Свет
Сенатот даде одобрение за номинацијата на Матис за шеф на Пентагон
Американскиот Сенат го одобри во четвртокот изземањето што ќе овозможи пензионираниот генерал Џејмс Матис да биде именуван за министер за одбрана, со што е изземен од законот кој им забранува на воените офицери седум години по напуштањето на активната служба да извршуваат цивилна функција.
Сенатот гласаше со 81 глас „за“ и 17 „против“. Тоа изземање мора да го потврди и Претставничкиот дом за да може генералот Џејмс Матис да биде именуван за челник на Пентагон.
Матис, кој се пензионираше во 2013 година, технички не ги задоволува условите за новата должност, бидејќи притоа не бил цивил најмалку седум години. Тоа значи дека Конгресот во неговиот случај мора да направи исклучок, што не го сторил од 1950 година.
Односно, Џејмс Матис би бил првиот поранешен генерал кој би станал министер за одбрана по Џорџ Маршал во 1950 година во мандатот на претседателот Хари Труман.
Пензионираниот генерал изјави во сослушувањето пред сенатската комисија за вооружени сили дека Русија, Кина и исламските милитанти се најголемиот предизвик за „светскиот поредок од Втората светска војна“.
Матис особено во сослушувањето ја потенцираше својата намера да развие стратегија за спротиставување на Русија.
„Би сакал заедно со новиот Совет за национална безбедност да развиеме борба против Русија…“, рече Матис, кој меѓу руските „предизвици“ ги наведе и вмешаноста во хакирањето и информатичката војна. Наведе и „кршења на договори, дестабилизација на други земји со разни тактики“ и „алармантните пораки на Москва во поглед на користењето на нуклеарното оружје“.
Во однос на Русија, Матис, исто така, изјави дека има скромни надежи дека Вашингтон и Москва можат да ги надминат сегашните тензии и ангажирање во конструктивна соработка. „Имам многу скромни очекувања во врска со соработката со г-дин Путин“, изјави кандидатот за шеф на Пентагон.
Притоа пензионираниот генерал одби да одговори дали ја поддржува идејата за натамошно заострување на санкциите на САД против Русија. Тој предложи да се почека да биде формирана новата администрација и да ја развие својата позицијата во овој поглед.
Покрај русите активности и заканите од исламските терористи, Матис рече и дека активностите на Кина во Јужно-Кинеското Море претставуваат „сé посилните закони за глобалната стабилност“ и нагласи дека развојот на односите со Пекинг мора многу внимателно да биде планиран.
Во поглед на Иран и неговото влијание на Блискиот исток, Матис смета деа Техеран е „најголемата десттабилизирачка сила на Блискиот исток и дека неговите политики се спротивни на американските интереси“.
Кога станува збор за Ирак, смета дека главна цел би требало да биде оваа земја да не стане сателитска „раскината држава на режимот во Техеран“.
Матис, исто таа, ги поддржува силните меѓународни сојузи и смета дека НАТО е клучен за американската безбедност. „Историјата е јасна: нациите со силни сојузници просперираат, а они кои ги немаат пропаѓаат“, заклучи генералот.
Пензионираниот генерал Џемјс Матис, познат како „Бесното куче“, беше жесток критичар на политиката на актуелниот американски претседател Барак Обама на Блискиот исток, особено во однос на Иран. За Иран тој зборуваше како за „најголемата закана за стабилноста и мирот на Блискиот исток“.
Генералот Џејмс Матис учествувал во војните во Авганистан и во Ирак. Бил Врховен командант на здружените вооружени сили на НАТО за трансформација, началник на Заедничката команда на вооружените сили на САД, началник на Централната команда на американски војски. Матис отстапи од должностите и се пензионираше во 2013 година. Во политичките кругови е познат како ткн тврдолинијаш, кој за Русија смета дека има намера да го „растури НАТО“, а за Кина дека „игра на противречностите“ меѓу американските сојузници
Матис беше еден од „финалистите“ за оваа клучна позиција во следната американска администрација. Трамп вети дека ќе ја интензивира борбата против џихадистичката организација исламска држава во Сирија и во Ирак, двете боишта кои овој генерал добро ги познава.
Новиот американски претседател својата одлука за челникот на Пентагон ја објави пред неколку илјади приврзаници на првиот митинг на благодарноста./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украинците спасија камила што ја користеа Русите во офанзива
Украинските сили спасија двогрба камила што ја користела руската армија за време на офанзивата во источна Украина. Според извештаите, војниците наишле на животното откако нападнале руска позиција, каде што го нашле како талка само. Снимките што се проширија на социјалните мрежи ја покажуваат камилата како следи бел пикап додека украинските војници работат на оштетен оклопен транспортер, објавува Телеграф.
Монголските камили потекнуваат од Централна Азија и се прилагодени да преживеат во сурови услови и да носат тешки товари. Ова не е прв пат камила да се види на украинското бојно поле – руски војник беше фотографиран како јава камила во февруари.
🇺🇦🐫 Modern Ukrainian contrasts. Some save a camel, others repair equipment… pic.twitter.com/iAKkiYLO5Y
— MAKS 25 🇺🇦👀 (@Maks_NAFO_FELLA) October 27, 2025
Покрај камили, руските војници користат и коњи и магариња во своите напади. Виктор Соболев, член на Комитетот за одбрана на Руската Дума, ја оправда таквата практика. „Ако на фронтовската линија се користат некои методи како што се магариња, коњи и слично, тоа е сосема нормално“, рече тој.
In the last couple of days, there have been numerous videos appearing of Russian soldiers who have donkeys at their disposal. According to Russian sources, they have begun to be given to some units as pack animals.
https://t.co/Su96hBedkw pic.twitter.com/dUpBtGwOMw— Special Kherson Cat 🐈🇺🇦 (@bayraktar_1love) February 5, 2025
Во текот на летото, командантот на јуришната единица „Бура“ на руската 9-та бригада, која дејствува во клучниот регион Донецк, започна со обука на коњанички јуришни тимови.
🫣🐴 The Russians are seriously discussing the appearance of horses on the front… pic.twitter.com/Miir9P2lUZ
— MAKS 25 🇺🇦👀 (@Maks_NAFO_FELLA) October 3, 2025
фото: принтскрин
Свет
Кина му се закани на Тајван; Лаи одговори, па го претстави првиот тенковски баталјон „Абрамс“
Тајван не ја сака кинеската „една земја, два система“ и мора да ја задржи својата слобода и демократија и да биде решен да се брани, рече претседателот Лаи Чинг-те, отфрлајќи го најновиот обид на Пекинг да го стави островот под кинеска контрола.
Кина оваа недела изјави дека „апсолутно нема“ да ја исклучи употребата на сила против Тајван, земајќи многу поостар тон од серијата статии во државните медиуми кои ветуваа добронамерно владеење ако островот потпадне под системот на автономија на Пекинг што се користи за Хонг Конг и Макао.
Лаи, кого Кина го смета за „сепаратист“, им рече на војниците во воена база во Хукоу во северниот дел на Тајван дека само силата може да донесе вистински мир. „Прифаќањето на барањата на агресорот и напуштањето на суверенитетот сигурно не можат да постигнат мир. Затоа, мора да одржиме статус кво со достоинство и решителност, цврсто спротивставувајќи се на анексијата, агресијата и присилното напредување на обединувањето“, рече тој.
„Го отфрламе „една земја, два система“ затоа што засекогаш ќе го поддржуваме нашиот слободен и демократски уставен систем“, додаде Лаи. Кинеската канцеларија за прашања поврзани со Тајван не одговори веднаш на барањето за коментар.
Воени инвестиции
Ниедна голема политичка партија во Тајван не ја поддржува идејата на Кина „една земја, два система“.
Лаи рече дека „суверенитетот на Тајван не може да биде нарушен или анектиран“ и дека неговата иднина може да ја одлучи само неговиот народ. „Тајванскиот народ, кој го штити својот суверенитет и го зачувува својот демократски и слободен начин на живот, не треба да се смета за провокација. Инвестирањето во националната одбрана е инвестирање во мир“, додаде тој.
Лаи вети дека ќе ги зголеми воените трошоци на 5 проценти од БДП до 2030 година, зајакнувајќи ја одбраната на островот во услови на растечка закана од неговиот гигантски сосед Кина.
Лаи беше во Хукоу на церемонијата по повод пуштањето во употреба на првиот баталјон тенкови M1A2T „Абрамс“ во Тајван, кои беа произведени од „Џенерал Дајнамикс Ленд Системс“, подружница на американската компанија „Џенерал Дајнамикс“.
фото: принтскрин
Свет
(Видео) Силно невреме го погоди Њујорк, двајца мртви
Обилни дождови го погодија Њујорк, при што загинаа две лица, изјави градоначалникот Ерик Адамс, додека бурите ги попречија летовите, а метеоролошките служби предупредија за поплави во некои области.
Медиумите објавија поплави и штети, додека службениците на аеродромите ЏФК, Ла Гвардија и Њуарк во градот изјавија дека распоредот на летови е нарушен.
„Оваа бура ги собори рекордите за врнежи од дожд за 30 октомври“, рече Адамс на Икс, додавајќи дека поголемиот дел од дождот што се очекува во неколку часа паднал за 10 минути.
Torrential rain brought significant flooding to parts of New York and New Jersey on Thursday.
According to NYC Emergency Management, the National Weather Service reported that 1.8 inches of rain fell in Central Park on Thursday. pic.twitter.com/1bB8WjsbNk
— ABC News (@ABC) October 31, 2025
Метеоролошката служба објави рекордни 4,7 сантиметри дожд во Централ Парк, додека на аеродромот Ла Гвардија наврнаа 5,31 сантиметар и 5,05 сантиметри на меѓународниот аеродром Њуарк Либерти во Њу Џерси.
Националната метеоролошка служба, исто така, издаде предупредувања за крајбрежни поплави за делови од Бронкс, Бруклин и Квинс.
фото: принтскрин
(Видео) Голем напад врз Русија: украинските дронови ја таргетираат енергетската инфраструктура
Во текот на ноќта напади со беспилотни летала беа регистрирани врз енергетската инфраструктура во неколку руски региони, вклучувајќи ги регионот...
На Скопје не му требаат експерименти и луѓе кои допрва ќе се учат што е локална самоуправа, порача Ѓорѓиевски од митингот во Скопје
Стоиме заедно во пресрет на конечната одлука, ова е одлука за судбината на нашиот град. Одлука за тоа во каков...
Мицкоски најави 70 проекти: Нашата цел не е само политичка победа, почнуваме со нови училишта, болници, мерки за чист воздух, инвестиции
Претседателот на ВМРО-ДПМНЕ, Христијан Мицкоски се обрати на народниот митинг на ВМРО-ДПМНЕ и коалицијата „Твоја Македонија’’ од пред платото на...
Ѓорѓиевски: Веќе имаше дебата со Мециновиќ, вечерва одбрав да бидам со мојот народ
Кандидатот за градоначалник на Град Скопје од ВМРО-ДПМНЕ, Орце Ѓорѓиевски, се огласи откако партијата Левица го прозва дека одбил учество...
Села до Меџити: Не сум дел од власта туку сум спроти неа, не рамо до рамо туку лице в лице
Лидерот на едното крило на Алијансата за Албанците, Зијадин Села, преку објава на „Фејсбук“ одговори на излегувањето на Изет Меџити,...
(Видео) Митева: Стевчо Јакимовски и неговите пајташи од градежната мафија сакаат бетонизација на Влае, присвоиле и улица за висококатница
Стевчо Јакимовски и неговата градежна дружина сакаат бетонизација на Влае, присвоиле и улица за висококатница. Да ја потсетиме јавноста што...
Александар Јовановски нов директор на „Комунална хигиена“ – Скопје
Александар Јовановски е нов директор на ЈП „Комунална хигиена“ – Скопје. Тој доаѓа од Град Скопје како инспектор во Секторот за...
(Видео) Масовен руски напад врз Украина, лансирани дронови и ракети: оштетени станбени згради
Повеќето украински региони останаа без електрична енергија по уште еден масовен руски напад со ракети и дронови врз цивилна и...
Франција го менува законот за силување по случајот со Жизел Пелико
Сенаторите вчера ги одобрија измените во францускиот закон за силување што би вклучувале експлицитна согласност, со што законодавството на земјата...
Трамп: Средбата со Шји беше неверојатна
Претседателот на САД, Доналд Трамп, ја опиша денешната средба со кинескиот претседател Шји Џјинпинг како неверојатна пофалувајќи ги кинескиот лидер...
По 30 години, Трамп нареди тестирање на американско нуклеарно оружје
Пред средбата со кинескиот претседател Кси Џинпинг, американскиот претседател Доналд Трамп му нареди на Министерството за одбрана на САД веднаш...
(Видео) Ураганот предизвика огромна штета: премиерот на Јамајка објави снимки од воздух
Бројот на жртви од ураганот Мелиса се зголеми додека минуваше покрај Куба и се движеше кон Бахамите, еден ден откако...
Орбан: Европејците сакаат да почнат војна, ние не сакаме да се бориме
Унгарскиот премиер Виктор Орбан најави започнување на антивоена кампања, која ќе биде придружена со мировни собири низ цела Унгарија. „Опасноста...
Заврши средбата меѓу Трамп и кинескиот претседател
Американскиот претседател Доналд Трамп разговараше со кинескиот претседател Кси Џинпинг во јужнокорејската воздухопловна база, при што двајцата лидери звучеа оптимистички...
Евроинтеграцијата е дијалог, а не диктат: Сиљановска-Давкова се обрати на Парискиот мировен форум
Претседателката Гордана Сиљановска-Давкова во рамки на учеството на осмиот Париски мировен форум, се обрати на сесијата посветена на младите и...
(Видео) Митева: Јакимовски да објасни како е можно за една година со семејството да стане сопственик на две градежни парцели во најелитниот дел на Карпош, Жданец
„Како е возможно, за период од една календарска година, градоначалникот Јакимовски да се најде во ситуација каде со неговото семејство...
Оставка на Сабахадин Рустеми од „Комунална хигиена“ за да не влијае на истрагата
В.д. директорот на ЈП „Комунална хигиена“ – Скопје, Сабахадин Рустеми, поднесе оставка од функцијата поради морални причини, соопшти неговиот адвокат...
Царината заплени речиси три илјади парчиња стока: облека со потпис на заштитени трговски марки, алкохол, електронски цигари, автоделови
На граничните премини Блаце, Табановце, Богородица и Ново Село царинските службеници и мобилните тимови запленија речиси три илјади парчиња стока,...
Орце Ѓорѓиевски по дебатата со Мециновиќ: Скопјани сакаат дела и резултати
Кандидатот за градоначалник на Град Скопје од ВМРО–ДПМНЕ, Орце Ѓорѓиевски, по синоќешната дебата со опонентот од Левица, Амар Мециновиќ, објави...
Мециновиќ по дебатата: Ова е генерациска борба на непривилегираните
Кандидатот за градоначалник на Град Скопје од Левица, Амар Мециновиќ, по вчерашната прва дебата со неговиот противкандидат од ВМРО-ДПМНЕ, Орце...
