Црна хроника
Германец починал на скијање на Попова Шапка

Шест Германци скијале на Попова Шапка, при што најстариот паднал во бесознаение и починал.
Како што соопшти полицијата, во неделата во 14.30 часот во полицијата на Попова Шапка, И.Т. од Кризниот штаб-Тетово пријавил дека на Попова Шапка, поточно на м.в. „Казаниште“, има повредено лице најверојатно странец кој паднал во провалија. За него немале никакви податоци освен телефонски број за контакт, но на наведениот број никој не се јавувал.
Во 16.20 часот во угостителски објект пристигнале лицата Г.М. (34), K.O. (34) и Б.Б.Ц. (39), сите од Германија, кои раскажале дека истиот ден околу 9 часот околу шест лица се качиле на м.в. „Церипашина“ на Попова Шапка за да скијаат. Околу 13.10 часот скијале на м.в. „Казаниште“ и застанале да одморат, при што во безсознание паднал С.Ц. (61) од Германија.
Веднаш по радио врска бил известен сопственикот на еден угостителски објект, кој го пријавил случајот во ЦУК Скопје. Околу 15 часот на местото на настанот пристигнал хеликоптер на МВР, било подигнато повреденото лице и пренесено во болницата „Систина“ Скопје, каде била констатирана смрт.
По наредба на Јавен обвинител телото на починатиот е дадено во Институтот за судска медицина за обдукција. Се преземаат мерки за целосно расчистување на случајот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Mлада скопјанка нападната од вонбрачниот партнер и од мајка му

23-годишна жена од Скопје пријавила во полиција дека била физички нападната во семејниот дом во скопската населба Гази Баба.
Според пријавата поднесена на 16 јули, жената била нападната од мајката на нејзиниот вонбрачен сопруг, Л.Ј. (48). Таа, исто така, навела дека два дена претходно била физички нападната и од самиот вонбрачен сопруг, Ј.Ј. (27), исто така од Скопје.
Од МВР велат дека се преземаат мерки за целосно расчистување на случајот.
Црна хроника
Измамен скопјанец со лажни полиси за осигурување

68-годишен маж од Скопје пријавил дека во период од една година, од женско лице Т.П.Н. бил измамен за сума од 48.875 денари.
Според пријавеното, таа се претставила како осигурителен брокер, вработена во правен субјект, и му понудила полиси за осигурување за неговиот недвижен имот во Скопје и Дојран, од кои на трансакциска сметка платил 33.875 денари, додека пак во готово и дал 15.000 денари.
Како што е пријавено, откако не ги добил полисите за осигурување, сфатил дека бил измамен. Се преземаат мерки за расчистување на случајот.
Црна хроника
Скопјанка измамена со ветување за брак, изгуби 9.700 евра

65-годишна жена од Скопје пријави дека била измамена преку социјална мрежа. Во мај годинава, таа почнала онјан да комуницира со маж и се договориле да се земат.
Мажот ѝ побарал пари за да може да се сретнат во Охрид, па таа во три наврати му испратила 6.700 евра преку брз трансфер, а дури подигнала и кредит од 3.000 евра. Но, средбата никогаш не се случила, па жената сфатила дека е измамена.
Полицијата работи на случајот.