Свет
Примирјето во Сирија се одржува и покрај почетните инциденти
Примирјето меѓу сириската владина армија и бунтовничките рупи кои стапи на полноќ во петокот, во текот на денот се одржува, по претходните изолирани судири, соопштија набљудувачите и бунтовниците.
Прекинот на огнот беше нарушен во неколку покраина во североисточниот дел на Сирија, два часа откако стапи на сила. Меѓутоа, опозициската Сириска опсерваторија за човекови права (SOHR) со седиште во Лондон, повикувајќи се на своите активисти на теренот подоцна објави дека ситуацијата „главно е мирна“.
Претставникот на бунтовничката група Џаиш ал-Наср, за Reuters потврдил дека „во текот на ноќта имаше гранатирања, но денеска престана … ситуацијата засега е добра“.
Националното примирје коешто треба да го запре шестгодишното крвопролевање во четвртокот го објави рускиот претседател Владимир Путин, кој е клучниот сојузник на сирискиот претседател Башар ал-Асад, по договорот со турскиот претседател Реџеп Тајип Ердоган чијашто земја ја поддржува сунитската ткн умерена опозиција, а во договорот е вклучени и Иран, исто така сојузник на сирискиот алавитски (шѓиитски) претседател.
Сириската армија во четвртокот објави дека ги прекинува сите воени операции на територијата на целата земја, а рускиот министер за одбрана Сергеј Шојгу на претседателот Путин му предложи повлекување на значаен дел на руските сили во Сирија, имајќи ја предвид моменталната ситуација.
Од договорот за прекин на огнот се изземени ултрарадикалните сунитски џихадистички групации како Исламска држава и поранешната Џебхат ан-Нусра, сириското крило на Ал Каеда, и бунтовничките групи поврзани со неа.
Портпаролот на бунтовничката групации кои ја сочинуваат Слободната сириска армија (FSA) чијашто командна структура е во егзил во Турција на прес-конференцијата во Анкара изјави дека примирјето не ја опфаќа и курдската милиција Единици за одбрана на народот (YPG), како ниту партијата на Курдите во Сирија (PYD), кои турските власти ги сметаат за блиски на забранетата Работничка партија на Курдистан (PKK), и оти тие нема да учествуваат на мировните преговори.
Бунтовниците се согласија примирјето да го надзираат Русија и Турција, како и во текот на еден месец да започнат политичките преговори, изјавил нивен претставник. Анкара, жесток противник на сирискиот претседател, во меѓувреме го омекна својот став и се согласи на учество на Асад во преодниот период во земјата.
Ова е трето примирје во Сирија постигнато оваа година. Претходните две договорени меѓу САД и Русија пропаднаа по неколку седмици, а страните се обвинуваа дека не ги извршуваат обврските од договорот.
Новиот договор е постигнат без САД и Обединетите нации. Но рускиот министер за надворешни работи Сергеј Лавров изјави дека САД можат да се вклучат во мировниот процес откако избраниот претседател Доналд Трамп на 20-ти јануари ќе стапи на должноста. Додаде и дека сака во процесот да се вклучат и Египет заедно со Саудиска Арабија, Катар, Ирак, Јордан и Обединетите нации./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најмалку десет луѓе загинаа во автобуска несреќа во Мексико
Најмалку 10 лица загинаа, а 20 се повредени во синоќешната автобуска несреќа што се случи во западната мексиканска држава Мичоакан.
Несреќата, чија причина сè уште е непозната, се случила на патот помеѓу главниот град на државата Морелија и селото Пацкуаро. Спасувачките операции и медицинската помош се на местото на несреќата.
Сообраќајните несреќи во Мексико изминатите години бележат пораст, а главни причини се пребрзото возење и лошото одржување на возилата. Во септември, цистерна што превезувала речиси 50.000 литри бензин експлодираше под надвозник на автопат во главниот град Мексико, при што загинаа десетици луѓе.
Регион
Еден загинат во поплавите во Албанија по обилните дождови
Најмалку едно лице загина во Албанија во поплавите предизвикани од обилните дождови што паѓаат во изминатите неколку дена, соопшти денес албанската полиција.
Полицијата објави дека тело на жена (76) е пронајдено откако нивото на водата се повлекло во поплавената југоисточна општина Девол.
Поплавите предизвикаа најголема штета во руралните региони на југот на Албанија, а во селото Душар 30 семејства беа отсечени, бидејќи патиштата беа непроодни поради поплавите.
Свет
Италијанскиот министер: Американскиот план за Украина содржи услови што никогаш не би можеле да бидат прифатени
Италијанскиот министер за одбрана Гвидо Крозето изјави дека американскиот мировен план од 28 точки за Украина е премногу оштар и дека содржи елементи кои никогаш не можат да бидат прифатени. Во објава на мрежата Икс тој наведе дека е важно тоа што и Русија и Украина разговараат за планот, но дека предлогот претставува тешка понуда за Киев.
Крозето додаде дека документот може да послужи како почетна точка за преговори и за обновување на дијалогот. Според него, целта е итно запирање на конфликтот.
Украинскиот претседател претходно предупреди дека се соочува со тежок избор, а европските лидери изразија загриженост дека предложените ограничувања би ја оставиле Украина ранлива на идни напади.

