Свет
За Кремљ оставката на Флин е работа на Вашингтон, Трамп бил предупреден дека може да биде уценуван од Москва
Оставката на Мајкл Флин, советникот за национална безбедност на американскиот претседател Доналд Трамп, откако во медиумите протекоа неговите контакти со руски лица, е „внатрешна американска работа“, оценија во вторникот од Кремљ, а американскиот медиум пишуваат дека Трамп бил запознаен дека сега неговиот веќе поранешен советник бил можело да биде уценуван од Москва.
Флин во американската и странската јавност е извонредно ценет како воено-разузнавачки експерт кој помагал во борбата против бунтовничките мрежи во Авганистан и во Ирак. Армијата ја напушти откако поранешниот демократски претседател Барак Обама во 2014 година му даде отказ од функцијата директор на воената Одбранбена разузнавачка агенција (DIA) по поплаките околу неговиот начин на раководење
„Тоа е внатрешна работа на Соединетите држави, внатрешна работа на претседателот Доналд Трамп. Тоа не е наш проблем.. Не сакаме на ниеден начин да ја коментираме оваа афера“, истакна портпаролот на рускиот претседател, Дмитриј Песков.
Водечките руските политички личности ја нарекоа изнудената ставка на Мајкл Флин, досегашен советник на американскиот претседател, ќе претставува тежок удар за подобрувањето на руско-американските односи.
„Оваа ситуација е провокативна. Претставува негативен сигнал за обновувањето на руско-американскиот дијалог“, рече претседателот на комисијата за надворешни работи на руската Дума, Леонид Слуцки.
Во моментот односите меѓу Москва и Вашингтон се на најниското ниво од крајот на Студената војна поради меѓусебните обвинувања со претходната администрација на демократот Обама, а неговиот наследник на должноста републиканецот Трамп во кампањата вети дека ќе ги обнови.
Американското министерство за правосудство наводно го предупредувало претседателот Трамп уште во јануари околу Мајкл Флин, истакнувајќи дека тој „би можел да биде подложен на руски уцени“, како и оти „намерно давал нецелосни информации“ на администрацијата околу своите телефонски разговори со рускиот амбасадор во Вашингтон, пишува телевизијата CNN, инаку ненаклонета кон Трамо, повикувајќи се на „извор близок на тоа прашање“.
Според CNN, загриженоста околу разговорите со рускиот амбасадор во САД, Сергеј Кислјак, настанала околу тоа дали тој со амбасадорот зборувал за укинувањето на санкциите против Русија, кои ги наметна администрацијата на Обама за наводното „руско мешање“ во американските претседателски избори
Но во моментот на водењето на тие разговори Флин не бил на должноста во Белата куќа. Односно тие се одвивале во декември 2016 година, а администрацијата на Трамп тврдеше дека станувало збор за протоколарни разговори.
Точно пред еден месец Мајкл Флин, тогаш изборот на новиот американски претседател Доналд Трамп за негов советник за национална безбедност, повеќепати телефонски разговарал со рускиот амбасадор во Вашингтон на денот кога САД ја најавија одмаздата поради наводното руско влијание во американските претседателски избори, објави агенцијата Reuters.
Овие разговори отворија тогаш нови прашања за контактите на советниците на новоизбраниот американски претседател Доналд Трамп и руските функционери во периодот кога американските разузнавачки агенции тврдат дека наводно Москва наредила хакирање и други средства за да ги зголеми шансите на Трамп за победа над неговата противкандидатка од Демократската партија, Хилари Клинтон.
Поранешниот американски претседател пред заминувањето од должност, Барак Обама, на 29-ти декември нареди протерување на 35 руски дипломати, наводно за шпионирање, нареди и санкции против двете руски разузнавачки агенции, како и на две приватни компании и седум лица, поради нивна наводна вклученост во хакирањето на американски политички институции на изборите во 2016 година.
Не е утврдено дали Мајкл Флин и рускиот амбасадор Сереј Кислјак, кој подоцна присуствуваше на инаугурацијата на Доналд Трамп на 20-ти јануари, расправале за споменатите санкции. Американскиот закон од XVIII век, познат како „Логан Акт“, им забранува на неовластени американски граѓани да преговараат со странски влади кои се во спор или судир со САД. За споменатите телефонски разговори први извести колумнистот на Тhe Washington Post, Дејвид Игнатиус.
Портпаролот на Трамп тогаш изјави дека Флин примил телефонски повик од рускиот амбасадор минатиот месец, како и дека разговарале за организирање на телефонски разговор меѓу Трамп и рускиот претседател Владимир Путин по инаугурацијата на 20-ти јануари.
„Разговорот се водеше околу логистиката на организацијата на разговорот на рускиот претседател и новоизбраниот американски претседател откако ќе ја положи заклетвата, и разменија логистички информации како да се иницира и да се одреди времето за тој разговор. Тоа е тоа, кусо и јасно“, истакна тогаш портпаролот Шон Спајсер.
Додал дека тој разговор се одвивал на 28-ми декември, а двата извора на Reuters тврдеа дека неколку разговори се воделе и на 29-ти декември, на денот кога Обама ги најави новите санкции против Русија, а дотогашните ги продолжи ноќта кон саботата, како и оние против други земји.
Сега во прилогот на CNN се наведува дека пораката околу тоа прашање ја пренела тогашната привремена вршителка на должноста главна државна обвинителка на САД, Сали Јетс, како и други високи разузнавачки извори кои биле „согласни во оцената“ дека Белата куќа треба да биде предупредена на тој проблем/
Пораката до министерството за правда прв ја објави Тhe Washington Post, а Јетс беше отповикана од привремената должност во јануари. Во тој период таа им препорача на адвокатите на американското министерство за да не ја бранат неговата уредна за привремена забрана за влегување во САД на бегалци и имигранти од седум претежно муслимански.
Јетс во вторникот за американските медиуми изјави дека за сé што се случило во меѓувреме немала коментари, а изворите на CNN рекле дека ситуацијата околу Флин „флуидна“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русин избоде до смрт двајца Украинци во Германија
Русин е уапсен под сомнение дека убил двајца Украинци со нож во германскиот град Мурнау.
Киев Индипендент јавува дека ова злосторство се случило вчера.
Германската полиција соопшти дека мажите на возраст од 23 и 36 години биле пронајдени со убодни рани по телото во реонот на трговскиот центар.
Се наведува дека еден од нив поради тежината на повредите веднаш починал таму, додека другиот синоќа починал во болница.
Осомничениот, 57-годишен државјанин на Русија, е уапсен во неговиот дом, соопшти полицијата. Обвинителите побараа осомничениот да биде задржан во притвор во текот на истрагата.
Во февруари германската полиција пријави напад со уличен нож врз двајца украински кошаркари во Германија. Од здобиените повреди во болница починаа 17-годишниот Володимир Јермаков и 18-годишниот Артем Козаченко. Осомничените се приведени.
Според Кошаркарскиот сојуз на Киев (ФБК), напаѓачите можеби биле мотивирани од омраза кон Украина. Меѓутоа, германската полиција наводно не верува дека нападот имал политички мотив, објави Т-Онлајн.
Регион
Семејство на милионерка од Велика Британија тврди дека таксист во Белград ја измамил и ѝ земал имот вреден над 900 илјади евра
Семејството на жена од Бирмигем по име Милка Шормаз (92) тврди дека изгубила 800.000 фунти (934 илјади евра) во имотна измама што наводно се случила во Белград и е подготвено да го поднесе случајот до Европскиот суд за човекови права. Бараат правда за нивната тетка Милка Шормаз откако, како што велат, биле измамени, пишува српски Телеграф.
Милка Шормаз се преселила во Бирмингем во 1958 година кога од поранешна Југославија дошла во Велика Британија. Таа често патувала во Србија и останала таму кога започнала пандемијата.
Нејзиното семејство тврди дека се спријателила со таксист и неговата сопруга во Белград. Тие велат дека таа станала „лесен плен“ бидејќи била многу стара и покажувала знаци на деменција.
Само неколку месеци по средбата со парот, Милка наводно била принудена да потпише сложени правни документи. Нејзиното семејство тврди дека документите во суштина и ја одземале сопственоста на нејзиниот недвижен имот. Исто така, се тврди дека нејзиниот тестамент е променет, а главен наследник е таксистот, вклучително и куќа за гости во Бирмингем. Братучедите на Милка тврдат дека таа останала „сама, ранлива, немоќна“ и дека боледувала од симптоми на Ковид.
Милка, која немала деца, никогаш не се вратила во Бирмингем и за жал починала во октомври 2021 година. Нејзиното семејство откри дека станот со три спални соби, четири продавници и три гаражи, вклучително и мерцедесот, кој таа го поседувала во Белград, бил продаден во 2018 година по цена од околу 20 отсто од нивната вредност. Исто така, се тврди дека парите биле подигнати од нејзината банкарска сметка.
Нејзината братучетка Дубравка Арсеновиќ (46) го покренала случајот до јавните обвинители во Србија, но тврди дека нема напредок. Адвокатот на Дубравка поднесе жалба до Уставниот суд, но тие рекоа дека чекаат една година да се донесе одлука дали има предмет за разгледување. Најблиските на Милка велат дека се подготвени случајот да го однесат пред Европскиот суд за човекови права.
„Имаме огромен список на докази кои го поддржуваат нашиот случај и докажуваат дека нашата тетка – која беше многу стара и ранлива – беше жртва на огромна неправда. Имаме мал избор освен да побараме помош и да го исправиме ова преку европските судови, доколку Уставниот суд на Србија го отфрла нашето основно човеково право да презентираме докази“, изјави Дубравка за „Бирмингем лајв“.
„Во Белград недвижниот имот вреди околу 500.000 фунти. Пензијата во Бирмингем е околу 300.000 фунти, значи вкупната сума е 800.000 фунти. Најважно за семејството не се парите, туку принципот на надминување на неправдата.
Семеен пријател изјавил дека Милка го продала станот за многу помала сума и дека се се случило многу брзо.
„Милка имаше стан со три спални соби, три гаражи и четири продавници во Белград. Имаше и пансион овде во Бирмингем. Недвижностите во Белград ќе бидат предмет на оставинска казна, таа има семејство, како и двајца братучеди во Велика Британија и двајцата внуци го продала нејзиниот стан неколку месеци откако го запознала човекот сметката, но истата беше повлечена истиот ден предметот го однесе до јавниот обвинител во Белград, но случајот беше отфрлен.
Тој вели дека семејството на Милка морало да се бори да го врати нејзиното тело во Велика Британија.
„Милка почина во болница, а на семејството му беше забранет пристапот до станот на нивната тетка од таксист и неговата сопруга за да и земат некој од личните работи, на пример облека, фотографии и пасош. Британската амбасада во Белград помогна и управуваше да ги средат сите документи за да може нивната покојна тетка да биде префрлена во ОК каде што припаѓала Ниту еден од нејзините други лични работи не бил предаден на семејството бидејќи тие тврделе дека сите работи сега им припаѓаат ним (таксистот и неговиот сопруг. Нејзината потврда за смртта пишуваше дека има деменција, а Милка беше погребана до нејзиниот сопруг на гробиштата Брендвуд Енд во Кингс Хит“, заклучува пријателката.
Свет
Во Газа за шест месеци се убиени повеќе деца отколку во светот за четири години
Шефот на Агенцијата на ОН за помош и работа за палестинските бегалци (УНРВА), Филипе Лазарини, изјави дека во појасот Газа во последните шест месеци биле убиени повеќе деца отколку во сите светски конфликти во последните четири години.
– За шест месеци беа убиени повеќе од 30.000 луѓе. Знаеме дека меѓу нив има 13.000 деца. Знаеме дека во Газа за шест месеци се убиени повеќе деца отколку во сите конфликти ширум светот во последните четири години. Затоа, тоа е без преседан и по обем, како и по степенот на уништување – изјави Лазарини во интервју за ТАСС.
Тој додаде дека вкупно 180 работници на УНРВА се убиени во енклавата од почетокот на конфликтот меѓу Израел и палестинската милитантна група Хамас и дека не ја исклучува можноста правдата да се бара пред Меѓународниот кривичен суд за смртните случаи. на персоналот. Лазарини тврди дека одредени земји бараат распуштање на УНРВА од политички причини за да спречат создавање независна палестинска држава.
– Јасно го свртев вниманието на земјите-членки на ОН на фактот дека не смееме да се повлечеме бидејќи вистинската намера е да се распушти Агенцијата од политички карактер, што во иднина може да ги поткопа напорите кои водат кон политичко решение за палестинската држава. – тој рече.
Лазарини додаде дека не е запознаен со официјалниот предлог на Израел до ОН за распуштање на UNRWA и префрлање на нејзиниот персонал во друга агенција, како што пренесуваат медиумите, но посочи дека не е можно да се префрлат одговорностите на UNRWA, со оглед на бројот на вработени во Газа во споредба со другите агенции на ОН.
– УНРВА е многу повеќе од дистрибуција на храна, претставува здравствена заштита и образование, а тоа се услуги кои ниту една друга организација не може да ги преземе. А единствената што ќе може да ја преземе ќе биде идната држава Палестина кога ќе имаме политичко решение – нагласи Лазарини и додаде дека УНРВА ќе се распушти само кога ќе се најде решение за независна палестинска држава.
Кон крајот на јануари, неколку земји, вклучително и САД, одлучија да го прекинат финансирањето на УНРВА, откако израелските власти обвинија дека некои од вработените во Агенцијата се поврзани со палестинското милитантно движење Хамас.
Лазарини рече дека еден од 12-те вработени бил вратен на работа по обвинувањата на Израел и дека повеќето земји продолжиле да ја финансираат Агенцијата, но дека САД не се меѓу нив.