Свет
Американското разузнавање за хакирањата директно го обвини Путин
Американските разузнавачки агенции, всушност три од 19-те кои учествувале во изработката на извештајот за наводните кибернетички напади за време на претседателските избори во САД – Централната разузнавачка агенција (CIA), Агенцијата за национална безбедноsт (NSA) и Федералното биро за истраги (FBI) посочуваат на „руско интервенирање“ по директен налог на претседателот Владимир Путин.
Според пренесувањето на деловите од споменатиот извештај (линк) од чии делови е симната ознаката за доверливост се објавени, рускиот претседател Владимир Путин ја наредил „кампањата за давање помош“ во 2016 година, насочена кон претседателските избори во САД. Нејзината цел била да се поткопа демократскиот процес и да се оцрни кандидатот на Демократската партија, Хилари Клинтон.
Наредбата за оваа „кампања“ наводно ја дал лично Владимир Путин. Тој, заедно со руската влада се обидувал да ги зголемат шансите за победа на Доналд Трамп, смета американското разузнавање.
Средствата кон кои прибегнала Русија, според процените на CIA, NSA и FBI, вклучувале хакерски напади „со посредство на трети лица“, како и активности на медиумите и „потплатени тролови“.
Во документот се зборува у за тоа дека Русија имала пристап и до изборните комисии во САД. Притоа, авторите признаваат дека системот на нападите од страна на наводните руски хакери немаат никаква поврзаност со броењето на гласовите.
Интересно е што шест од 14-те страници на документот се посветени на работата на руските меѓународни медиуми, агенцијата Sputnik и телевизијата RT, коишто според американското разузнавање особено ја претставувале Хилари Клинтон, поранешната прва дама и државна секретарка, поразениот кандидат на Демократската партија на изборите на 8-ми ноември, во негативен контекст, концентрирајќи се на скандалот со истекувањето на нејзината доверлива службена преписка и на шпекулациите за нејзината здравствена состојба.
Истиот дел од извештајот, посветена на влијанието на телевизијата RT на американската политика, бил направен и отпечатен во Центарот на CIA за отворени извори на информации (Open Source Center) бил направен уште во 2012 година, забележуваат медиумите.
Американските разузнавачи, исто така, укажуваат дека по Летните олимписки игри во Риоа, руските хакери како една од своите главни цели ја избрале Светската антидопинг агенција (WADA), која суспендираше стотици руски спортисти поради земање недозволени средства. Хакерите, наводно, особено се фокусирале на истекување на податоците за американските спортисти, покажувајќи дека земале забранети супстанции, а ова ѝ се припишува на Главната разузнавачка служба (ГРУ), руската воена тајнан служба.
Во извештајот се наведува дека ГРУ ги искористил идентитетот на хакерот Guccifer и страницата DCLeaks.com за да ги објави податоците добиени како резултат на хакерските упади, и токму оваа руска агенција му ги предала доверливите преписки по хакирањето на компјутерскиот систем на Националниот комитет на Демократската партија на разобличувачкиот интернет ресурс WikiLeaks кој пред изборите објави стотици илјади доверливи преписки за контактите на челните луѓе на американските демократи, што доведе до серија оставки во врвот на партија и непријатни сознанија за начинот на фаворизирањето на Хилари Клинтон во текот на предизборите против нејзиниот опонент сенаторот Берни Сандерс.
Дури и по завршувањето на изборите, Москва според американското разузнавање, се обидела да ги хакира американските експертски центри и невладините организации во областа на националната безбедност, одбраната и меѓународната политика. Ова било правено за да се соберат материјали со коишто ќе можат да бидат употребувани во иднина за влијание внатре во САД, се вели во документот.
„Сметаме дека Москва ќе ги користи овие искуства утврдени во рамките на нејзиното фокусирање на американската предизборна кампања, за чиешто извршување наредба дал Путин, за натамошни обиди да се влијае на други земји во светот, вклучително и сојузниците на САД и нивните изборни процеси“, заклучуваат авторите на извештајот.
Американските медиуми по објавата на документот оценуваат дека всушност во него се повторени поранешните обвинувања давани во текот на изборната кампања. Весникот The Washington Post, повикувајќи се на американски функционер, кој бил запознаен со целиот извештајот и пред неговото објавување, оценува дека во него нема никакви сензационални податоци, дури и во класифицираниот дел од извештајот.
Избраниот американски претседател Доналд Трамп, кој во четвртокот во Њујорк се сретна со челниците на американските разузнавачки агенции на брифинг во вриска со „руското хакирање“, беше категоричен дека хакирањата не влијаеле на исходот од претседателските избори и под сомневање го стави наводното руско хакирање на северите на Демократската партија.
Основачите на WikiLeaks, од своја страна негираат дека електронските писма од овој сервер кои ги објавија, нивната организација ги добила од руската влада. Путин, пак, уште есеноска изјави дека објавените материјали не содржат никакви информации кои би ја интересирале или би биле во полза на Русија./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
По повеќе од 400 години данската пошта прекинува со достава на писма
Данската пошта денеска соопшти дека на 30 декември ќе ја изврши последната достава на писма, со што се завршува традицијата долга повеќе од 400 години, која датира уште од 1624 година.
Причината за потегот е тоа што во текот на последните 25 години испраќањето писма драстично опадна – за повеќе од 90 отсто.
„PostNord“, компанијата која настана со спојување на шведската и данската пошта во 2009 година, претходно соопшти дека ќе укине 1.500 работни места во Данска и ќе отстрани 1.500 поштенски сандачиња, со оглед на тоа што побарувачката за писма драстично опадна, додека онлајн купувањето продолжува да расте. Оваа компанија, која и понатаму ќе доставува писма во Шведска, нагласи дека во Данска на нејзино место доставата ќе ја преземе компанијата „Dao“, која веќе врши достава на писма и која планира да ги прошири своите услуги од 1 јануари.
Меѓутоа, истражувањата покажуваат дека меѓу младите доаѓа до повторен пораст на пишувањето писма. Истражувањето на „Dao“ покажа дека лицата на возраст меѓу 18 и 34 години испраќаат два до трипати повеќе писма отколку другите возрасни групи, а истражувачот на трендови Мадс Арлиен-Соборг верува дека младите се свртуваат кон пишувањето писма како „противтежа на дигиталната преоптовареност“.
Според данскиот закон, мора да постои можност за испраќање писма, што значи дека доколку „Dao“ одлучи да ја прекине доставата, владата би била обврзана да именува друга компанија за таа задача.
Законот за дигитален идентитет, „MitID“, се користи за сè – од онлајн банкарство до закажување прегледи кај доктор, а поголемиот дел од официјалните комуникации се испраќаат преку дигитална пошта наместо со обична пошта.
Денес 97 отсто од данската популација постара од 15 години е регистрирана во „MitID“, додека само пет отсто одлучиле да се откажат од дигиталната пошта.
– Бевме данска пошта 400 години и затоа ова е тешка одлука, но Данска стана сè подигитална, што значи дека денес речиси и да нема писма. Со оглед на падот на побарувачката, пазарот на писма повеќе не е профитабилен, изјави заменикот извршен директор на „ПостНорд Данска“, Ким Петерсен.
Свет
Странски турист испадна од кабина на жичницата на планината Дурмитор во Црна Гора
Еден странски турист загина, а тројца се спасени во несреќа на жичницата на планината Дурмитор во Црна Гора. Тамошните медиуми објавија дека двајца германски државјани испаднале од својата кабина, од кои еден починал, додека неговата сопруга е тешко повредена.
По неколкучасовниот прекин на работата на жичницата поради несреќата, спасени се тројца странски туристи кои беа заглавени на стрмниот и непристапен дел на скијалиштето на Дурмитор. Тие беа заглавени во горниот дел на жичницата, каде што температурите се пониски.
Црногорските медиуми објавија дека несреќата се случила откако жичницата поради дефект тргнала наназад, при што двајцата Германци испаднале од кабината.
Свет
Поради зимата во Газа умираат бебиња и деца, повик до Израел да дозволи помош
Организацијата „Лекари без граници“ (Médecins Sans Frontières – MSF) вчера предупреди дека бебиња и деца во Појасот Газа умираат од студ поради тешките зимски услови и го повика Израел да ја ублажи блокадата на хуманитарната помош, додека, како што наведуваат, воените дејствија продолжуваат и покрај примирјето.
МСФ соопшти дека во јужниот дел на Газа, во Кан Јунис, од тешка хипотермија починало прерано родено бебе на 29 дена, истакнувајќи дека зимата во комбинација со исклучително лошите животни услови значително ги зголемува здравствените ризици, пренесе Ал Џезира.
Според податоците на Министерството за здравство на Газа, бројот на смртни случаи поради екстремните временски услови достигнал 13, додека претходно оваа недела од студ починало и двонеделно бебе поради недостаиг на соодветно засолниште и облека.
Шефот на педијатриско-акушерското одделение во Медицинскиот комплекс „Насер“ Ахмед ал-Фара предупреди дека хипотермијата е исклучително опасна за новороденчињата и дека доколку на семејствата во шаторите не им се обезбедат средства за греење и соодветно сместување, бројот на смртни случаи ќе расте.
МСФ наведува дека бележи висок пораст на респираторни инфекции, кои во текот на зимата би можеле дополнително да се шират, особено загрозувајќи ги децата под пет години.
Во последните недели Газа се соочува со обилни врнежи, силни ветрови и ниски температури, при што повеќе од 53.000 шатори, кои служат како привремено сместување за раселените лица, се оштетени или уништени.
Поради уништената инфраструктура, улиците брзо се поплавуваат, а канализацијата се излева, додека семејствата се принудени да се засолнат во делумно урнати објекти.
Обединетите нации наведуваат дека Израел и натаму спречува испорака на шатори, ќебиња и други основни потреби, додека околу 55.000 семејства претрпеле штета за време на невреме, а оштетени се и просторите наменети за деца, што погодило околу 30.000 деца.
Организацијата „Refugees International“ оцени дека хуманитарната помош во Газа пристигнува во минимални количини, делумно поради списокот на „контролирани предмети“, кој, според наводите, вклучува и основни потреби како пелени, завои и шатори.
МВР апелира до возачите да внимаваат поради маглата
Министерството за внатрешни работи (МВР) денеска упати апел до сите учесници во сообраќајот крајно внимателно да ги управуваат своите возила...
Маж и жена, државјани на Македонија загинаа на автопатот Белград – Ниш
Двајца државјани на Македонија, маж и жена од албанско потекло, загинаа рано утринава во тешка сообраќајна несреќа што се случи...
Скопје утрово го сруши рекордот, најзагаден град е во Европа
Скопје утрово се најде на 21. место на најзагадени градови светот и прв во Европа, покажуваат податоците на светскиот сервис на мерење...
АХВ откри над 2 тони киви со ларви и инсекти кои требало да се продаваат во државава
Поради променети органолептички својства и утврдено присуство на ларви и инсекти, инспектор за храна на Агенцијата за храна и ветеринарство,...
Поради зимата во Газа умираат бебиња и деца, повик до Израел да дозволи помош
Организацијата „Лекари без граници“ (Médecins Sans Frontières – MSF) вчера предупреди дека бебиња и деца во Појасот Газа умираат од...
Родителите на починатите деца од „Пулс“ бараат новиот јавен обвинител да го преиспита случајот
Родителите на починатите во пожарот во „Пулс“ денеска на 34. Марш за ангелите во Кочани побараа проширување на истрагата, утврдување...
Откажани летови и отежнат авиосообраќајот на скопскиот аеродром поради маглата
Како резултат на ниската видливост предизвикана од густата магла што ја зафати скопската котлина денеска до 14 часот на Меѓународниот...
Почина Драган Б. Костиќ, човекот кој важеше за најпрепознатливиот радио глас
Денес на 75 години, почина Драган Б. Костиќ, човекот кој важеше за најпрепознатливиот радио глас кај нас. Откако неодамна Перо...
На едно семејство со четири члена му биле потребни близу 1.100 евра за да го помине декември
Вредноста на синдикалната минимална кошница што ја пресметува Сојузот на синдикати на Македонија (ССМ) за декември годинава изнесува 65.492 денари...
Пратеникот Јанчев кој имаше сообраќајка во која загина тинејџер доби обвинение, свртел на место каде не смеел
Основното јавно обвинителство Скопје поднесе обвинение против Сашко Јанчев, пратеник од партијата Левица, за кривично дело „Тешки дела против безбедноста...
Скопје руши рекорди по загаденост, утрово е втор град во Европа
Според светскиот сервис IqAir Скопје утрово е на 20 место во светот, а второ во Европа по загаден воздух. Доколку...
Дедо Мраз од Лапонија ќе дојде со волшебен воз на Железничка во Скопје
Специјална новогодишна театарска претстава за деца „Дедо Мраз дојде со воз“ ќе се одржува од денеска 30 декември на Железничката...
Затаен данок од над еден милион евра од трговија со злато и накит, истрага против две лица
Основното јавно обвинителство Скопје отвори истрага против две лица за кои постои основано сомнение дека подолг временски период вршеле кривично...
Алиу: Дефиниравме нови програми за специјализации – темелно го менуваме пристапот за креирање медицински кадар
На денешната прес-конференција на министерот за здравство Азир Алиу, заедно со претседателката на Лекарската комора, Калина Гривчева-Старделова, деканот на Медицинскиот...
Уапсени 11 лица за местење тендер вреден над 7,6 милиони евра во „ЕСМ дистрибуција на топлина“
Завчера во текот на ноќта помеѓу 17 и 18 декември и вчера, под раководство на јавен обвинител, полициски службеници спроведоа...
Левицата бара независна истрага за смртта на новороденчето и одговорност од директорката и од педијатарката во ГАК
Левица бара Обвинителството да отвори истрага за смртта на новороденчето на Клиниката за гинекологија и акушерство и одговорност од директорката...
(Видео) Тошковски: Интервентната полиција – шест години посветена служба во заштита на граѓаните
По повод шест години од формирањето на Единицата за интервентна полиција при СВР Скопје, денеска беше одбележан Денот на единицата,...
Андоновски: Македонија рангирана во А-групата за дигитален напредок според Светската банка
На конференцијата „Трансформирање на иднината: дигитална стратегија за современо општество“, посветена на промоцијата на Националната стратегија за развој на ИКТ...
Измените на Кривичниот законик се само уште едно крпење на правниот систем, велат од ЛДП
Либерално-демократската партија (ЛДП) изразува сериозна загриженост и негодување во однос на најновите предлог-измени на Кривичниот законик кои се најдоа пред...
Надминат прагот на штетни честички во воздухот во Скопје, надлежните активираа мерки
Министерството за животна средина и просторно планирање информира дека според податоците од Државниот автоматски мониторинг-систем за квалитет на амбиенталниот воздух...
