Руското министерство за надворешни работи во документите за неонацизмот ја спомнало и Хрватска поради нетолеранцијата кон Србите, пренесува Танјуг.
 

Руското министерство за надворешни работи во документите за неонацизмот ја спомнало и Хрватска поради нетолеранцијата кон Србите, пренесува Танјуг.

По повод одбележувањето на 70-годишнината од победата над фашизмот бил објавен документ со наслов „Неонацизмот – опасна закана за човековите права, демократијата и владеењето на правото“, во кој во рамките на анализата на европските земји се пренесува и Хрватска.

Русите меѓу другото навеле дека „агресивниот националнизам, етничката и верската нетолеранција насочена првенствено против најголемата малцинска група, Србите, чија бројка од 1991 година се намалила за две третини“, пишува Slobodna Dalmacija.

Повикувајќи се на податоци од активистите за човекови права, во последните 19 години околу 30 илјади Србија во Хрватска ја сменила својата вера, односно го прифатиле католицизмот.

„Експертите велат дека главната причина за тоа е желбата на родителите да го спречат малтретирањето на децата во училиштата, врз основа на нивното етничко или верско потекло“, се наведува во документот на руското МНР.

Руските аналитичари исто така истакнале дека Србите во Хрватска се соочуваат и со сериозни административни и останати препреки во наоѓањето на работи и враќањето на својот имот.

Во документот се набројуваат исто така и поединечни случаи на ксенофобија и вандализам на православните гробишта, потоа отстранување на кириличните табли, уништување на спомен-плочите за жртвите од усташкиот логор Јадовно, како и сквернавење на еврејските гробишта од 16-тиот век во Сплит.

Од руското МНР исто така навеле и дека поранешниот хрватски претседател Иво Јосиповиќ предупредил на вознемирувачките трендови на јакнење на неофашизмот и неонацизмот во Хрватска, пред кои не треба да се затвораат очи.

Коментирајќи го извештајот пак, претседателот на хрватскит собраниски одбор за човекови права и права на малцинства, Фурио Радин изјавил дека никогаш не слушнал за податокот дека 30 илјади Срби ја промениле својата вера во католичка и дека се работи за неосновани бројки.

Радин потенцирал дека Хрватска не може да биде прозвана за неонацизам, дека постои „спорадично кокетирање со усташтвото и стадионскиот национализам но дека генералните оценки на руското МНР не држат“./крај/мф/бс