Регион
Протести во Романија против владините планови за декриминализација

Илјадници Романци излегоа во неделата на улиците на главниот град Букурешт и во градовите ширум земјата протестираа против плановите на владата за декриминализација на некои прекршоци и помилувања на некои притворени преку итни укази за кои критичарите велат дека претставуваат закана за борбата против корупцијата на највисоките нивоа.
Кабинетот на новиот романски премиер Сорин Гриндеану минатата седмица го претстави нацрт-законот за указите кој го критикуваа шефот на државата, главниот обвинител, врховниот суд, државниот антикорупцискиот обвинител и директорот на управата за борба против организираниот криминал, како и активистите и странските дипломати.
Сите овие наброени изразуваа загриженост околу споменатиот нацрт-закон, поради наводниот недостиг од јавност и намерата одлуките да се носат со декрети наместо преку парламентот, иако и во него владата има големо мнозинство.
Владата има намера да ја декриминализира злоупотребата на службената полажба која прави штета помала од 200.000 леи, или околу 47.500 долари. Новата администрација, исто таа, планира да ги помилува притворените за дела за кои се изрекуваат казни помали од 5, и за половина да ги намали казните на осудениците постари од 60 години, на оние со терминални заболувања или со деца за кои е неопходна грижа, без разлика на делата што ги извршиле.
Романскиот претседател Клаус Иоханис во петокот ја повика владата да се откаже од указите, за коишто смета дека го поткопуваат владеењето на правото и борбата против корупцијата. Засега изостанува одговорот од владата.
Во неделата на улиците на Букурешт, и покрај големиот студ, според медиумските извештаи излегле повеќе од 15.000 луѓе. Илјадници луѓе се собрале и во Клуј, Темишвар, Иаси, Сибиу, и други градови, а помали собири имало и пред романските амбасади во Лондон, Париз и Копенхаген.
И покрај тоа што Романија се приклучи на Европската унија уште во 2007 година, и по десет години нејзиниот правосуден систем и натаму е под набљудување на Европската комисија./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Претседателката на Хашкиот трибунал: Ратко Младиќ добива медицинска нега на високо ниво

Претседателката на Меѓународниот кривичен трибунал во Хаг, Грасиела Гати Сантана, денес пред Советот за безбедност на ОН во Њујорк изјави дека генералот Ратко Младиќ добива медицинска нега на „високо ниво“ во притвор.
Младиќ отслужува доживотна казна затвор за геноцидот во Сребреница и воените злосторства против муслиманите и Хрватите за време на војната во Босна и Херцеговина од 1992 до 1995 година.
Поднесувајќи го својот редовен извештај за работата на Трибуналот, Сантана ги информираше земјите-членки на Советот за безбедност дека одбраната на Младиќ неодамна побарала тој да биде ослободен од хуманитарни причини поради неговата неизлечива болест.
Регион
Син до смрт ја претепал мајка си во Никшиќ: ја удирал жената по главата, нозете и рацете

Службеници на Одделот за безбедност во Никшиќ го уапсиле С.Г. (59) поради сомнение дека ѝ нанел тешки телесни повреди на својата мајка М.Г. во семејниот стан во Никшиќ. (85), како резултат на што таа починала.
– На 10 јуни 2025 година, дежурната полициска служба била известена од персоналот на Општата болница во Никшиќ дека кај нив е донесена жена со повреди на главата. М.Г. веднаш била префрлена во Клиничкиот центар на Црна Гора, каде што починала денес, пренесува Рина“изјава од полицијата.
За случајот веднаш бил известен државниот обвинител на Вишото државно обвинителство во Подгорица, кој наредил да се спроведе истрага во станот каде што живееле заедно мајката и синот.
Полицијата утврдила дека С.Г. ѝ нанел повеќекратни повреди на рацете, нозете и главата на мајката. Лекарите ги окарактеризираа повредите како тешки, опасни по живот.
За новите околности бил информиран надлежниот обвинител, кој утврдил дека овој случај содржи елементи на кривично дело – тешко убиство. С.Г. бил уапсен по наредба на обвинителот.
Обвинителот наредил и обдукција на телото на починатата, која ќе се изврши во текот на денот.
Регион
Ученик од седмо одделение приведен во Србија: донел нож и список за отстрел во училиште

Ученик од основното училиште „Јован Стерија Поповиќ“ во Нов Белград е однесен во полиција на разговор, објави српски Блиц.
Се сомнева дека вчера во училиштето донел список за убивање и нож.
Момчето е испрашувано од полицијата по наредба на Вишото јавно обвинителство во Белград, а се вели дека станува збор за ученик во седмо одделение.
Сите околности на инцидентот сè уште се утврдуваат, а деталите не се познати.