Свет
Кина предупредува дека судирот со САД ќе им штети на двете држави
Во судирот меѓу Кина и САД не би имало победник предупреди во вторникот кинескиот министер за надворешни работи Ванг Ји во обидот да ги намали тензиите меѓу двете држави кои се зголемија по доаѓањето на Доналд Трамп во Белата куќа.
Односите меѓу Кина и САД се влошиja изминатите две години по територијалните претензии на Пеинг во Јужнокинеското Море, а се зголемија и откако Трамп во декември го разлути Пекинг поради телефонскиот разговор со тајванската претседателска Тцаи Инг-вен, со што за Кина смета дека Вашингтон ја прекршува политиката на „една Кина“.
Пекинг тврди дека постои само една кинеска држава, иако и двете влади се нарекуваат кинески. Во меѓународните односи тоа значи дека државите кои ќе воспостават дипломатски односи со Народна Република Кина тоа не смеат да го сторат со Република Кина, попозната како Тајван, што го сторија македонските власти на крајот од 1990-те.
Освен со телефонскиот разговор, Трамп го разгневи Пекинг и со заканата дека ќе воведе царини на кинескиот увоз во САД.
И покрај тоа, Кина е доследна на мирот, истакна Ванг по средбата со австралиската министерка за внатрешни работи Џулија Бишоп.
„Не смее да има судир меѓу Кина и САД, бидејќи двете земји би загубиле и тоа не можат да си го дозволат“, истакна шефот на кинеската дипломатија пред новинарите во австралиската престолнина Канбера, пренесува Reuters.
Ванг, исто така, ги повика светските челници да ги намалат тензиите така што ќе го отфрлат протекционизмот кој го промовира Трамп низ своите економски планови под мотото „Америка на прво место“.
„Важна е цврстата доследност на отворената светска економија. Важно е и да се насочи светската глобализација кон поголема инклузивност и поширока заедничка полза на одржлив начин“, смета Ванг.
Кинескиот претседател Кси Џинпинг на Светскиот економски форум во Давос во Швајцарија, само неколку дена пред Трамп да ја преземе должноста, силно ја бранеше глобализацијата и порача дека Кина сака да игра поголема улога на светската сцена.
Ванг нагласи дека Кина не сака да води или да заменува кого и да е, дека нејзината сила уште сé уште е ограничена, па дека мора да биде насочена на сопствениот развој, се наведува во коментарот објавен на интернет страницата на кинеското министерство за надворешни работи.
„Мораме да останеме со студени лави околу различните коментари кои бараат Кина да ја преземе ‘водечката улога’“, предупредува Ванг.
Кина претходно ја обвини Австралија дека исто така ја презема протекционистичката политика на Трамп, поради мерките сои кои ја блокира продажбата на австралиските имоти и капитал на кинески инвеститори.
Австралиската министерка Бишоп ја повика Кина да се придржува до договорот за панпацифичка трговија TPP, од кој во јануари Трамп ги изведе САД истакнувајќи дека ги преферира билатерланите договори.
„Сакам да ја охрабри Кина да размисли за овој договор“, изјави Бишоп во врска со TTP.
Кина ги повика државите во светот да бидат поотворени за странските инвестиции, а Ванг истана дека Пеинг сака да ја поврза својата програма „Еден појас, еден пат“ со австралиските планови за развој на својот суверен регион.
Оваа програма уште во 2013 година ја најави кинескиот претседател Кси Џинпинг, како план за градење голем број инфраструктурни проекти, вклучително железници и далноводи во централна, западна и југоисточна Азија, како и во Африка и во Европа.
Австралија, пак, има амбициозни планови за развој на својата Северна територија, регион со недостиг од инфраструктура, но тие стагнираат поради изостанување на инвестициите./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Преговарачот на Хамас потврди: Со Израел разменети списоци на затвореници и заложници
Висок функционер на Хамас, Тахер Ал-Нуну, денес изјави дека преговарачите од неговата организација и Израел размениле списоци на затвореници и заложници кои би биле ослободени доколку се постигне договор за време на тековните преговори за прекин на огнот во Газа што се одржуваат во Египет.
Ал-Нуну, исто така, рече дека Хамас изразил оптимизам за постигнување договор, наведувајќи дека групата покажала потребна позитивност, објавува Ројтерс.
Порано денес, египетскиот министер за надворешни работи, Бадр Абдел Аати, зборуваше и потврди дека разговорите меѓу делегациите на Хамас и Израел се одржуваат во Шарм ел Шеик. Тој рече дека арапските земји ќе ги поддржат мировните договори со Израел доколку конфликтот заврши, објави агенцијата Ал Арабија претходно денес.
Шефот на египетската дипломатија потсети дека американскиот план предвидува крај на војната, отфрлање на анексијата и раселувањето, заедно со потребата од заеднички меѓународни напори за безбедно враќање на израелските сили од Појасот Газа.
Фото: принтскрин
Свет
Грета Тунберг: Израелците ставија 60 луѓе во кафези и рекоа дека ќе нè убијат со гас
Шведската активистка Грета Тунберг изјави дека нејзе и на другите притворени активисти од флотилата за Газа им бил одбиен пристап до чиста вода додека биле во израелски притвор и дека како резултат на тоа се разболеле.
Тунберг беше меѓу деветте шведски активистки приведени минатата недела откако Глобалната флотила Сумуд, која се обидуваше да достави хуманитарна помош во Појасот Газа, беше пресретната од израелската војска.
Приведените активисти се вратија во Шведска. Зборувајќи на прес-конференцијата одржана на плоштадот Сергелс Торг во Стокхолм со други активисти, Тунберг нагласи: „Им кажавме на луѓето што дојдоа од шведскиот конзулат дека немавме пристап до чиста вода за пиење за време на нашиот притвор, бидејќи водата беше контаминирана и се разболевме“.
Наведувајќи дека побарале помош од конзуларните службеници бидејќи водата од чешма била валкана, таа додаде: „Тие (Израелците) фрлаа шишиња полни со вода за пиење пред нас и ни се смееја што баравме чиста вода. Им рековме: ‘Нема да си одиме додека не добиеме пристап до чиста вода за пиење.’“
Тунберг истакна дека ги пријавиле своите поплаки кај шведските конзуларни службеници. „Кога конзуларните службеници си заминуваа по средбата со нас, им реков: ‘Кога ќе си одите, ќе нè претепаат, бидејќи никој нема да гледа.’ Шведските службеници сепак си заминаа“, рече таа.
Таа тврди дека биле подложени на физичка тортура. „Луѓето се онесвестија, а кога побаравме лекар и лекови, тие ставија 60 луѓе во мали кафези и ни рекоа дека ќе нè убија со гас“, рече таа.
Таа ја критикуваше шведската влада, како и другите влади, за нивната неактивност. „Да бидам искрена, навистина не знам што да кажам, бидејќи без разлика што ќе кажеме, се чини дека ништо нема да ги натера нашите влади да преземат мерки против Израел“, се пожали таа.
фото: принтскрин
Свет
(Видео) Трамп испрати 200 војници од Националната гарда на Тексас во Илиноис
Двесте припадници на Националната гарда на Тексас пристигнаа во Илиноис, изјави официјален претставник на Пентагон, пред планираното распоредување во Чикаго, на кое остро се спротивставуваат локалните демократски претставници.
Американскиот претседател Доналд Трамп веќе испрати војници на улиците на Лос Анџелес и Вашингтон и им нареди да одат во Мемфис, како и во Чикаго и Портланд, заканувајќи се дека ќе ги искористи вонредните овластувања за да го овозможи тоа доколку судовите го блокираат.
🚨 HAPPENING NOW: Heavy military presence outside the Broadview ICE facility in Illinois.
Snipers can be seen on top of armored vehicles. Protesters are also being arrested.This is insane. This is not America anymore. pic.twitter.com/PvakidqfbI
— Ron Smith (@Ronxyz00) October 3, 2025
Трамп, кој минатата недела предложи американските градови да се користат како „полигони за обука“ за американските воени сили, го преувеличува обемот на немирите во Лос Анџелес и криминалот во Вашингтон за да ги оправда распоредувањата, а судијата кој пресуди по тужбата на локалната самоуправа да ги испрати во Портланд, сугерираше дека Трамп го сторил истото и во случајот со тој град.
Војниците од Тексас беа испратени во Илиноис како дел од мисијата за заштита на „федералните објекти, персонал и средства“, изјави официјален претставник на Пентагон под услов да остане анонимен, додавајќи дека гардистите биле мобилизирани за почетен период од 60 дена.
JUST IN: Texas National Guard troops arrive at the Army Reserve Training Center in Elwood, Illinois. pic.twitter.com/QC8WLcXFvX
— Fox News (@FoxNews) October 7, 2025
Војниците биле видени во вторник во воена база во Елвуд, југозападно од Чикаго.
Планираното распоредување на силите го налути демократскиот гувернер Џ. Б. Прицкер, кој рече дека тие „треба да останат надвор од Илиноис“ и дека секое распоредување против желбите на службениците на Илиноис би претставувало „инвазија“.
фото: принтскрин
Парични казни за три градинки и едно училиште по спроведени инспекциски контроли во кујните
Инспекциските служби на Агенција за храна и ветеринарство (АХВ), во септември годинава спроведоа инспекциски контроли во училишните и кујните во...
Кривична пријава за злоупотреби и малтретирање против две сопственички на приватни установи за сместување стари лица
Министерството за внатрешни работи поднесе кривична пријава до Основното јавно обвинителство Скопје против Н.Ј.(47) и Т.И.(58), двете од Скопје поради...
Истрага против две сопственички на домови за стари лица: сместувале женски и машки лица заедно, дел од корисниците биле заклучувани, им биле служеби оброци со изминат рок
Јавен обвинител од Основното јавно обвинителство Скопје денеска донесе Наредба за спроведување истражна постапка против две лица осомничени за кривични...
Мицкоски до Филипче: Кажи јавно што мислиш за Зоран Заев, не биди лицемерен
Претседателот на ВМРО-ДПМНЕ, Христијан Мицкоски на синоќешниот митинг во Гостивар во рамките на изборната кампања за локалните избори 2025 година...
Уапсени двајца скопјани: предизвикале пожар на две товарни и едно патничко возило кај спортскиот центар „Јане Сандански“
Денеска, во 02:20 часот во СВР Скопје е пријавен дека на паркинг простор од Спортскиот центар „Јане Сандански“ на подрачје...
(Видео) Нападнат автомобилот во кој се наоѓал претседателот на Еквадор, луѓе фрлаа камења, најдени траги од куршуми
Автомобилот на еквадорскиот претседател Даниел Нобоа бил опкружен од околу 500 луѓе кога тој пристигнал на настан во покраината Канар,...
Путин: Украинците се повлекуваат на целата фронтова линија
Рускиот претседател Владимир Путин изјави дека руските сили во 2025 година зазеле речиси 5.000 квадратни километри територија во Украина и...
Мелони: Пријавена сум во Меѓународниот кривичен суд за соучество во геноцид
Италијанската премиерка Џорџа Мелони вчера изјави дека таа и двајца министри се пријавени во Меѓународниот кривичен суд за наводно соучество...
Нетанјаху: Ќе продолжиме да ги постигнуваме сите воени цели, Газа повеќе нема да биде закана
Израелскиот премиер Бенјамин Нетанјаху вчера вечер им вети на Израелците дека ќе ги постигне сите цели на војната против Хамас...
Путин: Се докажа дека бевме во право во февруари 2022 година
Желбата на луѓето од Донбас и Новорусија да ја поврзат својата иднина со Русија докажа дека одлуките донесени во февруари...
Тошковски: Нема да поднесам оставка
Министерот за внатрешни работи Панче Тошковски на неговиот „Фејсбук“ профил реагира соопштението на СДСМ во кое се бара негова оставка....
Во вооружениот напад во Куманово е повреден докторот Зекирија Шаини, од Здравство велат дека е во стабилна состојба
Министерството за здравство со вознемиреност ја прими веста за вооружениот напад во Куманово при кој беше повреден нашиот колега, доктор...
Нема индиции на политички мотиви зад оружениот инцидент во Куманово
Првичните индиции не упатуваат на политички мотиви зад оружениот инцидент во Куманово, соопштија од Јавното обвинителсто. „Во однос на настанот...
Поради сериозни пропусти, Владата го раскина договорот за концесија на каменоломот во Страчинци
Првиот заменик на претседателот на Владата и министер за животна средина и просторно планирање, Изет Меџити, информира дека Владата еднострано...
Претреси во домови за стари лица во Скопје под сомненија за нехуман третман: две лица уапсени
По добиени сознанија за можен нехуман третман на стари лица – корисници на услуги за вон-семејна заштита, Основното јавно обвинителство...
Татко ги допирал по телата неговите 16-годишни ќерки во Кавадарци
ОВР Кавадарци поднесе кривична пријава против Д.Г.(40) од Кавадарци. Тој, како што соопшти полицијата, се сомничи за сторено кривично дело...
Од наредната година, првиот извод на бебето родителите ќе го добиваат во болница
Од наредната година, првиот извод на бебето родителите ќе го добиваат во болница, најавија Владата и Министерството за дигитална трансформација....
Македонија од денес и официјално дел од СЕПА: полесни и побрзи плаќања во евра
Министерството за европски прашања информира дека од денес, 7 октомври 2025 година, Република Северна Македонија официјално започнува со примена на...
Две Италијанки уапсени на Табановце, кај нив се пронајдени семки од канабис, ЛСД, кесичка со суви печурки
Вчера во 20:20 часот на Граничен премин Табановце, на влез во државата, полициски службеници ги лишија од слобода 33-годишните Џ.П....
Уапсен маж од скопско Мирковци, фатен како краде нафта од училиште
Вчера во 21:25 часот полициски службеници од СВР Скопје поради сомнение за сторено кривично дело согласно член 236 од Кривичниот...
