Регион
Николиќ во Брисел порача дека секој Србин би војувал за својата земја
Српскиот претседател Томислав Николиќ изјави во Брисел дека не знае дали воопшти постои еден Србин кој не би војувал за својата земја, доколку постои потреба за тоа, што се толкува како продолжување на неговите воинствени изјави пои пред десетина дена им ги упати на косовските Албанци.
На прашањето на новинарите да ја коментира својата изјава дека е подготвен да замине во војна со своите синови, српскиот претседател Томислав Николич одговори дека „не знае дали постои и еден Србин кој не би заминал во воја, доколку тоа е потребно“.
„Реков да даде Господ да се војува во главата на оној кој сака да војува, но оној кој не мисли да војува за својата земја тој не може да живее ниту во Белгија, Франција, Германија па ниту во Србија“, појасни Николиќ.
Српскиот претседател заедно со премиерот Александар Николиќ учествуваше во дијалогот меѓу Белград и Приштина. Косовските власти ги претставуваат претседателот Хашим Тачи и премиерот Иса Мустафа. Преговорите се водат со посредувањето на високата претставничка на ЕУ за надворешна и безбедносна политика, Федерика Могерини.
Најавено беше дека по завршувањето на состанокот ќе се одржи заедничка работна вечера на српската и на косовската делегација со учество на Могерини. Шефицата на европската дипломатија разговараше со српската делегација, а потоа ја започна средбата со косовската делегација, по кој треба да се одржи заедничката средба.
На прашањето за подготвеноста да испрати војска во осамостоената поранешна српска јужна покраина, Николиќ појасни дека не рекол дека ќе испрати војска доколку има инциденти, туку дека доколку на Косово почнат да ги убиваат Србите. „Голема е разликата меѓу инцидентите и убивањата“, рече српскиот претседател.
Николиќ вели дека Србија има причина да се сомнева дека во Брисел се води дијалогот на платформите на статусната неутралност на Косово. Ги обвини косовските Албанци дека имаат сé повеќе барања, а дека сé помалку исполнува од она што ќе се договори во дијалогот.
Особено забележува дека поради „големата измама“, којашто се состои во тоа што Косово бара членство во некои меѓународни организации, а дека за тоа не се бара одобрување нито од Европската унија, ниту од Србија.
„Се поставува прашањето за што тогаш ние тука разговараме, доколку им се дозволува да се однесува како независна држава“, вели Николиќ.
Потврди дека во разговорот со Могерини станало збор и за возот, украсен со српски национални и верски симболи, со натписот „Косово е Србија“ на 21 светски јазик, кој тргна од Белград кон Митровица и кој беше вратен назад, без да влезе на територијата на Косово поради заканите со експлозиви и тензична состојба. Во Приштина тоа беше оценето како провокација, а во Белград, пак, за провокација го сметаат упатувањето на специјалните косовски полициски сили на северот за да се спречи влегувањето на возот.
„Тој воз беше симбол дека Косово е дел од Србија. Албанците имаат илјадници симболи дека се независна држава или дека се во составот на Голема Албанија, па никој не ги прозива за тоа“, вели Николиќ./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.