Црна хроника
Возач на автобус од Македонија предизвикал сообраќајка во која загинаа две деца во Србија
Возач на автобус од Македонија кој сообраќал од Гостивар за Виена е осомничен дека предизвикал сообраќајка во Србија во којашто загинаа две деца, а десет други лица се повредени.
Во тешката сообраќајка на автопатот близу Крњево кај Велика Плана, ноќта меѓу саботата и неделата околу 2.20 часот загинаа две деца, германски државјани, бебе од неколку месеци и седумгодишно дете, додека десет други лица се полесно и потешко повредени. Во несреќата учествувале шест возила.Автомобил „фијат“ со белградски регистерски таблици, којшто се движел на средната коловозна лента од Ниш кон Белград, удрил во „БМВ“ со белградски регистерски таблици, по што двата автомобили застанале на лентата за сопирање. Возач на „тојота“ со германски таблици видел дека се случил судир и го забавил движењето. До трагедијата дошло кога го претекнал и удрил автобус со македонски регистерски ознаки.Од силината на ударот „тојотата“ се движела по коловозот и застанала на лентата за сопирање, додека автобусот продолжил да се движи и удрил во „крајслер“ со бугарски регистерски ознаки, по што „крајслерот“ удрил во автомобил „БМВ“ со полски регистерски ознаки, коешто се движело пред него.Две деца од „тојотата“ им подлегнале на повредите во болницата во Смедерево, додека десет лица од останатите возила, од кои четири деца, се здобиле со тешки и полесни повреди.По наредба на заменикот основен јавен обвинител во Велика Плана којшто вршел увид на местото на несреќата, на возачот на автобусот, четириесет и седумгодишен македонски државјанин по укажаната помош одреден му е притвор поради постоење на сомнение дека извршил кривично дело тешко дело против безбедноста во јавниот сообраќај. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Судир меѓу две возила на „Цветан Димов“, скопјанец е тешко повреден
Скопјанец е тешко повреден во судрир меѓу две возила во Скопје.
– На 30.04.2024 во 12.35 часот во СВР Скопје било пријавено дека на ул.„Цветан Димов“ во Скопје се случила сообраќајна несреќа помеѓу патничко возило „форд“, управувано од Ј.Р.(51) од Скопје и патничко возило „фолксваген“, управувано од Б.Р.(67) од Скопје, двете со скопски регистарски ознаки. Во несреќата со тешки телесни повреди се здобил Б.Р., констатирани во Градската општа болница „Св.Наум Охридски“, информираа од полицијата.
Црна хроника
Удрена пензионерка во Скопје, со тешки повреди е пренесена во болница
Вчера во 14.20 часот во СВР Скопје било пријавено дека на ул.„Јустинијан Први“ во Скопје товарно возило „форд“ со скопски регистарски ознаки, управувано од А.М.(32) од Скопје удрило во пешакот Љ.В.(73) од Скопје.
Во несреќата Љ.В. се здобила со тешки телесни повреди, констатирани во Градската општа болница „Св.Наум Охридски“. Извршен бил увид од увидна екипа од СВР Скопје.
Црна хроника
Претрес во Стојаково, пронајдена дрога, приведено едно лице
Вчера во 16.10 часот во село Стојаково, општина Богданци, полициски службеници од ОВР Гевгелија го лишиле од слобода В.К.(30) од село Стојаково.
При претрес на неговиот дом, извршен со судска наредба, била пронајдена марихуана. За настанот бил запознаен јавен обвинител од Основното јавно обвинителство Гевгелија и по документирање на случајот против него ќе биде поднесена соодветна пријава.