Европа
Оланд: Европа мора да се движи во повеќе брзини, инаку ќе експлодира

Францускиот претседател Франсоа Оланд во понеделникот предупредил дека ЕУ ќе мора да се насочи кон патот на Европа во повеќе брзини, бидејќи во спротивно таа ќе „експлодира“, пренесуваат светските агенции.
„Ова е пресврт, европското будење подразбира јасен избор на форма на организацијата. Европа од 27 држави не може да остане единствена Европа. Идејата на Европа во повеќе брзини предизвика отпор но сега веќе сама се наметнува. Во спротивно, Европа ќе експлодира“, рекол францускиот претседател во интервју за повеќе европски дневни весници.
Оланд изјавил дека не може една земја да ги кочи останатите, а на Полска и Унгарија, чии влади бараат целата ЕУ да се врати на концептот на „послаба“ заедница со јакнење на националните држави собрани околу единствениот пазар и одбраната, им порачал дека Европа претставува систем на вредности.
„Нормално е Европската комисија да ги чува начелата на Унијата. Санкциите се можни, вклучувајќи ги и финансиските. Но една земја не може да се суспендира, и повторно да се обноват тие санкции кога таму ќе се промени владата“, рекол Оланд, додавајќи дека желбата земјите-членки да работат се заедно го носи и ризикот ЕУ да не работи ништо.
Оланд оценил дека главниот проблем на сегашната проширена ЕУ не се самите одлуки, кои според него се доста промислени, туку брзината со којашто тие се донесуваат.
„Пример е Грција околу која постигнавме компромис за време на 2015-та година Колку состаноци на Еврогрупата беа потребни за фактички да се испратат парите? Беа потребни три години за да се создаде монетарна унија. А бегалците? Колку беше потребно за да се воведат принципите на функционирањето на граничката стража. Европа доцни позади светот. Популистите користат твитови, кога Трамп го потпишуваше декретот за имиграијата помалку сметаше на неговиот моментален ефект, отколку на медиумите“, порачал Оланд./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Германија се уште одбива да и испорача ракети со долг дострел „Таурус“ на Украина

Германија во моментов не разгледува испорака на ракети „Таурус“ со долг дострел, кои се способни да погодат цели на растојание до 500 километри, на Украина, изјави германскиот министер за одбрана Борис Писториус за време на брифингот со украинскиот претседател Володимир Зеленски.
Писториус беше прашан дали Германија размислува за испраќање ракети „Таурус“ во Украина. „Ме прашавте дали го разгледуваме тоа, а мојот одговор е – не“, рече германскиот министер за одбрана.
❗️No Taurus missiles for Ukraine:
Q: "Given the intensification of shelling of all Ukrainian cities, and Kyiv in particular, over the past week, are you considering supplying Taurus missiles to us?"
German Defence Minister Pistorius: "In response to your question about whether… https://t.co/6XIC2BA35c pic.twitter.com/hjlAUMqXCE
— Anton Gerashchenko (@Gerashchenko_en) June 12, 2025
Украина веќе добива ракети со долг дострел од Франција, Обединетото Кралство и САД. Сепак, Германија досега останува воздржана во врска со ваквите испораки.
Иако канцеларот Фридрих Мерц јавно го поддржа испраќањето ракети „Таурус“ во Украина, сè уште не се случиле такви испораки.
Кон крајот на минатиот месец, на 27 мај, германскиот таблоид „Билд“, повикувајќи се на владини извори, објави дека сè уште не е донесена одлука за испорака на ракети „Таурус“ на Украина.
Во исто време, украинскиот претседател Володимир Зеленски, по средбата со Мерц, изјави дека сè уште се работи на можен трансфер на германски ракети, но тој и канцеларот се согласија да не разговараат јавно за оваа тема.
Европа
Зеленски: Трамп го препознава вистинското лице на Путин, тој гледа дека не е искрен

Украинскиот претседател Володимир Зеленски во интервју за германскиот „Билд“ изјави дека рускиот претседател Владимир Путин ги користи преговорите со Украина за да избегне построги санкции. Зеленски верува дека Русија го лаже американскиот претседател Доналд Трамп, обидувајќи се да го убеди дека постои дипломатски мост меѓу Москва и Киев, со што се обидува да спречи воведување нови санкции.
Според Зеленски, Путин ги користи преговорите како изговор. „Тој секогаш може да каже дека разговараме и дека ако се воведат санкции, нема да има повеќе преговори“.
Зеленски е убеден дека Путин не сака мир, туку се обидува да ја изолира Украина инсистирајќи на дијалог без учество на Европејците и Американците. Тој верува дека долгорочна војна без поддршка од западните партнери би била идеално сценарио за Путин, бидејќи Русија не може да издржи долга војна под притисок на партнерите и санкциите.
Зеленски верува дека Трамп го препознава вистинското лице на Путин и гледа дека руската страна не е искрена за војната. Тој додава дека ќе ги прифати критиките на Трамп ако тоа може да го забрза крајот на војната, нагласувајќи дека Путин разбира само сила, а САД ја имаат таа сила. Затоа, тој верува дека Трамп мора да воведе санкции за да го принуди Путин да води сериозни разговори за завршување на војната, бидејќи нема друг начин.
Зеленски нагласува дека санкциите биле воведени премногу бавно, што му овозможило на Путин да се адаптира. Сега, кога руската економија страда, Путин се обидува да купи повеќе време пред нови, построги санкции бидејќи може да издржи уште малку време. Токму затоа, верува Зеленски, треба веднаш да се воведат строги санкции.
На крајот, Зеленски вели дека колку повеќе меѓународна поддршка има, толку помалку Украинци ќе умираат. „Луѓето не се дрва што ги фрламе во огнот. Ние не се однесуваме кон нашите луѓе на начин на кој се однесуваат Русите“, заклучува Зеленски.
Европа
(Видео) Автомобил и автобус полн со патници се судрија кај Рим, загина 19-годишник

На регионалниот пат Виа Тусколана, во Гротаферата, во близина на Рим, околу 7:15 часот утрово се случи тешка сообраќајна несреќа, во која животот го загуби 19-годишен млад човек. Неговиот автомобил „Мини Минор“ се судри со автобус на јавниот превозник „Котрал“, кој бил полн со патници на своето утринско патување.
Според првичните информации, несреќата се случила на рамен дел од патот, непосредно пред мала кривина, на 25-от километар од Тусколана. Младиот возач, кој неодамна го положил возачкиот испит, се движел кон Рим, додека автобусот се движел во спротивна насока кон Рока Приора и Артена.
Un ragazzo di 19 anni è morto in un incidente lungo la via Tuscolana, a Grottaferrata, in provincia di Roma. Il giovane, che si trovava a bordo di una Mini Cooper, si è scontrato frontalmente contro un autobus Cotral. Fatale l’impatto per il 19enne. Feriti due passeggeri a bordo… pic.twitter.com/t372UCNjwo
— Local Team (@localteamit) June 11, 2025
Од моментално неофицијалната реконструкција, се чини дека автомобилот преминал во спротивната лента од непозната причина и директно се удрил во автобусот. Причината за несреќата може да биде момент на замор, здравствен проблем или краток момент на невнимание од страна на возачот.
Пожарникарите веднаш пристигнале на местото на несреќата за да го извлечат младиот човек од целосно смачканиот автомобил, но тој починал на местото на несреќата.
Двајца од автобусот – маж и жена на возраст меѓу 40 и 50 години – се здобиле со полесни повреди и биле однесени во болница. Возачот на автобусот, маж во четириесеттите години, поминал без физички повреди, но е во состојба на шок.
Патот останува затворен во двата правци, а полицијата е на местото на несреќата и спроведува истрага.