Свет
Турските војници и сириските бунтовници влегоа во Ал Баб, сириската армија во Тадеф
Сириските бунтовници и турските бунтовници навлегле во саботата во Ал Баб, градот упориште на џихадистите од Исламската држава на северот во Сирија, додека сириската владина војска со поддршка на руската авијација го освои блиското место Тадеф, најутврдениот дел на Исламската држава на периферијата на Ал Баб, пренесуваат агенциите.
„Турските сили и сириските опозициски бунтовници влегоа во западниот дел градот каде што во моментов се водат интензивни борби“, изјавил за AFP. Рами Абделрахман, кој се претставува како директор на опозициската Сириска опсерваторија за човекови права (SOHR), чие седиште е во Лондон.
Турција он крајот на август 2016 година ја започна операцијата „Штитот на Еуфрат“ чијашто цел е да ги одбие силите на Исламската држава од турската граница, но воедно и да го спречи напредувањето на сириските Курди во истата област.
Џихадистите во нивното последно големо упориште во северот на Сирија – Ал Баб се наоѓа во опкружување меѓу бунтовничките и турските сили од едната страна која повеќе од два месеци водат офанзива за заземање на градот и сириската армија помогната од локалните милиции и русата авијација, која започна со својата офанзива пред две седмици.
Како што објави руското министерство за одбрана во саботата, при заземањето на стратешка позиција за напредување кон Ал Баб, населбата Тадеф, биле убиени повеќе од 650 борци на Исламската држава, два тенка, четири оклопни возила, 18 камионети со теши митралези, седум минофрлачи, како и шест ткн „џихадомобили“ односно возила кои се зајакнати со метални плочи полни со експлозиви кои служат за самоубиствени напади во непријателските позициите.
Покрај тоа, сириската армија целосно ја преземала контролата врз патот кон Рака, другото значајно упориште на Исламската држава, по кој со оружје се снабдувале џихадистите во Ал Баб.
Притоа се истакнува дека сириската владина војска при напредувањето се запрела на линијата на раздвојување кое го договорила со Турција и од неа поддржуваната опозициска Слободна сириска армија (FSA), се додава во соопштението на руското министерство.
Градот Ал Баб е цел на сириските опозициски бунтовници и турските копнени оклопни сили веќе два месеца, меѓутоа силите и сирискиот претседател Башар ал-Асад, помогнати од руската авијација, од скоро покренаа офанзива за градот чиешто освојување има симболичко значење.
И додека турските сили и нивните арапски сириски сојузници од почетокот на јануари не успеваат позначително да напредуваат северно од Ал Баб, сириската војска помогната од локалните милиции и шиитското либанско движење Хезболах, забрзано напредуваа последната седмица, во прв ред од јужните приоди кон градот.
Ал Баб е најважен за Турците на коишто овој град им е главната цел на нивната воена интервенција во Сирија под називот „Штитот на Еуфрат“. На Асад,пак, му е важно да го контролира југот од градот „за да оневозможи напредување на турските сили и да го заштити источниот дел од покраината Алепо./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Министерот за национална безбедност на Израел: Прифаќањето на примирјето од Хамас е трик
Израелскиот министер за национална безбедност Итамар Бен-Гвир денеска го оцени прифаќањето на примирјето од страна на Хамас како трик, јавуваат израелските медиуми.
„Има само еден одговор на триковите и игрите на Хамас – итна наредба да се освои Рафах, да се зголеми воениот притисок и да се продолжи со рушење на Хамас додека не биде целосно поразен“, изјави Бен-Гвир, цитиран од „Тајмс оф Израел“.
Во исто време, „Канал 12“ ги пренесува ставовите на израелските власти кои велат дека израелскиот преговарачки тим штотуку го добил одговорот на Хамас од посредниците.
Во извештајот се вели дека Израел сега внимателно го проценува одговорот на Хамас и ќе даде официјални коментари подоцна оваа вечер.
Во него се вели дека израелските власти веќе велат дека ова не е истиот предлог за договорот што Израел и Египет го договорија пред 10 дена, што оттогаш служеше како основа за индиректни преговори“, се вели во ТВ прилогот.
„Скај њуз“ пишува дека Израел тврди оти Хамас прифатил „помека“ верзија на договорот за прекин на огнот предложен од Египет, што е неприфатливо за израелските власти. Странските медиуми јавуваат и дека израелските власти тврдат дека најавата на Хамас се чини дека е измама со цел Израел да се претстави како страна која не е подготвена да го прифати договорот.
Овие нови клаузули, меѓу другото, се однесуваат на кардиналните прашања дали, како и кога ќе заврши војната и какви гаранции се нудат во овој поглед.
Според извештајот, Хамас во последните денови ги заостри своите барања и бара војната да заврши во првата, 40-дневна фаза од договорот, наместо во втората или третата фаза.
Израел, од своја страна, постојано го отфрла завршувањето на војната како дел од договорот за заложници, инсистирајќи наместо тоа дека ќе ги продолжи борбите откако ќе се спроведе договорот, во согласност со неговите двојни воени цели: враќање на заложниците и уништување на Хамас.
Хамас, според претходните извештаи, објави дека го прифатил договорот за прекин на огнот предложен од Египет и Катар со цел да се стави крај на седуммесечната војна со Израел во Газа, а израелските медиуми цитираа официјални лица дека израелскиот преговарачки тим го добил одговорот од посредниците.
Регион
(Видео) „Мажот ја навредувал и изневерувал“ – Обвинителството во Албанија со детали за мајката што скокна во река со своите деца
Обвинителството на Основниот суд од општа надлежност во Скадар во комуникација до медиумите изнесе повеќе детали за трагедијата во семејството Арази во албанскиот град Скадар, каде досега се пронајдени телата на две деца, додека потрагата по телото на мајката и третото дете продолжува.
„До оваа фаза се утврдени сомнежи врз основа на докази дека државјанин Е.А., како последица на континуирано психичко насилство врз неговата сопруга, манифестирано во форма на континуирани навреди и прељуба, тешко нарушувајќи го нејзиното достоинство, го предизвикал самоубиството на А.А., за која се сомнева дека во тешка психичка состојба, се фрлила во реката заедно со трите малолетни деца“, се вели во соопштението на Обвинителството.
Алма Арази (39) со трите деца скокна во студената река.
Телото на најстарото девојче било пронајдено вчера во реката, додека телото на второто денеска.
Во потрагата учествува и рибарот кој вчера пронашол едно од девојчињата и кој рекол дека потрагата е многу комплицирана.
По страшната трагедија, нејзиниот сопруг е уапсен и обвинет за семејно насилство и предизвикување самоубиство.
Новинарот на „Еуроњуз Албанија“ рече дека за време на сведочењето дадено во полиција, 39-годишниот сопруг Ергис Арази се појавил многу ладен за време на испрашувањето, не покажал никакви емоции и ги отфрлил обвинувањата дека ја малтретирал сопругата или другите деца.
Тој рече дека парот бил во стабилна економска ситуација, претходно живеел во Италија и Германија, а неодамна се преселил во Скадар.
Арази, откако неговото семејство било пријавено за исчезнато, два дена подоцна бил виден во кафуле со пријателите и наводно воопшто не бил вознемирен, наведува „Voxnews.al“, повикувајќи се на изјавите на неговите пријатели.
Како што рекоа, тој бил сосема мирен.
Семејството на Ергис тврди дека тој никогаш не би им наштетил. Тие тврдат дека парот имал проблеми меѓу себе, но дека Ергис Арази не бил насилник.
„Ги обожаваше децата. Тој никогаш не би им наштетил. Работеше цел ден во сервис за мобилни телефони за да ги испрати во приватно училиште. Можеби имал проблеми со сопругата, но таа никогаш не требало да им го прави тоа на децата. Тоа нема да и го простиме“, рекле тие.
Свет
Хамас: Се согласивме на прекин на огнот
Хамас објави соопштение дека го прифаќа египетско-катарскиот предлог за прекин на огнот.
Во соопштението се наведува дека нејзиниот врховен лидер Исмаил Ханије ја пренел веста во телефонски разговор со катарскиот премиер и египетскиот министер за разузнавање.
Двете земји посредуваат во повеќемесечните разговори меѓу Израел и Хамас. Сè уште нема коментари од Израел.
Претходно денеска Израел најави офанзива насочена кон Рафах, најјужниот град Газа. Повеќе од милион жители се засолниле во градот поради судирите во другите делови на Појасот Газа.
Предлогот не е објавен во јавноста, но првата фаза, наводно, бара 33 живи заложници: жени, деца, стари лица и болни да бидат ослободени за време на 40-дневното примирје, во замена за стотици палестински затвореници.