Здравје
Хуман подвиг на EgyptAir, пренесе на лекување жена тешка половина тон

Египетската воздухопловна компанија успешно ја транспортираше на лекување од Египет во Индија жената чијашто телесна маса достигнува 500 килограми, соопшти во петокот „EgyptAir“.
Летот бил изведен од египетскиот пристанишен град Александрија до индиската метропола Мумбаи со товарен авион од типот „Airbus 300-600“ специјално модифициран и опремен, бидејќи обичен патнички авион не доаѓал предвид, поради тоа што морале да бидат обезбедени и специјални медицински услови.
Лекарите и персоналот извеле единствена операција на транспортирање на патник на лекување, се додава во соопштението.
Жената тешка половина тон од домот до аеродромот била превезена со товарно возило со високи страни за специјалната болничка постела. Во авионот била подигната со товарен лифт, а во кабината на леталото, креветот била зацврстен за подот.
Кабината на авионот претходно била опремена со специјална медицинска опрема, бидејќи за пациентката во тешка состојба била неопходна интензивна терапија. Жената во текот на летот била придружувана од нејзината сестра и медицински тим, составен од лекари и техничари.
Во соопштението на „EgyptAir“ се истакнува дека ова е уникатна операција изведена во историјата на воздухопловството.
Неколку часа подоцна индискиот весник Hindustan Times објави дека оваа 36-годишна Египќанка по име Иман Ахмад Абдулати, е примена во болницата „Сајфи“ во Мумбаи.
За трагичната приказна на жената првпат прилог во октомври минатата година направи телевизијата Al Arabiya, за која докторите состојбата на Иман ја опишаа како ткн „слонова болест“ или елефантиазис и „заменски жлезди“. Жената доживеала мозочен удар и останал врзана за постелата.
Кон крајот на минатата година нејзиниот случај го привлекло вниманието на индискиот лекар Муфазал Лакдавала, кој е специјализиран за баријатриска и лапароскопска хирургија, и се понудил да ѝ помогне на Имана. Побарал од индиското министерство за надворешни работи да помогне во подготовката на документацијата за жената, бидејќи таа имајќи ја предвид состојбата не можела да се јави лично во конзулатот на Индија во Александрија. Но со интервенцијата на шефот на дипломатијата Египќанката добила уредна индиска виза.
Лекувањето на Абдулати ќе трае повеќе од еден месец. Прво ќе бидат направени редица наоди, по што ќе бидат изведени неопходните оперативни зафати. Притоа, операцијата ќе биде изведена во неколку фази, со интервали меѓу нив, за да се осигури дека Египќанката успешно и без компликации ќе ги поднесува хируршките зафати. Лакдавала очекува дека трошоците за лекувањето на несреќната жена ќе бидат покриени со доброволни прилози, за што тој поведе иницијатива на сајтот change.org.
Шефицата на индиската дипломатија Сушма Саварџ веќе одговори на веста за пристигнувањето на Абдулати во Мумбаи и ѝ посака успешно лекување. „Лаквадала ме извести дека Иман Ахмад пристигна од Мумбаи од Египет за операцијата. Ѝ пожелувам успешна операција“, напиша министерот на Twitter,.
Лаквадала возврати со благодарност до Свараџ истакнувајќи дека „ѝ дала на Иман втора шанса за живот“./крај/мф/сн
–
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Едноставно, евтино и ефикасно решение за намалување на салото на стомакот – една намирница што сите ја сакаме

Летото речиси започна, иако можеби не според календарот, но сме сведоци на жештините, па затоа е крајно време да се подготвиме за морето и новата сезона на бикини. Сепак, тие фрустрирачки наслаги околу стомакот едноставно не ве напуштаат? Не очајувајте, постои едноставно решение за тоа.
Нутриционистката Роксана Ехсани ја откри тајната за витка фигура: обичен, обезмастен грчки јогурт.
Висцералните масти, кои се акумулираат длабоко во стомакот, можеби се невидливи однадвор, но имаат сериозни здравствени последици. Го зголемуваат ризикот од срцеви заболувања, дијабетес и други сериозни состојби. Но, и за тоа постои решение – променете ја исхраната.
Додадете обичен, обезмастен грчки јогурт во вашата исхрана. Студиите покажаа дека исхраната богата со протеини, калциум и витамин Д може да ги намали висцералните масти.
Грчкиот јогурт е богат со протеини, што ви помага да се чувствувате сити и спречува прејадување. Исто така, содржи пробиотици кои го поддржуваат здравјето на цревата.
Едноставно, евтино и ефикасно решение за намалување на салото на стомакот.
Забава
Жени, внимавајте: популарната фризура може да предизвика опаѓање на косата

Бројни секојдневни навики би можеле да имаат прилично негативно влијание врз вашата кожа и коса, а една специфична фризура може дури и да доведе до опаѓање на косата.
Експертот за нега на кожа и коса, д-р Сухаил Алам, за „Експрес“ изјави дека фризурите што премногу цврсто ја влечат косата можат да предизвикаат здравствен проблем.
„Фризурите што премногу цврсто ја влечат косата, како што се залижаните коњски опашки, можат да предизвикаат тракциона алопеција, форма на опаѓање на косата предизвикана од хроничен стрес врз фоликулите што се јавува како резултат на прекумерно влечење или затегнување на косата.“
„Истражувањето објавено во списанието на Американската академија за дерматологија покажа дека до една од три жени кои редовно носат вакви фризури доживуваат одреден степен на опаѓање на косата“, објасни д-р Сухаил.
Докторот, кој се занимава со трансплантација на коса со години, исто така истакна дека не треба да си легнувате со влажна коса. „Тогаш косата е послаба и посклона кон кршење. Вртењето на главата на перницата предизвикува триење и заплеткување на косата. Оставете ја косата да се исуши природно или нежно исушете ја со фен пред спиење.“
Исто така, памучните навлаки за перници можат да предизвикаат проблеми и за косата и за кожата. Д-р Сухаил предложи да се префрлите на свила и сатен, бидејќи тоа може да помогне во намалувањето на испуканите врвови и идните брчки на лицето.
Прекумерното миење е уште еден проблем што може да ја оштети вашата кожа и коса. Експертот открил дека на повеќето луѓе им е доволно да ја мијат со шампон два или три пати неделно и да го мијат лицето двапати на ден.
Дополнително, топлата вода може да ја уништи заштитната бариера на кожата, што доведува до сувост и чувствителност. За да се спречи ова, експертот советува водата да се одржува млака и да се ограничи туширањето на помалку од десет минути за да се одржи кожата хидрирана.
Забава
Две намирници што најмногу дебелеат кога се консумираат на „празен стомак“

Појадокот е најважниот оброк, но треба да внимавате што јадете на празен стомак. Лекарите велат дека одредени намирници можат да бидат штетни ако се консумираат „на празен стомак“.
Зошто е важен првиот оброк наутро? Појадокот поттикнува многу метаболички процеси, па затоа е важно да знаете од кои состојки е направен и како тие влијаат на телото.
Тоа во голема мера го обликува нашето однесување во исхраната, влијае на здравјето на поединечните органи и на телото како целина. Утринскиот оброк влијае на нашето расположение, па дури и нашата телесна тежина често зависи од тоа што јадеме наутро.
Затоа експертите препорачуваат пиење чаша топла вода секое утро и избор на протеинска храна. А што не се препорачува?
Свежо исцеден сок
Киселите сокови, кои повеќето ги нарекуваме здрави и се направени од цедено овошје, можат да бидат штетни за желудникот. Покрај тоа, соковите се извор на едноставни шеќери кои нема да нè заситат, напротив!
Ако ги пиеме на празен стомак, тоа само ќе го зголеми апетитот и ќе ги зголеми мастите. Сето ова придонесува за дебелина. Нутриционистите велат дека ако претпочитате „течни“ оброци, подобро е да имате зеленчукови смутија за појадок.
Секаков вид печиво
Повеќето луѓе избираат печива за прв оброк наутро, но оваа храна е една од најлошите опции. Големата количина шеќер, масти и пченично брашно само го зголемува нивото на шеќер во крвта, што создава лажно чувство на ситост кое многу брзо поминува. Печивата на празен стомак само придонесуваат за прекумерна тежина.