тоа CSU и Баварија и натаму ќе се борат. Во Баварија постои подготвеност за прифаќање на бегалците, но можностите се ограничени“, порача Зеехофер.Во петокот попладнето Ангела Меркел, своето обраќање на конгресот на CSU, уште еднаш го отфрли воведувањето на плафонот за бројот на бегалците. Веднаш потоа Зеехофер отворено ја критикуваше Меркел поради нејзиниот став во однос на бројот на бегалците, што германската јавност го доживеа како невиден скандал во односите меѓу двете сестрински партии.По вербалниот судир во CSU дури се појавија и шпекулации за распаѓање на Унијата CDU/CSU, што Зеехофер во саботата категорично го отфрли. „Тоа не е никаква опција. Штетата што ќе произлезе од распадот е далеку поголемо од добивката“, порача челникот на CSU.Најголемиот дел од својот програмски говор Зеехофер го посвети на бегалската криза и безбедносната ситуација во земјата. „Државата на граѓаните мора да им го даде она што терористите сакат да го одземат, а тоа е безбедноста“, рече Зеехофер залагајќи се за воведување закон за интеграција на доселениците кој би ја одредил насоката на процесот на интеграција.Зеехофер, исто така, предупреди дека е потребно што побрзо да се решава бегалското прашање, бидејќи в спротивно сегашната ситуација би идела во полза на партиите од десниот крај на политичкиот спектар како евроскептичната и антиимгрантска партија Алтернатива за Германија (AfD), којашто, според Зеехофер, во Баварија има „трипати поголем потенцијал од сегашниот“.Во моментов AfD, според последните анкети, има поддршка од шест до осум отсто од избирачите, што е значителен пораст на нејзиниот рејтинг. „Најдобрата заштита од десните струења е решавањето на проблемите кои ги мачат граѓаните“, рече Зеехофер.Потоа Зеехофер повторно беше повторно избран за претседател на CSU, но се досега најслабиот резултат од 87,5 отсто гласови, додека пред две години на чело на партијата го поддржаа 95 отсто до делегатите.Послабиот резултат се поврзува со незадоволството во партијата од судирот со Меркел, но и со некои внатрепартиски судири како оној со баварскиот министер за финансии Маркус Соедер кој загоавара поостра политика кон бегалците. Од друга страна канцеларката Ангела Меркел во саботата како еден од најважните општествени цели во Германија следните години ја означи што побрзата интеграција на бегалците на пазарот на трудот.„Мојата желба е добрата соработка меѓу политиката и стопанството, за што повеќе бегалци што побрзо да се вклучат во процесите на германскиот пазар на трудот“, рече Меркел во редовното видео обраќање во која оваа сабота тема беше односот кон стопанството и скорешниот нејзин говор на деновите на германските работодавачи следниот вторник. Канцеларката ја пофали подготвеноста на германското стопанство на бегалците да им се понудат места за дообразување. Истовремено најави дека државата преку своите институции како Сојузното за имиграцијата и бегалците ќе понуди курсеви за изучување на германскиот јазик. „Познавањето на јазикот е она што компаниите го очекуваат од новите обучени работници“, рече Меркел.Истовремено ја нагласи потребата од вложување на „големи напори“ како од Германија, така и од Европската унија и целокупната меѓународната заедница за отстранување на причините поради коишто бегалците ги напуштаат своите./крај/мф/сн
Извор: DPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.