Украинскиот претседател Володимир Зеленски и полскиот премиер Доналд Туск денеска разговараа за изборите во Полска, војната во Украина и отворањето кластер во преговорите за членство на Украина во ЕУ.

Зеленски вели дека е важно Полска да остане сигурен партнер и пријател на Киев.

„Многу, пред се безбедноста зависи од нашето единство, заеднички став и координирани чекори“, напиша Зеленски.

Тој го информирал Туск за неговиот разговор со американскиот претседател Доналд Трамп и европските лидери во понеделникот.

„Разговарав за подготовката на нашите следни чекори. Притисокот врз Русија како одговор на продолжувањето на војната треба да биде опиплив. Ги координиравме позициите за потребата од отворање на првите кластери за време на полското претседателство со ЕУ. Украина, од своја страна, направи се што е потребно и го заслужува тоа“, истакна украинскиот лидер.

Тој му се заблагодари на Туск за поддршката и подготвеноста да придонесе на патот на европската интеграција на Украина.

Претседателот на Украина претходно ја повика ЕУ да го забрза отворањето на кластерот во преговорите за влез во европскиот блок.

Зеленски истакна дека „една земја-членка не може да ги блокира одлуките кои се важни за целиот континент“ и го повика Советот на ЕУ да го направи одлучувањето во Унијата пофлексибилно.

Унгарија го блокираше отворањето на кластерот за преговори за пристапување на Украина во ЕУ од почетокот на 2025 година, оценувајќи дека „членството на Украина во ЕУ ќе биде товар и за блокот и за Унгарија“.

Либанските и палестинските лидери денеска се согласија дека повеќе не треба да има оружје во палестинските бегалски кампови надвор од контролата на либанската држава.

„Ние веруваме дека оружјето треба да биде само во сопственост на либанската држава“, се вели во заедничката изјава на либанскиот претседател Џозеф Аун и неговиот палестински колега Махмуд Абас.

Абас е претседател на палестинската управа, која управува со Западниот Брег, и лидер на партијата Фатах. Сепак, таа не ги претставува сите палестински фракции во Либан. Поголемите милитантни групи како Хамас, Исламски џихад и разни левичарски или независни фракции одржуваат политичка и воена автономија во камповите и често имаат различни ставови од палестинските власти.

Палестински извор рече дека разговорите ќе се фокусираат на проширување на либанската државна власт во дванаесет палестински бегалски кампови на југ, север и главниот град, вклучително и отстранување на средно и тешко оружје.

Според сегашните договори, либанската армија е стационирана на контролните пунктови на влезовите во камповите, а внатрешната безбедност останува во рацете на палестинските фракции, вклучувајќи го и Хамас. За време на конфликтот меѓу Хезболах и Израел во јужен Либан, борците на Хамас со седиште во Либан истрелаа ракети врз северен Израел.

Тифани Слетон успеала да преживее 24 дена сама, изгубена и со минимална опрема, движејќи се низ планините Сиера Невада во Калифорнија, откако она што требаше да биде тридневно соло кампување се претвори во тежок потфат кој за малку ќе и го одземеше животот.

Таа се соочила со неповолни временски услови, лавина и сериозен пад што ја онесвестил и и ја повредил ногата, а властите велат дека е чудо што преживеала.

Тифани тргнала на патување на 20 април за да ги истражи езерата Шавер и Хантингтон во округот Фресно, но нејзините загрижени родители ја пријавиле за исчезната на 29 април, откако таа не се слушнала со нив девет дена. Спасувачите започнаа опсежна потрага по Тифани од 6 до 10 мај низ Националната шума Сиера, но не најдоа никаква трага.

Жителката на Џорџија, конечно беше пронајдена еден ден пред нејзиниот 28-ми роденден, на околу 40 километри во одморалиштето Вермилион Вали. Кога сопственикот на одморалиштето конечно ја пронашол минатата среда, властите сфатиле дека таа издржала 13 снежни бури и се искачила на 3.300 метри надморска височина.

„Водев дневник за да останам разумна“

Ослабела 4,5 килограми и останала без шатор, вреќа за спиење и велосипед, само со запалка, нож и неколку грицки. Сега 28-годишната девојка откри што презела за да остане жива.

Не долго откако започнало патувањето, Тифани паднала од карпа и не можела да стигне до главната патека поради недамнешната лавина. Таа тврди дека била во несвест околу два часа и морала да ја имобилизира едната нога и да и го врати другото колено на своето место.

Сите пет нејзини очајни повици до 911 не успеале, па решила да оди пеш до најблискиот Старбакс, оддалечен околу 18 километри, откако ГПС-от проработел.

„Завршив на ова многу долго, напорно патување што го запишав во мојот дневник за да останам здрава и конечно да успеам да допрам до цивилизација“, рече таа.

„Најлошото нешто што можете да го направите во итен случај е да паничите“

Тифани, патувачки техничар за дијализа, рече дека нејзините вештини и помогнале да најде храна во дивината и што е најважно, да остане смирена.

Водела дневник, собирала праз за јадење, за кој знаела дека е од околината, пиела стопен снег и правела чај од манзанита и борови иглички.

„Најлошото нешто што можете да го направите во итен случај е паниката“, рече таа.

Во последната етапа од своето патување, Тифани успеала да се искачи на врв од 2.700 метри кој бил покриен со 3,6 метри снег, што ја довело на безбедно. На прв поглед таа рече дека мислела оти халуцинира и мислела дека успеала да стигне до Северниот пол.

„Навистина имам нова вера во човештвото“

Ја пронашол Кристофер Гутиерез кој за среќа успеал да стигне до колибата откако плуговите тој ден ги расчистиле патиштата.

„Тоа беше тринаесеттата силна снежна бура низ која сум поминала и треба да биде последна“, вели Тифани.

„Да не дојдеше тој ден, таму ќе го најдеа моето тело“, додаде таа. Кристофер се сети и на моментот кога ја пронашол.

„Таа се појави, не кажа ниту збор, само истрча и се што сакаше беше прегратка. Тоа беше прилично надреален момент. И тогаш знаев. Тогаш сфатив за кого се работи“, рекол тој.

„Навистина имам нова вера во човештвото“, продолжи Тифани.

Шерифот на округот Фресно, Џон Занони, исто така, на прес-конференција рече дека нејзината приказна е она од кое што се прави филм.

„Никогаш во моите најлуди соништа не очекував дека ќе успее да стигне толку далеку“, додаде тој. „Тоа е навистина неверојатна приказна за истрајност, решителност и опстанок“, заклучил тој.