Регион
Лондон тврди дека имало руски заговор за убиство на Ѓукановиќ
Русија планирала да ги убие поранешниот црногорски премиер Мили Ѓукановиќ и да ја собори неговата влада минатата 2016 година, пишува британскиот весник The Daily Telegraph, повикувајќи се на извор во владата на Велика Британија.
Во прилогот што во неделата го пренесе црногорскиот јавен сервис РТЦГ, се наведува дека државниот удар на денот на парламентарните избори кога било наводно планирано заземање на зградата на Скупштината (црногорскиот парламент) и убиството на деценискиот челник на Црна Гора уште од периодот на Слободан Милошевиќ, кој последните години се претставува како прозападно ориентиран, а сето тоа според изворот на британскиот весник го воделе руски разузнавачи со „благослов“ на Москва, за да се саботирал планот за членството на Црна Гора во НАТО.
Главните раздори во Црна Гора се по тоа што владејачкото мнозинство, прозападно ориентирано инсистира ратификувањето на одлуката земјата да влезе во НАТО треба да се води во парламентот, додека просрпската, или проруска опозиција, бара за тоа да се изјаснат граѓаните на референдум.
Натаму The Daily Telegraph наведува дека планот бил спречен само неколку часовите пред да биде спроведен на дело, а требало да предизвика крвопролевање и земјата да ја воведе во безредија во пресрет на нејзиното зачленување во НАТО.
Како еден од наводните аргументи се наведува дека додека тоа се случувало русиот министер за надворешни работи Сергеј Лавров го обвини НАОТ дека е „институција на Студената војна“, чие проширување кон истокот последните 30 години води кон тензии без преседан во Европа.
„Обидот за државен удар во Црна Гора е планиран за 16-ти октомври минатата година несомнено е пример на растечка агресивна кампања на мешање во работите на Западот“, изјавил за британскиот весник неименуваниот извор од британската влада.
Шефот на британската дипломатија Бориз Џонсон и неговиот американски колега Рекс Тилерсон, според написот, минатата седмица разговарале на својот прв состанок за настаните во Црна Гора. The Daily Telegraph потсетува дека на потерницата на Интерпол се ставени двајца руски државјани, за кои црногорските власти тврдат дека стојат зад планираните напади.
„Тие двајца со месеци ги надгледувале регрутирањата и опремувањата на мала група српски националисти, кои преоблечени како полицајци, требало да ги извршат нападите на зградата на црногорскиот парламент и да го убијат тогашниот премиер Мило Ѓукановиќ“, пишува натаму весникот.
Се наведува дека Кремљ ја негираше секаква својата вмешаност, а црногорскиот обвинител не ги обвинуваше руските власти, туку за сето тоа ги обвини руските националист, како и дека „проруската опозиција“ во Црна Гора тврди дека целиот случај е лажиран.
The Daily Telegraph пишува и дека британските и американските разузнавачки агенции се повикани да им помогнат на властите на Црна Гора да го расветлат целиот случај и собраните податоци, наводно упатувале дека во тоа се вмешани високи руски функционери.
„Телефонски разговори заштитени со шифра, преписки преку електронска пошта и искази на сведоците соработници сега се дел од истрагата во чии рамки е обвинето 21 лице за обид за тероризам и уривање на државниот поредок на Црна Гора“, пишува уште британскиот дневен весник
Министерот за одбрана на Црна Гора, Предраг Бошковиќ, за The Daily Telegraph рекол дека „нема сомневање дека сето тоа го организирале и финансирале руски разузнавачки функционери заедно со локални радикални елементи“.
Изворите на британскиот весник рекле дека се’ било планирано наводно така што ќе требало да бидат обвинети одметнати руски агенти и националисти, но доказите покажале дека е незамисливо планот да немал поддршка од високи нивоа.
„Зборувате за заговор да се наруши или собори влада на некој начин. Незамисливо е сето тоа некој да не го одобрил“, рекол уште еден неименуван извор на The Daily Telegraph.
Се наведува дека поединостите од планот се обелоденети откако британскиот министер за одбрана Мајкл фолон предупредил на „промени на потезите“ во мешањето Кремљ во западните земји во текот на минатата 2016 година, Фолон кон крајот на октомври предупреди дека Русија „очигледно ги тестира НАТО и Западот барајќи начини да го прошири своето влијание, дестабилизира држави и да ја ослаби Алијансата“.
Во текстот на The Daily Telegraph се наведува и дека Москва минатата година во повеќе наврати порачала дека Црна Гора треба да се откаже од членството во НАТО и дека Русија сака државата која има 600.000 жители да остане неутрална или во нејзината сфера на влијание, а и во минатото силно лобирала за пристап на пристаништата на Јадранското Море, пренесува РТЦГ./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Хаос по поплавите на омилените дестинации во Грција: „Се’ се случи за два часа“
Грчките острови Парос и Миконос, популарни меѓу туристите за време на летната сезона, во понеделникот вечерта беа погодени од поројни поплави, а локалните власти соопштија дека се очекува обилните врнежи да продолжат во регионот.
Властите на Парос изјавија дека пожарникарите морале да спасат 13 лица кои се нашле во неволја поради поплавите.
Градоначалникот на Парос, Костас Бизас, изјави дека надојдените води го напуштиле своето корито во рибарското село Науса, поплавувајќи продавници и куќи и носејќи речиси 40 возила.
#NEWS – #Maltempo in #Grecia, dopo forti piogge improvvise inondazioni nelle isole #Cicladi
Ingenti danni a #Paros, nel villaggio di #Naousa, e a #Mikonos#video dalla rete#31marzo #Greece #floods #weather #Lluvias #Meteo #Weather #flooding #cyclades #island @vinmorgante pic.twitter.com/uubDp1lZPq
— Tv2000.it (@TV2000it) March 31, 2025
Според Ројтерс, властите на Парос се соочиле со потешкотии при отстранувањето на возилата кои биле разнесени од калливите порои по патиштата и населените места.
„Патиштата се оштетени и ни требаат повеќе машини за да можеме да ги исчистиме улиците“, изјави градоначалникот Бизас. „Целата катастрофа се случи за само два часа“, додаде тој.
Several cars swept way by heavy floods in Naousa of Paros, Greece 🇬🇷 (31.03.2025) pic.twitter.com/xCf36HJ8TU
— Disaster News (@Top_Disaster) March 31, 2025
Во Миконос паднал и град.
Severe flooding in Naousa, Paros, Greece, cars swept away by floods. pic.twitter.com/8plRLLrQOL
— Disasters Daily (@DisastersAndI) March 31, 2025
Агенцијата за цивилна заштита предупреди дека жителите на Парос и Миконос не треба да излегуваат од своите домови.
Се очекува обилните врнежи да се преместат кон островите Хиос, Самос и Икарија.
Flash Flood after heavy rain in Naousa, Paros Island, Greece pic.twitter.com/sH5sMXeb5R
— Disasters Daily (@DisastersAndI) March 31, 2025
Breaking 🚨: Severe flooding hits Greece, leaving streets submerged and homes evacuated.
Authorities report heavy rainfall overwhelming drainage systems.
Rescue operations are underway as residents are urged to stay safe. pic.twitter.com/3hikG5STXM
— WorldsQuant (@WorldsQuant) March 31, 2025
Според метеоролошката служба, дождот проследен со ветрови до 74 километри на час претставува опасност и се очекува да продолжи и вечерва.
Училиштата и градинките на островите Парос, Миконос, Родос, Кос, Калимнос, Сими и Тилос се затворени од претпазливост.
Грција во декември 2024 година беше погодена од опасно невреме. Тогаш најмногу настрадаа островите Родос и Лемнос.
Регион
За пари дозволувала малолетната ќерка да биде сексуално експлоатирана: мајка макро од Ниш оди во затвор
Аница Б.(46) од Ниш денеска е осудена на пет години затвор за подведување на нејзината малолетна ќерка на Бранислав М.(49) од Пироќ, кој со неа како соизвршител го извршил кривичното дело трговија со луѓе, за што Вишиот суд во Ниш го осуди на пет години и шест месеци затвор.
Како што изјави судијката на Вишиот суд во Ниш, Ивана Миловановиќ, овие двајца делото го сториле од 10 до 12 септември 2019 година.
Аница делото го сторила здраворазумно со умисла злоупотребувајќи ја довербата на малолетната жртва, а Бранислав со употреба на сила и предавање пари во износ од 15.000 динари. Мајката на малолетничката се договорила со него за оваа сума пари да му ја предаде ќерката на сексуална експлоатација. Бранислав, кој престојувал во нејзината куќа, извадил пиштол и рекол дека убивал луѓе и дека има врска со криминал. На Аница и ги предал парите, а потоа се обидел да ја прегрне девојката. Рече дека ќе ја „краси со злато“ ако со него се состане-наведува судијката Миловановиќ.
Како што понатаму појаснила, тинејџерката одбила да го исполни барањето на мајка си, поради што таа пцуела и се заканувала.
– Аница му рекла на Бранислав дека се ќе исправи и дека следниот ден ќе му го донесе малото девојче. Тие се сретнале во кафуле каде Бранислав и врачил златен накит на Аница, а таа и го подарила на ќерката, по што ги оставила сами. Бранислав потоа со такси ја однел девојката во Нишка Бања, каде ја чувал преку ноќ и ја замолил да спие со него – изјави судијката Миловановиќ, пренесуваат медиумите во соседството.
Понатаму, судијата изјави дека при одлучувањето за вината на двајцата обвинети, внимателно биле разгледани сите докази.
– Малолетничка и нејзиниот брат, кој исто така е малолетен, работеле во забавниот парк во сопственост на Бранислав со дозвола на нивната мајка. Бранислав повремено доаѓал во станот на Аница и признал дека и дал 15.000 динари. Дека делото за кое се товарат навистина е сторено, докажа не само сведочењето на малолетната жртва туку и сведокот. Исто така, откривме дека Аница планирала средба на нејзината ќерка со Бранислав на тој начин што таа отишла на училиште на договорениот ден за да го оправда отсуството со тоа што треба да го сними слепото црево. Веднаш потоа ја однела кај Бранислав и ја оставила таму. Дури кога мајка и ја прашала каде е внуката, Аница го пријавила исчезнувањето на малолетничката во полиција – продолжи судијата.
Иако сексуалниот однос не се случил, судот сметал дека тоа не влијае на квалификацијата на делото -трговија со луѓе.
– Според мислењето на Врховниот суд, за постоењето на овој чин доволно е тоа што целта била сексуалната експлоатација, а не е неопходно тоа навистина да се случи – објасни судијката.
Регион
Додик: Јас сум цел затоа што не се согласив да им служам на парите на УСАИД; последните удари на поразените елити
Претседателот на Република Српска, Милорад Додик, кој престојува во Москва, му се заблагодари на американскиот политичар Род Благојевиќ за поддршката посочувајќи дека тој е цел бидејќи не се согласил да им служи на парите на УСАИД и НЕД, туку на својата земјан и дека ќе продолжи да победува во Српска.
„Кога не може да ве победат на изборите, тие се обидуваат да ве уништат во судовите. Ова го научија американскиот претседател Трамп, лидерката на партијата Национален собир, Марин Ле Пен, и многу други лидери, кои ги избраа народот наместо елитата, суверенитетот наместо покорувањето, вредностите наместо грантовите“, напиша Додик на платформата „Икс“.
Истакнувајќи дека Род Благојевиќ го забележал тоа, претседателот на Република Српска истакна дека целта денес се оние што не се согласиле да им служат на парите на УСАИД и НЕД, туку на својата земја, религија и народ.
„Но, тоа се ударите на поразените елити. И ќе биде последен. Претседателот Трамп ќе успее во Америка, Ле Пен ќе победи во Франција, Калин Ѓорѓеску во Романија, а јас ќе продолжам да победувам во Република Српска“, рече Додик означувајќи ги американскиот потпретседател Венс и Илон Маск.
Трамп со денешната одлука го менува светот: ова се трите најважни прашања
Доналд Трамп вели дека царините доаѓаат. Таа порака од американскиот претседател останува конзистентна. Но кои царини и кога? Увозните даноци...
Поплавени куќи, магацини и индустриски објекти во Студеничани, Батинци, Пинтија и Горно Лисиче
РЦУК – Скопје, известува дека поради врнежите од дожд, во текот на доцните попладневни и вечерните часови, дојдено е до...
Арсовска: Ѓеоргиевски освен со сликање со друго не може да се пофали, со превенција се спречуваат поплави, не со глумење спасител
„Се излеала реката во Батинци, општина Студеничани, бидејќи општинските власти не ги чистат каналите, активност која како нивна надлежност превентивно...
Сообраќајот на магистралниот пат Крива Паланка – Деве Баир е нормалзиран
Сообраќајот на магистралниот пат Крива Паланка – Деве Баир, кој беше во прекин поради сообраќајна незгода, е нормалзиран, извести АМСМ....
Град Скопје: Одржување на одводните канали и коритото на Маркова Река е во директна надлежност на општина Студеничани и Министерството за животна средина
„Согласно актуелните акти на Министерството за животна средина и просторно планирање, и актуелниот ГУП донесен во време на Коце Трајановски...
Ѓорѓиевски во Студеничани по поплавата од излеаната Маркова Река: Механизацијата е на терен и нема опасност по населението
По добивањето на информацијата за излевањето на Маркова Река во соседната општина Студеничани, градоначалникот на Општина Кисела Вода, Орце Ѓорѓиевски,...
Се излеа Маркова Река кај Батинци
Маркова Река се излеа денес по обилните врнежи од дожд. Во селото Батинци, водата е надојдена, излевајќи се на неколку...
Оставката на Папазов помина на владина седница
Владата ја прифати оставката на градоначалникот на Кочани, Љупчо Папазов. Советот на општината ќе треба да назначи в.д. градоначалник на...
„Вреди“: Посакуваме Бектеши да ја докаже невиноста, не сакаме ниту еден Албанец да биде одговорен за Кочани
Коалицијата „Вреди“ посакува ексминистерот за економија од редовите на ДУИ, Крешник Бектеши да ја докаже својата невиност во случајот со...
Обезбедувачот на Мицкоски за 50.000 евра оддавал службени тајни, приведен е
За 50.000 евра откривал полициски службени тајни од истрага. Припадникот на обезбедувањето на премиерот Христијан Мицкоски е во притвор. Од...
Кочани доби ново амбулантно возило – донација од компании
Донирано е амбулантно возило за општата болница во Кочани од страна на приватни компании. Амбулантното возило е донација на „Аутомотив...
По трагедијата во Кочани целосно се забранува употребата на пиротехниката во затворен простор
Трагедијата во дискотеката „Пулс“ во Кочани го менува Законот за прекршоците против јавниот ред и мир. Пратениците со 87 гласа „за“, без...
Нема повеќе седење дома и земање плати, потребна ни е ефикасна администрација, порача Мицкоски
„Јавната администрација не е само механизам за спроведување на законите и политиките, таа е лицето на државата, одраз на нејзината...
Трендафилов подготвен тој и сите функционери една година да земаат плата 500 евра, но уште утре минималната да се зголеми на истиот износ
Претседателот на Сојузот на синдикатите на Македонија (ССМ), Слободан Трендафилов, е подготвен една година тој и сите избрани и именувани...
(Видео) Талески: Мицкоски не може да не знае, втор обезбедувач од неговиот круг фатен во контакт со подземјето
Оваа Влада и ДПМНЕ се очигледно сериозно вмешани во криминал, а лица од најголема доверба на премиерот во континуитет се...
(Видео) Масовни кремирањa, сè мириса на смрт во Мјанмар: преживеаните во очај, луѓето клекнати на улица и плачат
Сè послаби се надежите во Мјанмар дека ќе се пронајдат живи луѓе по разорниот земјотрес од 7,7 степени според Рихтеровата...
Во Козле, во „8 Септември“ или во странство ќе одат на рехабилитација пациентите со потешки повреди, кои следната недела ќе почнат да се враќаат
Во текот на оваа недела од лекување во странство најавено е дека ќе се враќаат пациентите што се целосно закрепнати,...
93 пациенти повредени во пожарот во Кочани закрепнаа, уште 100 се лекуваат во странство и во домашните болници
Од вкупно 193 повредени во пожарот во Кочани, 93 пациенти закрепнаа и заминаа на домашно лекување, а во болниците во...
(Видео) Грција ја зафати невидено невреме, уништени омилените туристички места, владее хаос
Страшното невреме што ја зафати Грција речиси инстантно ги уништи омилените места за одмор во оваа земја. Некои од најубавите...
„Кој му ги дал службените тајни на обезбедувачот на Мицкоски“, прашува СДСМ
„Обезбедувањето на Мицкоски е составено од најголемите криминалци во државата, кои тој лично ги одбрал на тие позиции. Оттука се...
