Европа
Разговорите Путин – Порошенко ’позитивни’, се очекува продолжување
Разговорите на рускиот претседател Владимир Путин и неговото украински колега Петро Порошенко, со европските челници во петокот во Милано биле „позитивни“ и „конструктивни“, а како најави Кремљ, двајцата претседатели би требало да ги продолжат разговорите подоцна во текот на денот.
Разговорите на рускиот претседател Владимир Путин и неговото украински колега Петро Порошенко, со европските челници во петокот во Милано биле „позитивни“ и „конструктивни“, а како најави Кремљ, двајцата претседатели би требало да ги продолжат разговорите подоцна во текот на денот.
Претседателите на Русија и Украина, Владимир Путин и Петро Порошенко, се сретнаа на маргините на самитот на европските и азиски земји (ASEM), во присуство на домаќинот на самитот, италијанскиот премиер Матео Ренци, германската канцеларка Ангела Меркел, францускиот претседател Франсоа Оланд, британскиот премиер Дејвид Камерон и највисоките функционери на Европската унија, претседателот на Европската комисија, Жозе Мануел Баросо и претседателот на Европскиот совет, Херман ван Ромпуј.
Учесниците на оваа средба, којашто се смета за една од најважните и најочекувани на миланскиот самит, подоцна во поединечни изјави ги оценија разговорите како позитивни, но, според оцените на агенциите, се чини дека не е постигнат пресвртнички напредок во решавањето на кризата во Украина.
Портпаролот на Кремљ, Дмитриј Песков, изјави во Москва за агенцијата РИА Новости дека е договорено продолжување на разговорите неколку часа по завршувањето на самитот на ASEN, на кој освен Путин и Порошенко ќе учествуваат и германската канцеларка Меркел и францускиот претседател Оланд.
Изразувајќи сепак оптимизам, тој оцени дека преговорите одат тешко и со многу разногласие. „Преговорите, искрено, се тешки, со многу разногласија, целосно неразбирање. Сепак, тие се движат, постои размена на мислења“.
Договорено е неколку часа по завршувањето на самитот на ASEM да продолжат преговорите за Украина, меѓу четворицата челници“, изјавил Песков.
„Беше добро, беше позитивно“, изјави Путин по средбата.
Домаќинот на утринскиот состанок, италијанскиот премиер Матео Ренци изјави дека на разговорот е постигна „чекор нанапред“ кон решавање на кризата во Украина. Според него, разговорите биле „конструктивни“, и било усогласено дека е неопходно целосно да се спроведе мировниот план за источна Украина договорен на почетокот од септември во белоруската престолнина Минск.
„Не можеме да прифатиме нестабилна Украина и ќе сториме сé што можеме а да ја вратиме надеждта во Украина, но важно ни е повторно да ја вклучиме Русија во меѓународните односи“, изјави Ренци, пренесе агенцијата Ansa.
Британскиот премиер Камерон за медиумите оцени дека средбата била „позитивна’. „Претседателот Путин рече дека сака да го ’замрзне конфликтот’, и дека не сака поделена Украина“, рече Камерон,.додавајќи дека „доколку тоа е така, Русија мора да ги повлече сите свои војници и сето оружје од Украина, да ги почитува сите мировни договори, и да ги признае резултатите од легитимните (парламентарни) избори во Украина. Доколку тоа не се случи, јасно е дека Европската унија мора да ги задржи санкциите кои ги воведе против Русија“, рече британскиот премиер./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија: Не ја гледаме поентата на мировната конференција во Швајцарија
Русија објави дека не ја гледа поентата на конференцијата за прекин на огнот во Украина што Швајцарија ја планира за средината на јуни и на која Москва не беше поканета. Швајцарската влада соопшти дека Русија „во овој момент“ не е меѓу десетиците поканети земји, додавајќи дека е отворена за нејзино учество, но дека Москва не е заинтересирана. Берн го најави собирот во јануари, велејќи дека го организирал на барање на украинскиот претседател Володимир Зеленски.
Портпаролот на Кремљ, Дмитриј Песков, нагласи дека Москва не ја смета за веродостојна иницијатива.
„Не разбираме каква пресвртница би била таа мировна конференција“, им рече тој на новинарите. „За каква конференција зборуваме, за каква сериозна конференција со сериозни очекувања дека ќе има некакви резултати, без учество на Русија?
„Тоа е целосно невозможно и јасно е дека тоа е некаква иницијатива која не е фокусирана на резултати“, заклучи тој.
Швајцарската влада соопшти дека „мировниот процес не е можен без Русија. Украина, од друга страна, ги доведува во прашање придобивките од руското учество на состанокот што ќе се одржи во близина на градот Луцерн.
„Знаеме дека нема смисла да ја имаме Русија на маса ако не можете да се осигурате дека таа ќе дејствува со добра волја“, рече шефот на украинската дипломатија Дмитро Кулеба минатата недела во интервју за магазинот „Форин полиси“.
Кулеба смета дека создавањето дополнителен притисок врз Русија на бојното поле и обединувањето на земјите „кои ги делат принципите“ ќе помогнат Русија да биде подготвена да учествува во дијалогот.
Европа
Макрон не ја исклучува можноста за испраќање војници во Украина доколку Русија „ја пробие линијата на фронтот“
Францускиот претседател Емануел Макрон во интервју за Економист изјави дека не ја исклучува можноста за испраќање војници во Украина доколку Русија „ја пробие линијата на фронтот“ и ако Киев тоа го побара од Париз, пренесува BFMTV.
„Доколку Русите ги пробија првите линии на фронтот и ако има украинско барање – што не е случај денес – би било легитимно да се постави тоа прашање“, рече Макрон.
Веќе во февруари, Макрон ја покрена можноста за испраќање западни трупи на украинска територија, потсетува БФМ.
„Како што кажав, не исклучувам ништо бидејќи има некој од другата страна кој не исклучува ништо. Без сомнение, бевме премногу сомнителни кога ги дефиниравме границите на нашата акција”, рече францускиот претседател.
Макрон рече дека „априори отфрлањето“ на можноста за испраќање војници би значело дека „не се научени лекциите од последните две години“, бидејќи во летото 2022 година биле против испраќање тенкови, ракети со долг дострел и авиони. и сега сето ова го испорачуваат во Украина.
„Имам јасна стратешка задача: Русија не смее да победи во Украина. Ако Русија победи во Украина, нема да има безбедност во Европа“, додаде тој.
„Кој може да тврди дека Русија ќе застане таму? Каква безбедност има за другите соседни земји, Молдавија, Романија, Полска, Литванија и толку многу други? И тогаш, каков кредибилитет има за Европејците кои би потрошиле милијарди, велејќи дека тоа е опстанокот на континентот и не би обезбедиле средства за запирање на Русија. Така да, не треба ништо да исклучуваме“, истакна Макрон.
Европа
Во Швајцарија ќе се одржат мировни преговори за Украина, Русите не доаѓаат
Швајцарската влада денеска соопшти дека во оваа фаза Русија не е меѓу 160-те делегации поканети на мировните преговори за Украина што ќе се одржат во Швајцарија во средината на јуни.
„Швајцарија е убедена дека Русија мора да биде вклучена во тој процес“, соопшти швајцарската влада. „Мировниот процес не е можен без Русија“.
Швајцарската влада соопшти дека отсекогаш била отворена за поканата на Русија, но Москва постојано нагласувала дека не е заинтересирана за учество на првиот самит.
Руските власти истакнуваат дека Швајцарија усвоила европски санкции против Москва поради инвазијата на Украина и затоа нема кредибилитет како неутрален посредник.