Свет
WSJ: Досието на Трамп го составил поранешен разузнавач од компанијата Orbis Business
Автор на ткн тајно досие за наводното руско прибирање компромитирачки материјали за избраниот американски претседател Доналд Трамп е компанијата „Orbis Business Intelligence Ltd.“ со седиште во Лондон, составена главно од поранешни соработници на британските разузнавачки служби и врши деликатни задачи по нарачка на приватни компании, пишува американскиот весник The Wall Street Journal.
Во спорниот извештај се говори за наводна размена на разузнавачки податоци меѓу Доналд Трамп, неговите блиски соработници и Кремљ во текот на повеќе години, како и за видео снимки со проститутки кои руските служби тајно ги снимале за да ги користат за уценување.
Компанијата „Orbis Business Intelligence Ltd.“ ја водат двајцата поранешни британски разузнавачи Кристофер Стил и Кристофер Бероуз. Како што пишува WSJ, 52-годишниот Стил, според изјавата на неговите соседи, отпатувал на неколку денови, а потоа не одговарал на барањата за коментар на досието, подготвено наводно врз основа на информативни белешки составени во периодот јуни/декември 2006 година. Од друга страна, 58-годишниот Бероуз изјавил дека „ниту ќе потврди, ниту ќе негира“, каква и да е вмешаност на неговата компанија во подготовката на споменатиот документ.
Како што појаснува весникот, за Стил е добро познато дека во 2000-те години бил припадник на структурите на британската дипломатија и оти работел во Брисел и во Њу Делхи.
Компанијата „Orbis Business Intelligence Ltd.“ е основана во 2009 година, и според информациите објавени на нејзината веб страница, се потпира на податоци и мислења од „глобалната мрежа“ експерти и истакната претприемачи, спроведува „операции за собирање разузнавачки информации“ и „тешки, често задгранични истраги“.
Телевизијата CNN претходно во вторникот, повикувајќи се двајца функционери, од кои едниот признава дека материјалот е „недокажан“, објави дека на брифингот на почетокот од јануари во Њујорк челниците на американските разузнавачки служби на Доналд Трамп му претставиле наводни докази дека руските разузнавачки служби собирале информации за него, од личени и од финансиски карактер, кои би можеле да го дискредитираат избраниот американски претседател.
Но како што истакнаа соговорниците на CNN, Федералното истражно биро (FBI) ја проверува веродостојноста на тие докази, добиени главно наводно од руски извори. Но истовремено Бирото „не потврдило многу клучни детали поврзани со Трамп и белешките изложени во извештајот“.
Потоа порталот BuzzFeed ги објави сите 35 страници од наводното досие. Порталот објави дека го составил поранешен британски разузнавач, а оти американските разузнавачки служби го оцениле за веродостоен и нарачан од политичките противници на Доналд Трамп. Според разузнавачите до нив дошле наводно руските служби за да вршат притисок врз него.
Трамп на својата прва конференција по победата одржана во средата во Њујорк информациите ги нарече „куп ѓубре“, а порталот беше критикуван од аналитичари и други медиуми поради објавувањето на овие „непроверени информации“.
CNN претходно објави дека разузнавачките служби на Барак Обама и Доналд Трамп им предале и резиме од наводниот извештај на две страници, но дека BuzzFeed сепак се погрижил да не откријат ништо за содржината на резимето.
Во средата CNN во соопштение го обвини тимот на Трамп дека „ја искористил одлуката на BuzFeed за од се извлече од информациите кои ги објави CNN а кои потоа ги потврдија и други големи медиуми“.
Уредништвото на The Wall Street Journal во текстот наведува дека се согласува со мислењето дека информациите од извештајот треба да се земат со доза на сомневање и оти треба да се проверат.
Весникот го цитира и еден од основачите на лондонската компанија за приватни истраги „Raedas“, Ендрју Вордсворт, кој оценува дека извештајот „не е сосема убедлив“. „Тој е премногу добар (за да биде веродостоен). Доколку директорот на CIA изјавил за поседување информации со сличен квалитет, во тоа ќе биде тешко да се поверува“, појаснува експертот.
Вордсворт смета дека е бесмислено самото поставување на прашање, дека руските разузнавачки служби одлучиле да му доверат такви сензационални податоци на поранешен соработник на британското надворешно разузнавање MI-6, бидејќи во Русија „сметаат дека ако еднаш си агент, тогаш остануваш тоа засекогаш“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Продолжуваат преговорите за прекин на огнот: Делегација на Хамас наскоро во Египет
Делегација на палестинското движење Хамас наскоро ќе го посети Египет за понатамошни преговори за прекин на огнот со Израел, се вели во денешното соопштение на милитантната група.
Во соопштението се додава дека лидерот на Хамас, Исмаил Ханије го потврдил „позитивниот дух на групата во проучувањето на предлогот за прекин на огнот“ во телефонски разговор со шефот на египетската разузнавачка служба Абас Камел, пренесе Ројтерс.
Хамас во саботата соопшти дека ја добил најновата позиција на Израел и дека ќе ја проучи пред да одговори на неа. „Ал Кахера њуз“, кој е поврзан со египетската држава, пренесе изјава од неименуван висок египетски функционер кој рече дека делегација на Хамас ќе пристигне во Каиро во следните два дена.
Договорот предвидува 500 камиони, вклучително и 50 камиони со гориво, да влегуваат во Појасот Газа секој ден со залихи кои треба да донесат обновување на енклавата. Израел ќе го прекине воздушниот надзор на Појасот Газа за осум часа секој ден и за 10 часа во деновите кога ќе бидат ослободени заложниците.
Хамас во првата фаза ќе ослободи најмалку 33 затвореници – цивили и војници, деца до 19 години, постари, болни и ранети. За секоја ослободена жена и дете, Израел би ослободил 20 малолетници и палестински затвореници.
За секој ослободен постар, болен и повреден заложник, Израел би ослободил 20 затвореници на возраст над 50 години, кои исто така се болни и повредени и кои не отслужуваат казна подолга од 10 години.
За секоја ослободена жена војник, Израел би ослободил 20 затвореници кои отслужуваат доживотна затворска казна и уште 20 кои отслужуваат до 10 години затвор, кои можат да бидат ослободени во Газа или во странство. Хамас ќе поднесе листа на затвореници што сака да бидат ослободени, со најмногу 20 имиња, додека Израел ќе го задржи правото на вето на имињата што ги дава Хамас.
Од 16-тиот ден од примирјето, страните ќе започнат индиректни преговори за аранжман за враќање на одржливиот мир во Газа, се наведува во извештајот.
Втората фаза од договорот, која би траела 42 дена, би вклучувала комплетирање на договорите за одржлив мир. Во таа фаза, преостанатите израелски машки цивили и војници ќе бидат ослободени, во замена за одреден број палестински затвореници и целосно повлекување на ИДФ од Газа, пренесува медиумот.
Третата фаза, која би траела 42 дена, би вклучувала размена на тела од двете страни и имплементација на петгодишен план за рехабилитација на Газа, вклучувајќи и одредба дека Хамас не смее да ја обнови својата воена инфраструктура.
Свет
Драма на Крит: 18-годишно момче го обвини својот кум дека го силувал од 9-годишна возраст
18-годишно момче од Ираклион на Крит го пријавил својот кум (50) во полиција дека го силувал од девет до дванаесет години.
Полицијата извесно време го истражувала овој случај, а по прибирање докази уапсила 50-годишен маж.
Според сомнежите на полицијата, кумот под изговор дека „го учи музика“ успеал да остане сам со момчето.
Неименуваниот млад човек се пожалил во полиција дека неговиот кум, кој го познава цел живот, неверојатно го мачел кога имал неполни девет години.
Тинејџерот со години верувал дека тој предизвикал такво однесување, поради што му била дадена психолошка поддршка за да ги надмине бариерите и да стане посилен.
Кога нашол сила да признае се, го пријавил кумот во полиција.
Родителите на 18-годишното момче останале во шок откако слушнале дека нивниот син бил малтретиран од човек на кој слепо му верувале.
Свет
Ердоган: „Тие имаат само една цел – да не замолчат“
За западните демократии е срамно и скандалозно што екстремно десничарските движења во некои европски земји добиваат државна поддршка, изјави денеска турскиот претседател Реџеп Таип Ердоган.
„Фактот што во некои европски земји екстремно десничарските движења се поддржани од самата држава е трагедија, срамна и скандалозна за западните демократии“, рече Ердоган, пренесуваат тамошните медиуми.
Тој нагласи дека Турција не може да молчи пред „гнасните“ акти на расистички тероризам и укажа на убиството на десетици турски граѓани во странство.
„Како земја чии граѓани беа жртви на расистички терористички напади, не можеме да молчиме за таквите настани“, рече Ердоган.
Нагласувајќи дека светот не реагира на случаите на исламофобични и расистички напади на ист начин како и на антисемитските дејствија, Ердоган рече дека „оние кои мавтаат лево-десно со извештаи за човековите права тивко ја гледале смртта на 35.000 Палестинци, од кои 15.000 биле деца“. Тој рече дека речиси ниту еден западен лидер не одговорил на оваа бруталност, освен „неколку совесни државници“, додавајќи дека „ниту една храбра душа не се појавила да му каже на Израел: „Доста е“.
„Згрозени сме од лицемерната политика на западните лидери пред масакрот во Газа. Тие со години ни држат лекции за демократијата и слободата“, рече Ердоган.
Потврдувајќи ја посветеноста на Турција да го задржи фокусот на израелскиот геноцид врз народот во Газа и покрај притисокот од „глобалното ционистичко лоби“, тој рече дека „не случајно во последно време има зголемени кампањи насочени кон нив и нивната земја“.
„Овие кампањи имаат само една цел: да не замолчат“, додаде тој.
„Сметам дека е корисно да ги потсетам оние кои нè таргетираат дека не можат да стигнат никаде со претворање на Турција во непријател. Не можеме да бидеме етикетирани како антисемитисти. Ние го отфрламе антисемитизмот на ист начин како што се спротивставуваме на исламофобијата, ксенофобијата и сите форми на културниот расизам“, рече Ердоган.
„Израелските интереси ги исцртуваат границите на западната демократија. Сè што влијае на интересите на Израел е антидемократско и антисемитско во нивните очи“, заклучи Ердоган.