Европа
Германското разузнавање верува дека зад хакерскиот напад врз ОБСЕ стои Русија
Челникот на германското внатрешно разузнавање Сојузното биро за заштита на уставот (Bundesverfassungsschutz – BfV), Ханс-Георг Маасен во интервју за агенцијата DPA вели дека кибернетичкиот напад врз Организацијата за безбедност и соработка во Европа (ОБСЕ), може бил извршен од Русија.
На 28-ми декември беше објавено дека есента 2016 година, бил извршен кибернетички напад врз ОБСЕ, но не беше соопштено кој стои зад тој напад, или кон кого се насочени сомневањата. Тогаш за руските медиуми портпарол на организацијата изјави дека интегритетот на информатичкиот систем не бил нарушен, и оти не е познато кој стои зад сајбер нападот.
Маасен вели дека при нападот врз ОБСЕ е користена инфраструктурата слична на она којашто ја користат хакерите од групата позата како АРТ28. Притоа истакнува дека АРТ28 извршила напади и врз серверите на германскиот Бундестаг.
„Во случајот со АРТ28 постојат докази кои укажуваат на руски извори“, тврди првиот разузнавач на Германија.
Францускиот весник Le Monde, повикувајќи се на неименувана „западна разузнавачка агенција“, претходно исто така пишуваше дека хакерскиот напад врз ОБСЕ е резултат на активностите на наводно руската хакерска група АТР28.
Овие информации за хакирањето на ОБСЕ од страна на Русија, се совпаѓаат со времето кога трите главни американски разузнавачки агенции – CIA, NSA и FBI го објавија својот извештај во кој го обвинуваат рускиот државен врв за кибернетичките напади врз серверите на Демократската партија за да му се помогне на претседателските избори да победи републиканскиот кандидат Доналд Трамп.
Русија повеќепати категорично ги отфрлаше ваквите обвинувања, оценувајќи ги како произволни, без основа и без докази. Во новиот извештај претставен во јавноста во петокот, американското разузнавање на 16 страници тврди дека рускиот претседател Владимир Путин лично ја дал наредбата за хакирање на американските институции за да вмеша во изборите, и да предизвика сомневање во американскиот систем, како и преку медиумите да влијае на внатрешните состојби во САД./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.