Црна хроника
Со шест мигранти во автомобилот се превртел на кров
Скопјанец кој илегално превезувал мигранти во својот автомобил изгубил контрола над него урдил во метален столб на улица во Струмица, по што се превртел на кров.
Имено, во понеделникот, околу 3.30 часот во Струмица, на ул.„Климент Охридски“ се случила сообраќајна незгода во која А.М. (26) од село Инџиково, скопско, управувајќи автомобил „Алфа Ромео“ со скопски регистарски ознаки, изгубил контрола над истото и удрил во метален столб за улично осветлување и се превртел на кров.
Во возилото превезувал шест илегални мигранти, државјани на Сирија и на Пакистан. Во незгодата со тешки телесни повреди се здобиле возачот и сопатниците С.Х. (47) од Сирија и Н.Н од Пакистан. Со телесни повреди се здобиле сопатниците С.М. (23) од Пакистан и А.А. (21) од Пакистан. Сите тешко повредени со медицински возила, поради сериозноста на повредите, биле префрлени во Ургентен центар Скопје, а додека останатите по укажаната медицинска помош се пуштени на домашно лекување.
Во возилото како сопатник бил и М.Х. (20) од Сирија.
Увид на местото на настанот извршила увидна екипа од СВР Струмица. За настанот е известен и Јавен обвинител. Се преземаат мерки за целосно расчистување на случајот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Познат идентитетот на скопјанецот кој ноќеска загина во сообраќајка на патот Штип -Кочани
Познат е идентитетот на мажот кој ноќеска загина во сообраќајна несреќа на патот Штип -Кочани.
– На 06.05.2024 во 02.45 часот во СВР Штип било пријавено дека на експресниот пат Штип -Кочани, во близина на с.Крупиште, патничко возило „рено лагуна“ со скопски регистарски ознаки, управувано од С.М.(34) од Скопје, излетало надвор од коловозот. По несреќата, возачот и сопатниците, И.М.(39) од Скопје и двајца малолетници биле пренесени во Клиничка болница Штип, каде што кај И.М. била констатирана смрт, додека кај возачот и малолетниците биле констатирани телесни повреди, информираа од полицијата.
Увид на местото извршиле јавен обвинител и увидна екипа од СВР Штип.
Црна хроника
Велосипедист е тешко повреден во сообраќајка во Охрид
Вчера околу 14.45 часот во СВР Охрид било пријавено дека на ул.„Питу Гули“ во Охрид се случила сообраќајна несреќа помеѓу велосипед управуван од Ј.Д.(74) од Охрид и патничко возило „хјундаи “ со охридски регистарски ознаки, управувано од Д.В.(28) од Охрид.
Во несреќата со тешки телесни повреди се здобил велосипедистот, констатирани во специјалната болница „Св.Еразмо“ во Охрид.
Увид на местото извршила екипа од СВР Охрид.
Црна хроника
Скопјанец измамен во менувачница од двајца странски државјани
Скопјанец пријавил дека во менувачница во Старата скопска чаршија бил измамен од страна на двајца странски државјани за сума од 25.000 евра, информираат попладнево од Министерството за внатрешни работи.
Синоќа во 19.15 часот во СВР – Скопје, Х.М., на возраст од 34 години од главниот град на државава, пријавил дека околу 15 часот во менувачница во Старата скопска чаршија бил измамен од двајца странски државјани.
Според пријавеното, откако се договориле во менувачницата да сменат пари за 25.000 евра, лицата дошле со чанта со договорената сума на пари во денари, при што еден од нив ја заменил чантата со денари со друга иста чанта, која во долниот дел била полна со хартиени ливчиња.
Како што пријавил Х.М., тој им ги дал еврата без да ја провери чантата, а откако заминале, сфатил дека е измамен, појаснуваат од МВР.
Се преземаат мерки за расчистување на случајот.