Европа
Британија најавува изградба на нови 17 градови и села
Британската влада ги објави своите планови за изградба на 17 нови градови и села ширум Англија, во рамките на настојувањата да го ублажи хроничниот недостиг од станбен простор.
Новите ткн „задници градини“ од Камбрија на северозападот до Корнвол на крајниот југозапад на Англија е дел од планот за градење на 200.000 нови станбени единици, се наведува во писмената изјава на министерот за домување и просторно планирање Гевин Барвел.
Во понеделникот министерот првпат ги објави конкретните локации за планираното градење, со напомена дека државата ќе ги ублажи ограничувањата во доменот на просторното уредување и доделувањето на вкупно 7,4 милиони британски фунти, помош при финансирањето на градењето.
Најавените 200.000 нови станбени единици се само дел од најавените милион куќи кои владата во Лондон вети дека ќе ги изгради во периодот од 2015 до 2020 годна, во и онака густо населената земја, забележува Reuters.
Повеќе британски влади во минатото ветува дека ќе се занимаваат со недостигот кој доведе до спирален раст на цените на недвижнините во Лондон и другите поголеми англиски градови, поради што за многу потенцијални сопственици станаа недостапни.
Градежните претприемачи, пак, се жалат на недостиг од земјиште со кое може да располагаат, како и на строгите закони за просторно планирање кои забрануваат градење во „зелениот појас“ околу постојните градови и им даваат на органите на локалните самоуправи овластувања до го блокираат градењето.
Британската влада минатата 2016 година побара од локалните власти да се изјаснат дали се заинтересирани за градењето на ваквите ткн „градови градини“, кои се засноваат на замислите од XIX век за станбеното згрижување на населението чиј број се зголемувал во градовите кои станувале доволни за себе, опкружени со природата.
Според енциклопедиите, концептот за урбаното просторно планирање во кое се споменуваат „градовите градини“ (Garden town) првпат е изложен во 1898 година од Ебенизер Хауард, англиски теоретичар на уметноста и урбанист.
Станува збор за самостојни населби во зеленило кои ќе осигуруваат позадоволителни услови за живот отколку пренаселените градови. Ебенизер првите тави градови ги организира во Англија на почетокот од XX век. Во новото издание на книгата „Градовите градини на утрешнината“, тој го претставува новиот тип на населба кој треба да ги обедини предностите од живеењето на село и на живеењето во градот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украински разузнавач: На крајот ќе мора да преговараме со Русија
Украина ќе мора да стапи во преговори со Русија во одреден момент за да стави крај на нивната повеќе од двегодишна војна, изјави висок украински разузнавач во интервју објавено во четвртокот.
Украинскиот претседател Володимир Зеленски ги отфрли разговорите со Кремљ, а декретот што го издаде откако Русија официјално анектираше четири украински региони во 2022 година, ги оцени преговорите за „невозможни“.
Генерал-мајор Вадим Скибицки, заменик-шеф на украинската воена разузнавачка агенција ХУР, сепак, изјави за магазинот Економист дека разговорите на крајот ќе бидат неопходни, како што би било случај со секоја војна.
„Генералот Скибицки вели дека не гледа начин Украина сама да ја добие војната на бојното поле. Дури и ако успее да ги потисне руските сили назад до границите – што е сè подалечна перспектива – тоа нема да ја заврши војната“, пишува Економист.
„Таквите војни можат да завршат само со договори“, вели тој. Во моментов и двете страни се борат за најповолна позиција пред потенцијалните преговори. Но, значајните преговори може да започнат најрано во втората половина на 2025 година, шпекулира тој.
Зеленски и други официјални лица рекоа дека Русија не е поканета на „мировниот самит“ планиран за Швајцарија во јуни, бидејќи нема гаранција дека Москва ќе разговара со добра волја.
Министерот за надворешни работи, Дмитро Кулеба, се појави да го повтори размислувањето на Скибицки во одделно интервју за магазинот Форин полиси оваа недела, велејќи дека јунскиот самит имал за цел „да ги обедини земјите кои споделуваат принципи и пристапи врз кои ќе градат понатамошни активности“.
„Потоа може да има комуникација со Русија и Русија може да биде дел од разговорот. Затоа што сте во право: на крајот, не можете да ја завршите војната без двете страни“.
Рускиот претседател Владимир Путин и други високи функционери велат дека Украина го блокира секој обид за решение.
Портпаролот на Кремљ, Дмитриј Песков, во четвртокот изјави дека средбата во јуни не може да биде „сериозна конференција со сериозни очекувања за некаков резултат“ без присуство на Русија.
Во своето видео обраќање доцна во четвртокот, Зеленски ја опиша средбата во јуни како „практично првата вистинска можност да се започне повторно воспоставување праведен мир“.
„Сите наши позиции, на бојното поле, во дипломатијата и во информатичката сфера, сега мора да бидат подеднакво силни“, рече тој. „Нашата сила, нашите способности, нашите оружја, единството со партнерите – сето тоа мора да работи заедно. И ќе функционира“.
Европа
(Видео) Украинците објавија снимка: Го уништивме рускиот систем Бук, не можеа да го изгаснат пожарот
Украинските сили за специјални операции тврдат дека го уништиле лансерот на рускиот противвоздушен ракетен систем Бук на линијата на фронтот во регионот Суми.
Според извештаите, операторите во украинската единица забележале руски противвоздушен ракетен систем Бук-М1 додека изведувале борбени операции на фронтот.
Операторите потоа користеле нападни беспилотни летала за да ја нападнат целта. Русите неуспешно се обиделе да го изгаснат пожарот и да ја спасат својата опрема, тврдат Украинците. Тие споделија и видео на кое се гледа експлозијата и последователниот пожар.
Украинците наведуваат дека лансерот со шест проектили бил уништен со прецизен удар. Инаку, Украинците во вторникот пријавија и уништување на два Бука на истиот дел од бојното поле.
Европа
Грузија сака да донесе закон за „странски агенти“, oфицијален претставник на ЕУ: Неприфатливо
Висок функционер на Европската унија денеска ја предупреди грузиската влада дека предложениот закон за „странски агенти“ е неприфатлив и ќе претставува пречка во напорите на земјата да се приклучи кон ЕУ, доколку биде усвоен во сегашната форма.
Грузискиот парламент вчера го усвои законот во второто читање, за кој опозицијата вели дека е инспириран од Кремљ, додека полицијата употреби солзавец и шок-бомби за да ги растера толпата демонстранти.
Владата смета дека законот е неопходен за да се гарантира транспарентно странско финансирање на невладините организации.
Секоја вечер, речиси еден месец, се поголем број демонстранти излегуваат на улиците. Вчера десет илјади демонстранти го блокираа центарот на Тбилиси на најголемиот антивладин митинг организиран досега.
Герт Јан Купман, директор на Управата за проширување на Европската комисија, за новинарите во главниот град на Грузија изјави дека Брисел ја следи ситуацијата и е загрижен за тоа што се случува.
„Гледаме загрижувачки случувања кога станува збор за законодавството. Законот за транспарентност, кој беше усвоен во второ читање, е неприфатлив во сегашната форма и ќе создаде сериозни пречки на патот кон пристапување во ЕУ“, рече Купман.
„Но, има уште време. Во септември ќе излеземе со препораки дали да ги започнеме пристапните преговори со Грузија и да објавиме извештај во октомври и ноември, така што има уште време. Но, сега топката кај владата“, додаде тој.
Грузискиот парламент се очекува да го разгледа законот во третото читање за околу две недели.