Европа
Фијон бара поостра политика кон САД и Кина, предупредува на опасност од изолација на Русија
Еден од фаворитите за нов претседател на Франција на пролетните избори, конзервативецот Франсоа Фијон, во понеделникот во Берлин се заложи за поостар однос кон новото политичко водство на САД, како и кон Кина, но предупреди од изолацијата на Русија.
„Ние мораме да се одбраниме со иста мерка. Трговијата е новото бојно поле на глобализмот“, изјави Франсоа Фијон на предавањето во Берлин во организација на фондацијата „Конрад Аденауер“, блиска на германските демохристијани.
Посочи дека острите парични казни коишто им беа одредени на француските и германските банки во САД се дел од таквиот план.
„Стотици европски фирми секој момент во САД може да се најдат под санкции. Зошто и ние Европејците не да истапиме со иста острина“, забележа Фијон.
Поранешниот француски конзервативен премиер истовремено побара и сличен однос кон Кина. „САД и Кина се движат кон трговска војна и Европа не смее да седи со скрстени раце“, рече Фијон,
Наспроти тоа, Фијон во однос на Русија посакува подобри односи од оние кои се во моментов и укажа на опасноста од тенденцијата Русија меѓународно да биде изолирана, што беше стратегија на администрацијата на до неодамнешниот американски претседател Барак Обама. „Сакам отворен однос со Кремљ, полн со меѓусебна доверба“, рече.
Кандидатот на француската конзервативна партија Републиканци за шеф на државата ја критикуваше и имигрантската политика на германската канцеларка Ангела Меркел и побара затворање на надворешните граници на Европската унија.
„Морам да кажам дека имаме поинакво мислење од нашите германски пријатели“, потврди Фијон.
На Европскиот форум на фондацијата „Конрад Аденауер“, Фијон се заложи за јакнење на француско-германските односи и повеќе единство во рамките на Европската унија што е предуслов за „одбрана на европскиот проект“.
„Ние мораме да се обединиме или ќе исчезнеме“, проценува Фијон и побара и 19-те земји членки на еврозоната во рок од пет години да воведат единствен корпоративен данок.
Фијон во Германија престојува на пови на Христијанско-демократската унија (CDU), а во понеделникот претпладнето разговараше со челничката на партијата и канцеларката Ангела Меркел, но поединостите од оваа средба не се достапни за јавноста.
Според истражувањето на јавното мнение во Франција, Фијон има најмногу шанси за победа на претседателските избори од кои првиот круг ќе се одржи на крајот од април./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.