Регион
Могерини охрабрена од дијалогот меѓу Белград и Приштина, другите без изјави
Дијалогот меѓу Белград и Приштина е важен за регионот и за Европската унија, истакна доцна ноќта во средата високата претставничката за надворешна политика и безбедност на ЕУ, Федерика Могерини и порача дека е „охрабрена од конструктивните заложби“ на двете страни во новата рунда преговори, одржани изминатата вечер и ноќта во Брисел.
По состанокот на делегациите на Белград и на Приштина во Брисел, кои ги водеа српскиот премиер Александар Вучиќ и косовскиот Иса Мустафа, како и претседателите Томислав Николиќ и Хашим Тачи, шефицата на дипломатијата на ЕУ Федерика Могерини соопшти дека „залагањето и добрата волја ќе дадат значаен придонес кон намалувањето на тензиите“ и дека „работата ќе биде продолжена во тој дух“.
„Дијалогот е многу важен процес за Србија и за Косово, но и за регионот и за ЕУ. Напредокот во нормализацијата на односите е клучен за задржување на мирот и напредокот кон ЕУ. Тоа е клучно за Европа и за регионалната стабилност“, се наведува во писмената изјава на Могерини, којашто ја цитираат агенциите.
Пред почетокот на заедничките разговори, Могерини имаше одвоени средби со двете делегации, а нејзината оцена е дека сите учесници на состанокот „ја повторија својата целосна посветеност на заедничкото работење на дијалогот“.
Могерини на највисоките функционери на Белград и на Приштина им се заблагодарила „на отворената и конструктивна расправа“, наведувајќи дека овој состанок претставува продолжување на дијалогот од 24-ти јануари.
Во средата вечерта во Брисел беше одржан новиот круг од дијалогот за нормализација на односите меѓу Белград и Приштина, а по паузата, за разлика од претходните разговори, никој од учесниците не даваше изјави за медиумите,
Српскиот претседател Томислав Николиќ пред почетокот на средбата за Радио-телевизија Србија изјави дека Белград „ќе инсистира на формирање на Заедницата на српските општини (ЗСО)“, што е дел од обврските кои Приштина ги презема со потпишувањето на договорот за нормализација на односите со Белград во април 2013 година и на што српскиот државен врв со месеци инсистира.
Истовремено, Приштина инсистира на тоа дека Заедницата на српските општини не треба да има извршни овластувања, а од Белград очекува на крајот од преговарачкиот процес под покровителство на ЕУ да ја признае независноста на својата поранешна јужна покраина Косово и Метохија, којашто во 2008 година со поддршка на САД и главните членки на ЕУ прогласи независност на Република Косово. Тоа, пак, за Белград претставува „црвена линија“ преку којашто нема да мине ниту по цена на откажувањето од евроинтеграциите./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.
Регион
Договорен текстoт на резолуцијата за Сребреница
Предлогот за резолуција за комеморација на геноцид врз Бошњаците од Сребреница, извршен во јули 1995 година, е договорен, а за него треба да се расправа на седницата на Генералното собрание на Обединетите нации, потврди амбасадорот на БиХ во ОН, Златко Лагумџија.
Лагумџија на социјалната мрежа „Икс“ објави дека процесот на усогласување на резолуцијата, чии формални предлагачи се Германија и Руанда, е завршен и испратен до претседателот на Генералното собрание на ОН, Денис Френсис, па нејзиниот текст ќе биде претставен до земјите членки. на светската организација, од која се очекува поддршка.
Резолуцијата повикува да се воспостави 11 јули како меѓународен ден на сеќавање на жртвите на геноцидот во Сребреница, уште еднаш се осудуваат сите дејствија со кои се величат сторителите на воени злосторства, злосторства против човештвото и геноцид утврдени со пресудите на меѓународните судови. Ја нагласува важноста од завршување на потрагата по останките на преостанатите жртви кои досега не се пронајдени и повикува на продолжување на гонењето на сторителите на геноцидот кои се уште се на слобода.
Резолуцијата има намера да ги повика сите држави целосно да ги почитуваат своите обврски од Конвенцијата за спречување и казнување на злосторството геноцид, да го почитуваат меѓународното обичајно право за спречување и казнување на геноцид и да ги почитуваат релевантните одлуки на Меѓународниот суд на Правдата (МСП).
Од генералниот секретар на ОН се бара да воспостави информативна програма наречена „Геноцид во Сребреница и Обединетите нации“, која треба да се спроведе пред следната година, кога се одбележува 30-годишнината од тоа злосторство.
Сите земји-членки на ОН, како и невладините организации и граѓанското општество, предлагачи на резолуцијата истовремено повикуваат на соодветни активности за комеморација и чест на жртвите на геноцидот во Сребреница во 1995 година.
Македонија е коспонзор на оваа резолуција.
Српскиот претседател Александар Вучиќ и лидерот на босанските Срби Милорад Додик инсистираат дека оваа резолуција е обид да се наметне колективна вина врз српскиот народ.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.