Регион
Косово поради апсењето на Харадинај ќе ги преиспитува односите со Србија
Косовскиот министер за надворешни работи Енвер Хоџај изјави во петокот дека неговата земја веќе ѝ се одмаздувала на Србија, и оти тоа ќе стори повторно откако нејзиниот поранешен премиер Рамуш Харадинај е уапсен во Франција по меѓународна потерница издадена од властите во Белград.
Рамуш Харадинај, еден од командантите на поранешната Ослободителна војска на Косово (ОВК – UCK), во средата беше уапсен на аеродромот Басел-Мулус во источна Франција врз основа на меѓународната потерница која ја издаде Србија, иако сегашниот челник на косовска опозиција против кој Меѓународниот суд за воени злосторства извршени на територијата на поранешна Југославија во Хаг водеше процес за воени злосторства сторени во судирот 1998/1999 година, беше ослободен во 2008 откако му беше судено по 37 обвинувања и потоа повторно ослободен на апелациониот суд во 2012 година.
Харадинај во декември 2004 година беше избран за премиер на Косово, но по сто дена мораше да поднесе оставка за да одговара пред Хашкиот трибунал.
Апсењето на Харадинај создаде нови тензии меѓу Србија и нејзината поранешна јужна покраина којашто во 2008 година со поддршкана САД и главните земји членки на Европската унија прогласи независност. Илјадници приврзаници на Харадинај, кој е челник на опозициската партија Алијанса за иднината на косово, се собраа во петокот пред француската амбасада во Приштина, едночасовен мирен далеку помалуброен протест имаше и во Скопје, носејќи албански и американски знамиња. Албанците во западниот косовски град Ѓаковица својот протест го искажаа со каменување автобус ој превезуваше српски верници во текот на прославувањето на Бадник.
Настојувањата на Белград и на Приштина да се придружат на ЕУ, во Брисел го условуваат со нормализирање на меѓусебните односи, пред нивните кандидатури да може да напредуваат. Косовските опозициски партии повикуваат на прекин на преговорите на кои посредува ЕУ.
„Вчера преземавме реципрочни мерки во однос на (српскиот претседател Томослав) Николиќ, а тоа ќе го правиме и во иднина. Потребна е ревизија во односите со Србија, како и ревизија на дијалогот“, изјави косовскиот министер за надворешни работи Енвер Хоџај.
Потврди дека Србија издала повеќе меѓународните потерници по државјани на Косово, со што ги ограничила нивните меѓународни патувања. Белградските медиуми во четвртокот пишуваат дека станува збор за 20 лица, главно поранешни припадници на ОВК.
Србија не го признава Косово како независна држава, и со помош на Русија го блокира неговото влегување во обединетите нации и некои други меѓународни институции.
Харадинај во четвртокот беше изведен пред францускиот суд, а во притвор ќе остане додека Србија не поднесе официјално барање за екстрадиција, ј судот потоа треба да го разгледа.
Српските власти сакаат да му судат на Харадинај и издадоа меѓународен налог за апсење врз основ на кој накусо беше уапсен во јуни 2015 година кога минуваше низ Словенија. Го обвинуваат дека во текот на судирите со српските сили неговата единица „Црни орли“ го контролирале пограничниот регион со Албанија, која според Белград измачувала и егзекутирала повеќе десетици српски цивили чиишто тела се најдени во близина на езерото Радоњич, во областа Дечани, во северниот дел на поранешната јужна српска покраина./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.
Регион
Договорен текстoт на резолуцијата за Сребреница
Предлогот за резолуција за комеморација на геноцид врз Бошњаците од Сребреница, извршен во јули 1995 година, е договорен, а за него треба да се расправа на седницата на Генералното собрание на Обединетите нации, потврди амбасадорот на БиХ во ОН, Златко Лагумџија.
Лагумџија на социјалната мрежа „Икс“ објави дека процесот на усогласување на резолуцијата, чии формални предлагачи се Германија и Руанда, е завршен и испратен до претседателот на Генералното собрание на ОН, Денис Френсис, па нејзиниот текст ќе биде претставен до земјите членки. на светската организација, од која се очекува поддршка.
Резолуцијата повикува да се воспостави 11 јули како меѓународен ден на сеќавање на жртвите на геноцидот во Сребреница, уште еднаш се осудуваат сите дејствија со кои се величат сторителите на воени злосторства, злосторства против човештвото и геноцид утврдени со пресудите на меѓународните судови. Ја нагласува важноста од завршување на потрагата по останките на преостанатите жртви кои досега не се пронајдени и повикува на продолжување на гонењето на сторителите на геноцидот кои се уште се на слобода.
Резолуцијата има намера да ги повика сите држави целосно да ги почитуваат своите обврски од Конвенцијата за спречување и казнување на злосторството геноцид, да го почитуваат меѓународното обичајно право за спречување и казнување на геноцид и да ги почитуваат релевантните одлуки на Меѓународниот суд на Правдата (МСП).
Од генералниот секретар на ОН се бара да воспостави информативна програма наречена „Геноцид во Сребреница и Обединетите нации“, која треба да се спроведе пред следната година, кога се одбележува 30-годишнината од тоа злосторство.
Сите земји-членки на ОН, како и невладините организации и граѓанското општество, предлагачи на резолуцијата истовремено повикуваат на соодветни активности за комеморација и чест на жртвите на геноцидот во Сребреница во 1995 година.
Македонија е коспонзор на оваа резолуција.
Српскиот претседател Александар Вучиќ и лидерот на босанските Срби Милорад Додик инсистираат дека оваа резолуција е обид да се наметне колективна вина врз српскиот народ.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.