Наука
Лансиран Falcon 9, потисникот успешно спуштен на платформа во океан
Американската компанија SpaceX, првпат ноќта кон саботата успеа успешно да оствари лансирање од Кејп Канаверал на Флорида со товар од американската агенција за вселенски истражувања NASA наменет за Меѓународната вселенска станица (ISS), а понискиот степен од ракетата „Falcon 9“ односно нејзиниот главен потисник неколку минути подоцна успешно да биде спуштен на платформа во Атлантскиот Океан за да може повторно да се користи, што е првиот случај во историјата на вселенските летови
Успешното автоматско слетување на главниот степен на ракетата носач на платформата се оценува како нов клучен чекор во настојувањата на американскиот милијардер Илон Маск и неговата компанија „ Space Exploration Technologies“ да развијат поевтина ракета којашто ќе може повеќекратно да се употребува, со што значително би се намалиле трошоците за вселенските летови.
Ракетата „Falcon 9“ во орбитата го однесе товарниот вселенски брод „Dragon“ кој во неделата треба да се спои со Меѓународната вселенска станица (ISS), која кружи околу Земјата на височина од околу 400 километри. Станува збор за прво снабдување на ISS со ракета на „SpaceX“ за потребите на NASA по последниот инцидент ланскиот јуни кога ракетата со вселенскиот брод и американскиот товар експлодираше кусо по полетувањето. Досега за тоа беа користени руските ракети и товарни вселенски бродови.
Околу две ипол минути по лансирањето, откако било потрошено горивото, главниот степен од двестепенската 70-метарска ракета автоматски се одвоил, се свртел и се упатил кон платформата која плови на Атлантикот околу 300 километри североисточно од Кејп Канаверал.
На снимките на NASA се гледа како големиот потисник на ракетата полека се спушта на платформата, осум минути по лансирањето.
„Ракетата слета, не ја проби платформата, не се преврти. Навистина сме среќни и возбудени поради тоа“, изјави Маск за новинарите во вселенскиот центар „Кенеди“ кусо по атерирањето на ракетата.
Американскиот претседател Барак Обама на Twitter го пофали успехот на Илон Маск. „Му честитам на SpaceX на спуштањето на ракетата на море. Благодарејќи на иноваторите како вас и NASA, Америка и натаму ги предводи вселенските истражувања“, напиша Обама.
Четирите претходни обиди за спуштање на ракетата не беа успешни, а во декември 2015 година, главниот степен на „Falcona 9“ беше успешно приземјен на почва во Кејп Канаверал.
Големиот потисник од платформата во океанот ќе биде вратен на Флорида во недела, потоа ќе биде тестиран, а пота најверојатно искористен во новата комерцијална вселенска мисија, можеби веќе во мај, според Маск.
Компанијата „SpaceX“ планира подоцна годинава на секои две седмици да лансира ракети од космодроми во Калифорнија и на Флорида за да ги исполни нарачките за поставување сателити во орбитата во износ од околу 10 милијарди долари.
Маск оцени дека секоја ракета „Falcon 9“, односни нејзиниот главен потисен степен, би можел да се користи 10 до 20 пати, а со некои помали корекции и репарации и до 100 пати. Компанијата, исто така, планира подоцна годинава да тестира помоќна верзија на ракетата, којашто наместо 9 би имала 27 ракетни мотори./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Наука
Здравиот начин на живот го неутрализира влијанието на генетиката за повеќе од 60 проценти, покажува истражување
Здравиот начин на живот може да го компензира влијанието на генетиката за повеќе од 60 проценти и да додаде уште пет години на животот, според првата студија спроведена на оваа тема.
Добро е познато дека некои луѓе се генетски предиспонирани за пократок животен век, објави Гардијан.
Исто така, добро е познато дека факторите на животниот стил, особено пушењето, консумирањето алкохол, исхраната и физичката активност, можат да влијаат на долговечноста.
Сепак, досега не е направено истражување за степенот до кој здравиот начин на живот може да се спротивстави на генетиката.
Наодите од неколку долгорочни студии сугерираат дека здравиот начин на живот може да ги ублажи ефектите од гените што го скратуваат животот за 62 проценти и да додаде дури пет години на животот.
Резултатите беа објавени во списанието BMJ Evidence-Based Medicine.
Оваа студија ја појаснува клучната улога на здравиот начин на живот во ублажувањето на влијанието на генетските фактори врз скратувањето на животниот век, заклучија истражувачите.
Студијата опфатила 353.742 луѓе од Обединетото Кралство Биобанка и открила дека оние со висок генетски ризик за пократок живот имаат 21 отсто зголемен ризик од рана смрт во споредба со оние со низок генетски ризик, без оглед на нивниот животен стил.
Наука
Балканот ќе биде еден од најтешко погодените региони во Европа, ниту на Mакедонија не ѝ се пишува добро
Иако научниците имаат алатки и методи за мерење на влијанието на климатските промени – како може тоа да се направи така што поединецот, во својот живот, има одредена вредност со која може да измери како, под влијание на климатските промени, неговиот живот е исто така се менува?
Не е лесно да се замисли што точно е „просечно глобално затоплување од 1,5 °C или 2 °C“ и како тоа ќе го промени нашето секојдневие, пишува Слободна Далмација.
На ова се обратија истражувачите од Технолошкиот институт во Масачусетс (МИТ)”; тие развија нов начин за мерење на влијанието на глобалното затоплување во реалниот живот и предвидување на долгорочните ефекти. Излегува дека и луѓето на Балканот ќе ја чувствуваат значајната промена.
Мерката на научниците од МИТ, создадена со помош на податоци од 50 различни климатски модели, е одредена од тоа колку ќе се зголеми или опадне бројот на „надворешни денови“ на различни дестинации низ светот до 2100 година, односно 24-часовни периоди кога температурите се доволно удобни за повеќето луѓе да се вклучат во активности на отворено, без разлика дали се за работа или за одмор. Ова се денови кога не е ниту премногу топло, ниту премногу студено, што научниците го сместуваат во температурен опсег од приближно помеѓу 10 °C и 25 °C, без екстремни временски појави.
Студијата на МИТ покажа дека тропските дестинации ќе доживеат најголеми промени во деновите на отворено. Најголемиот удар ќе го претрпи Доминиканската Република која до крајот на векот ќе губи дури 124 дена пријатно време годишно. Мексико, Индија, Тајланд и Египет ќе изгубат половина од тие денови.
Во Европа, на север ќе има повеќе денови со пријатно време бидејќи зимите ќе станат потопли, но на југ екстремните горештини во летните месеци ќе предизвикаат намалување на деновите на отворено.
Според податоците на МИТ, Балканот најверојатно ќе биде еден од најтешко погодените региони во Европа. Така Албанија ќе загуби 30 дена, Србија 26, Македонија 21, Бугарија 17, а Романија 12 дена. На југ, Грција би можела да изгуби 37 денови на отворено до 2100 година поради екстремните горештини помеѓу мај и јуни, според студијата на МИТ.
Промени ќе доживее и Пиринејскиот Полуостров: Португалија ќе има 33, а Шпанија 13 помалку денови на отворено.
Истражувачите велат дека разликата веќе се чувствува во Европа, при што луѓето избираат каде да патуваат врз основа на сè поекстремните жештини на претходно популарните дестинации.
Северна Европа ќе доживее попријатни денови, но причините за тоа не се добри вести. Франција, Германија и Австрија ќе добијат меѓу 18 и 52 дена пријатно време до 2100 година, главно поради потоплите зими, но ова би можело да биде фатален удар за и онака борбената скијачка индустрија во Европа. Поради недостигот на снег, се размислува за замена со вештачки снег, но многумина мислат дека тоа ни оддалеку не би помогнало да се одржи скијачката индустрија, за која „пријатни“ и целосно профитабилни „денови на отворено“ се само оние со многу реални снег.
Наука
Еден Американец и двајца Руси со руско летало заминаа на МВС во вселената
Еден Американец и двајца Руси полетаа со руско летало од космодромот Бајконур во Казахстан до Меѓународната вселенска станица. Станува збор за астронаутот на НАСА Лорал О’Хара и космонаутите на Рокосмос Олег Кононенко и Николај Чуб.
О’Хара ќе помине шест месеци на станицата, а Кононенко и Чуб ќе останат таму една година.
Тројцата космонаути требаше да заминат во вселенската станица минатата пролет, но нивната првична капсула послужи како придружба за друг екипаж. Вториот екипаж – исто така двајца Руси и еден Американец – се враќа дома на Земјата кон крајот на овој месец.
Нивниот престој беше продолжен од шест месеци на една година бидејќи нивната капсула Сојуз испушти течност за ладење додека беа на станицата.
Според НАСА, кога командантот на мисијата Кононенко ќе го заврши својот престој во вселената, тој ќе постави рекорд како човек кој поминал најмногу време – повеќе од илјада дена – во вселената.