Европа
Подигнато обвинение за главниот осомничен за парискиот и бриселскиот масакр

Мохамед Абрини, главниот осомничен за нападите во Париз и во Брисел, обвинет е во понеделникот во француската престолнина во рамките на џихадистичкиот масакр од 13-ти ноември 2015 година, соопштија неговите адвокати.
Моха,д Абрини, кој на 9-ти април 2016 година беше уапсен во Белгија и од тогаш е во притвор, во понеделникот бил екстрадиран во Франција на само еден ден за судијата за случаите за тероризам да може да го обвини во париската Палата на правдата, каде што е доведен под силно обезбедување на француските елитни специјални сили.
„Истражниот судија не го сослуша“, изјавија за AFP неговите адвокати, Емануел Пјерат и Станислас Ескенази.
Мохамед Абрини, 31-годишен белгиски државјанин од мароканско потекло, е осомничен дека учествувал и во париските и во бриселските терористички напади. Неговите отпечатоци од прсти и ДНК се најдени во стан во бриселскиот кварт Шарбек, од кој терористите со такси возило тргнале кон аеродромот Завенетем на 22-ри март. Абрини бил на списокот најбарани лица откако е идентификуван на снимките од надзорните камери два дена пред нападот во француската престолнина кога беа убиени 130 луѓе, а камерите го снимиле во автомобил заедно со Салах Абдеслам, кој лани пред него беше уапсен во Брисел и е главниот осомничен и единствен преживеан од париските атентати.
Абрини кој неколку месеци беше во бегство, призна по апсењето дека е „мажот со шапката“ кој е на снимката од надзорните камери на бриселскиот аеродром на 22-ри март 2016-та во друштво на двајцата џихадисти непосредно пред нивниот бомбашки напад, во кој заедно со нападот во подземната железница беа убиени 32 луѓе.
Неговите адвокати поднеле приговори за париските напади истовремено му се суди и во Франција и во Белгија, имајќи превид дека Брисел од своја страна покрена судска постапка.
„Можно ли е во правна држава, во овој случај во Франција и во Белгија, двапати да се суди за исто кривично дело?“, прашуваат адвокатите на Абрини./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Унгарија се повлекува од Меѓународниот кривичен суд

Владата на Унгарија објави дека се повлекува од Меѓународниот кривичен суд, објави „Ројтерс“.
Гергели Гуљас, висок функционер во владата на премиерот Виктор Орбан, го објави потегот неколку часа откако израелскиот премиер Бенјамин Нетанјаху – по кого Меѓународниот кривичен суд издаде налог за апсење – пристигна во земјата во официјална посета.
Орбан му се јави на израелскиот лидер штом беше издадена наредбата минатиот ноември велејќи дека одлуката нема ефект во Унгарија.
Во ноември судиите на Меѓународниот кривичен суд рекоа дека има разумни основи да се верува дека Нетанјаху има кривична одговорност за наводните воени злосторства и злосторствата против човештвото за време на војната меѓу Израел и Хамас.
Нетанјаху ја осуди одлуката на Меѓународниот кривичен суд како антисемитска.
Унгарија е еден од основачите на Меѓународниот кривичен суд, кој има 125 земји членки. САД, Русија, Кина и Израел не ја признаваат неговата јурисдикција, како и некои други држави.
Меѓународниот кривичен суд има овластување да гони поединци обвинети за геноцид, злосторства против човештвото и воени злосторства на територијата на државите потписнички на Римскиот статут, неговиот основачки договор.
Европа
Мечка уби човек во Словачка, владата одобри убивање на четвртина кафеави мечки

Владата на Словачка го одобри планот за отстрел на околу четвртина од кафените мечки во земјата, откако еден човек беше изгризан до смрт додека шеташе во шума во централна Словачка, јавува Би-би-си.
Популистичко-националистичката влада на премиерот Роберт Фицо по состанокот на владата објави дека 350 од околу 1.300 кафеави мечки ќе бидат застрелани, наведувајќи ја опасноста за луѓето по серијата напади.
„Не можеме да живееме во земја во која луѓето се плашат да влезат во шума“, изјави премиерот на новинарите по средбата.
Специјалната вонредна состојба која дозволува пукање на мечки сега е проширена во 55 од вкупно 79 окрузи во Словачка, што значи дека го покрива најголемиот дел од земјата.
Владата во Братислава веќе ја олабави законската заштита за мечките, дозволувајќи им да бидат застрелани ако се премногу блиску до населени места. До крајот на 2024 година беа убиени 93 мечки. Плановите за дополнителни убиства беа осудени од оние кои тврдат дека таквата одлука е спротивна на меѓународните обврски и потенцијално незаконска.
Европа
Од денеска на европските граѓани им треба еден документ за влез во Британија, позната цената на пропусницата

Европските граѓани кои патуваат во Обединетото Кралство од денеска ќе имаат потреба од дигитална пропусница за влез во земјата, што според британската влада ќе ја зајакне безбедноста на границите.
Електронското овластување за патување (ЕТА) може да се купи онлајн за 10 фунти (12 евра) во наредните денови, а од 9 април цената ќе се зголеми на 16 фунти (19 евра).
Дозволата ќе биде задолжителна за сите Европејци кои сакаат да ја посетат Велика Британија од 2 април, откако истата пропусница беше воведена во јануари за граѓаните на САД, Канада и други земји на кои не им е потребна виза.
Слична дозвола за влез во земјата имаат и САД.
„Со дигитализирање на системот за имиграција, го отвораме патот за бесконтактни гранични премини во ОК“, рече министерката за миграција Сема Малхотра претходно овој месец, кога беше отворена веб-страницата за првите апликации.
Таа додаде дека проширувањето на ЕТА во земјите ширум светот „ја зајакнува посветеноста за подобрување на безбедноста преку технологија и иновации“.
Документот дозволува посети до шест месеци и важи две години. Тоа е задолжително за сите патници, вклучително и малолетни и новороденчиња.
Пропусницата може да се добие од апликација за паметни телефони или од владината веб-страница и е достапна за Европејците од почетокот на март.
Почнувајќи од среда, граѓаните на околу триесет европски земји, вклучително и целата ЕУ со исклучок на Ирска, ќе треба да имаат електронска дозвола за влез во Обединетото Кралство, кое ја напушти ЕУ во 2020 година.
Апликантот мора да приложи фотографија од пасош и од лицето. Процесот трае околу десет минути, информираат од британското Министерство за внатрешни.
Во повеќето случаи, одлуката за апликацијата се носи во рок од неколку минути, но можно е да се чека и до три работни дена, велат од Владата.
Доколку апликацијата се обработи успешно, ЕТА е дигитално поврзана со пасошот на апликантот.
Патниците кои се префрлаат на аеродроми без да ја поминат границата со ОК се ослободени од оваа шема. Ова беше направено по притисокот од Хитроу, најпрометниот аеродром во Европа, кој стравуваше од губење на бројот на патници.
Има само два аеродрома во ОК со можност за поврзување без преминување на границата, Манчестер и Хитроу. Во 2024 година, речиси 84 милиони патници поминаа низ Хитроу, од кои една третина беа од ЕУ.
Програмата беше лансирана во 2023 година за Катар, а потоа се прошири во пет соседни земји од Персискиот Залив.
Во јануари, тој беше проширен на граѓаните на дополнителни педесет земји, вклучувајќи ги Аргентина, Јужна Кореја и Нов Зеланд.
До крајот на 2025 година, речиси 1,1 милион посетители ќе добијат ЕТА, според Министерството за внатрешни работи на Британија.
Не е потребна дозвола за луѓе со дозволи за престој во ОК или луѓе кои веќе имаат имиграциски статус во Кралството.