Европа
Нордиските земји утврдија одбранбена стратегија против Русија
Нордиските земји договориле да ги зајакнат одбранбените соработки и да ја зголемат со земјите на Балтик, како и со мерки за застрашување да ја зголемат безбедноста во тој регион, порачувајќи дека Русија претставува најголемиот предизвик за европската безбедност.
Во заедничката изјава којашто ја објавија во норвешкиот дневен везник Aftenposten, министрите за одбрана на Норвешка и Данска, кои се членки на НАТО, како и на Исланд кој го претставуваше министерот за надворешни работи бидејќи оваа земја нема ресор за одбрана, и неутралните Шведска и Финска, порачаа дека северна Европа мора да се подготви за можни кризни состојби или инциденти поради Русија.
„Русија презема големи економски вложувања во својот воен потенцијал. Руските челници покажаа дека се подготвени на практично и ефикасно користење на воените средства за да постигнат политички цели, дури и доколку тоа вклучува и кршење на начелата на меѓународното право“, се наведува во министерската изјава.
„Руските војници преземаат провокативни активности на нашите граници, имаше неколку инциденти на границите со балтичките земји. Во Балтикот и во нашите северни области постои зголемена воена и разузнавачка активност“, за вели натаму во изјавата. Петорката министри на северните европски земји, исто така, истакнуваат и руска агресија кон Украина, којашто, според нив, е предизвик за европската безбедност и ја влошила состојбата во регионот во оваа сфера.
„Нордиските земји ја акцептираат ова ситуација со заедништво и продлабочување на соработката“, се вели во меморандумот. Се претпоставува дека станува збор за проширување на обемот на заедничките воени вежби, соработка во индустријата, вклучително и одбранбената, размена на разузнавачки податоци и заедничка обработка на дигитални податоци, односно прислушувања.
„Руските постапки се најголемата закана за европската безбедност. Руската промоција и политичките маневри придонесуваат за сеењето раздор меѓу нациите и во организациите како што се НАТО и Европската унија“, се наведува натаму во документот.
Финска, којашто граничи со Русија, како и Шведска, не се членки на НАТО, но започнаа засилена соработка, а заедничката изјава се смета за „еден од најострите одговори на можната руска закана“, пишува весникот. Норвешкото министерство за одбрана во соопштение ја потврди автентичноста на изјавата и најави нејзино објавување следните денови во поголемите весници во нордиските земји.
Заедничката изјава на петте министри е објавена во моментот на зголемена напнатост во Европа, откако Западот ја обвини Русија дека по превратот на власта во Украина го анектирала црноморскиот полуостров Крим, каде доминантното руско етничко население преку референдум се присоедини на Руската Федерација. На северот од Европа, барем во политичките кругови, расте загриженоста поред наводно можна руска интервенција, особено поради тоа што во етичките земји живее голема руска етничка заедница која ги нема сите права за што во минатото реагира и меѓународните институции на ОН и на ЕУ. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Пристигна првата реакција на Русија на планот за победа на Зеленски
Русија го отфрли планот за победа на украинскиот претседател Володимир Зеленски и рече дека планот нема никаква врска со потрагата по дипломатско или политичко решение за ставање крај на војната и го опиша како себичен гамбит на Зеленски.
Зеленски рече дека неговиот план, чии детали допрва треба да се откриваат, е финализиран по долги консултации. Тој треба да му го претстави на американскиот претседател Џо Бајден и да се обрати на состанокот на Советот за безбедност на Обединетите нации во вторник. Зеленски рече дека неговата иницијатива е дизајнирана да создаде прифатливи услови за Украина, која е во конфликт со Русија повеќе од две и пол години.
Портпаролката на руското Министерство за надворешни работи, Марија Захарова, им изјави на новинарите дека планот изгледа како себичен гамбит на украинскиот лидер кого Москва го обвинува дека се обидува да го вовлече Западот во вистинска војна против Русија.
„Единствената цел е да се спречи распадот на антируската коалиција и тоа, се разбира, нема никаква врска со задачата да се најде политичко и дипломатско решение за ситуацијата во врска со Украина“, рече Захарова.
Таа го повтори ставот на Москва дека Западот треба да престане да го финансира и снабдува Киев со оружје и рече дека секоја иницијатива со наводна цел да се постигне мирно решение е бесмислена ако не ја вклучува Русија. Истовремено, таа рече дека Москва е загрижена за, како што наведува, зголемените провокативни активности на НАТО на границата со Белорусија и додаде дека не исклучува обиди за ескалација на конфликтот во регионот.
Москва, исто така, во петокот го повика Западот за притисок врз Кина поради Тајван, велејќи дека неговите „провокативни“ активности ја поткопуваат регионалната стабилност и меѓународната безбедност. Захарова истакна дека Русија ги поддржува потезите на Кина насочени кон одбрана на нејзиниот суверенитет.
Кинеското Министерство за одбрана во петокот соопшти дека продажбата на американско оружје на Тајван сериозно го прекршува принципот една Кина и одредбите од заедничката официјална комуникација меѓу Кина и САД. Кина во средата објави дека ќе преземе мерки против девет компании поврзани со американската војска за продажба на американско оружје на Тајван.
Европа
Жената што го пријави Французинот во полиција по што се откри грозоморното малтретирање на неговата сопруга: Се однесуваше бедно
Жената по име Наталија е заслужна што Доминик Пелико, кој ја дрогирал сопругата и довел непознати мажи да ја силуваат додека тој снимал сè, се наоѓа пред суд.
Пелико беше уапсен во септември 2020 година во супермаркет во Карпентрас кога снимал жени под нивните здолништа. Пелико тогаш снимал и под здолништето на Наталија.
Во сведочењето за БФМТВ, Наталија рече дека е среќа што го пријавиле.
Наталија сега се присети на 12 септември 2020 година, кога сè се промени во нејзиниот живот, но и во животот на Жизел Пелико, сопругата на Доминик, која со децении трпела малтретирање, без воопшто да биде свесна за тоа.
Тој ден Доминик снимил три жени, а кога ја свртел камерата кон Наталија, пришол чувар и ѝ кажал што видел: „Тој снимаше под вашиот фустан, сакате да го пријавите?“ Тогаш Доминик Пелико беше приведен, му беше одземена компјутерската опрема и потоа беше откриен случајот со грозоморното малтретирање на неговата сопруга Жизел, кое го шокира светот.
„Го фрлив фустанот што го носев тој ден“, изјави Наталија.
Таа се присети на сите детали од тој ден во супермаркетот.
„Се однесуваше како мал бедник, како да сакаше да каже ‘ама ништо не направив’. Мислам дека сè уште имаше став на жртва“, рече Наталија.
Кога подоцна дознала за степенот на аферата, била шокирана.
„Барем две години, ако не и повеќе, не одев на шопинг во фустан. А фустанот што го носев тој ден го фрлив“, изјави Наталија.
Делумно благодарение на жалбата на Наталија, која отиде во полициска станица, Доминик завршил на суд поради злоупотреба на неговата сопруга Жизел. Наталија, барем до сега, никогаш не ја запознала Жизел Пелико. Сепак, таа навестува дека можеби ќе оди на сослушувањето за да ја поддржи.
Европа
(Видео) Кадиров објави снимка: „Испраќам два вооружени сајбер-камиона во војна во Украина“
Чеченскиот лидер Рамзан Кадиров објави ново видео на социјалните мрежи за кое тврди дека прикажува два сајбер-камиона „тесла“ за кои вели дека ги испратил во зоната на специјалната воена операција. Официјален Кремљ така ја нарекува војната во Украина, што ја почна рускиот претседател Владимир Путин пред две и пол години.
Претходно, на социјалните мрежи се пожали дека Илон Маск од далечина оневозможил едно од неговите возила. Кадиров рече дека далечинското исклучување не влијаело на другите два камиона и дека тие работат нормално.
Kadyrov said he had sent “two more” Cybertruck “to the special military operation zone.” Earlier, he complained that Elon Musk had “remotely disabled one vehicle.”
Kadyrov said that the “remote shutdown did not affect” the other two pickup trucks and that they were “operating… https://t.co/g1eUciaEqA pic.twitter.com/85SizuUxwH
— Anton Gerashchenko (@Gerashchenko_en) September 20, 2024
Двата сајбер-камиона прикажани на видеото се опремени со митралези, како и возилото што Кадиров го покажа во август.